1 Mel 8:6 - JAM DE NHIALIC 2011

⁶ Go bäny ke ka ke Nhialic athänduŋ de män ë Bɛ̈nydït bɛ̈ɛ̈i tëde, ku leerkï ɣöt në biäk thïn de tëɣeric aläl, ku tɛ̈ɛ̈ukï ë wuök ke cerubiim thäär.

1 Mel 8:6 ပူးပေါင်းရင်းမြစ်များ

2 Tham 6:17

Na wën ke ke bïï athänduŋ de mät, ku tɛ̈ɛ̈ukï tëde në paany yic të wään bïï Debid luöi yen. Go Bɛ̈nydït gäm miɔ̈c ye nyop ëbɛ̈n, ku miɔ̈c de mät.

2 Tham 6:2

Go Debid kekë kɔckɛn cath ë yen kedhie lɔ Baala në Juda, bïk lɔ athänduŋ de Nhialic lɔ bɛ̈ɛ̈i ëtɛ̈ɛ̈n, athänduŋ de yic rin ke Bɛ̈nydït de rɛm, raan tɔ̈u ë thööcde në Cerubiim nïïm.

1 Mel 6:16

Go ɣön thïn cɔl tëɣeric aläl yïk në luak thar ciëën. Bɛ̈ɛ̈rde ee mitïïr kadhoŋuan ku aa cï kumic në tim de thidar gɔl në yiɛɛude leer ë ɣöt dol.

1 Mel 6:19

Go të bï athänduŋ de mät tääu thïn looi në ɣön nu tëɣeric thar ciëën.

1 Mel 6:27

Tholomon acï cerubiim tääu në ɣön nu thar ciëënë yic ke ke rɛm röt piny Tëɣeric aläl, ku wuök ke cerubiim cïk peer kaarou ayek röt jak ɣötic cil, ku jak wuök kɔ̈kkë pɛ̈ɛ̈ny ke ɣöt.

1 Mel 8:3

Na wën aa lɔ bäny ke Yithriɛl kenïïm puk kedhie, go bäny ke kake Nhialic athänduŋ de mät jɔt.

1 Mel 8:4

Go Lebai, ku bäny ke kake Nhialic athänduŋ de män ë Bɛ̈nydït, ku paany de mät kekë töny ɣeriic ke maläŋ kedhie, ku töny nu ë paanyic ëbɛ̈n jɔt ku leerki keek ë Luaŋdïtic.

1 Mel 8:7

Në kë ye cerubiim ke wuök pɛt në Athänduk nɔm nhial, ke ke kum Athänduk piny kekë waikɛn ye ë yen ket.

1 Lëk 22:19

Ënɔɔnë luööiyë Bɛ̈nydït Nhialinydu në piɔ̈ndu ëbɛ̈n, ku wëiku ëbɛ̈n. Gɔl yïŋ de tëɣeric, ke yï bï Athänduŋ de män de Bɛ̈nydït tääu thïn, ku lɔ ka kɔ̈k ɣer yiic ye kɔc ke läm looi.”

2 Lëk 5:7

Go bäny ke kake Nhialic athänduŋ de män ë Bɛ̈nydït lɛɛr ɣöt ë biäk thïn tëde, ku tɛ̈ɛ̈ukï tëɣeric aläl në wuök ke cerubiim thäär.

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Diɛt 80:2

Nyuöthë rɔt dhiën de Eparaim ku Benjamin ku Manatha, nyuöthë wo riɛldu, ku bä luäk wook!

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Bɛ̈n 37:9

Ku cerubiim tuum kenïïm, ku aake cï akum gɛ̈l piny në kewuök.

Yith 37:16

“Bɛ̈nydït de rɛm, Nhialic de Yithriɛl, thöönydu anu ë kaam de wuök ke cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Edhekiɛl 10:5

Ku awuɔɔu looi ë wuök ke cerubiim aye piŋ ë kal kɔ̈u biäk biic aya. Aye piŋ cï röl de Nhialic Awärjäŋ.

Edhekiɛl 41:4

Go ɣöt bɛ them guöpde, go yök ke ye mitïïr kathiëër në aguuk kaŋuan. Yen ee ɣönë atɔ̈u në ɣön nu cilë kɔ̈u. Na wën, ke lɛ̈k ɛn an, “Kënë ee tëɣeric aläl.”

1 Tham 4:4

Agokï kɔc tuɔɔc Cilo lek athänduŋ de män ë Bɛ̈nydït de rɛm nu në kɛm ke cerubiim lɔ bɛ̈ɛ̈i. Ago wɛ̈ɛ̈t ke Eli yï Ɣopni kekë Pineɣath lɔ në athänduŋ de män ë Nhialic.