1 Mel 8:53 - JAM DE NHIALIC 2011

⁵³ Bɛ̈nydït Awärjäŋ, ɣɔn bïï Yïn kuarkuɔ bei paan ë Rip, acï lɛ̈k Mothe raanduön ee Yïn luööi an cï ke lɔ̈c bei në juöör ke piny nɔm yiic bïk aa kakuön cï lɔc.”

1 Mel 8:53 ပူးပေါင်းရင်းမြစ်များ

2 Tham 20:19

Këda ee wun dït, ku ee wun töŋ de mät, ku ye bäny riëëu ë Yithriɛl. Eeŋö kaar wek bäk riɔ̈ɔ̈k? Kaarkï bäk këde Bɛ̈nydït riɔ̈ɔ̈k?”

Bɛ̈n 33:16

Acïn luɔi bï kɔc ke piny nɔm ye ŋic nɔn mit Yïn piɔ̈u we yɛn, ayï kɔcku të kën Yïn lɔ wekë wook. Täu de dhuëëŋdu ke wook yen abï wo pääk në kɔc ke piny nɔm.”

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Kuɛ̈n 23:9

Kɔc ya woi ke ya kääc tëthöny. Ku tïŋ keek ke ya nu në kuur nɔm. Ee kɔc lɛɛn rɛɛr pei ke ke ye wut, Kɔc cïï röt ee kuɛɛn në juöör kɔ̈kiic.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Nyöŋ 32:9

Në baŋ ye biäk de Bɛ̈nydït kɔcke ku Jakop ee këdɛn cï gäm en.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.