1 Mel 8:35 - JAM DE NHIALIC 2011

³⁵ “Të cïï Yïn deŋ tɔ kääc ke cïï be tuɛny, në biäk cïï kɔcku Yï luöi awäc, ku cïk kepiɔ̈ɔ̈th puk, ku wëëtdï kenïïm eenë, ke ke läŋ Yïn ke ke koor röt piny,

1 Mel 8:35 ပူးပေါင်းရင်းမြစ်များ

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

2 Tham 24:13

Na wën ke Gad jɔ lɔ tëde Debid ku lɛ̈k en an, “Ee kënou yen bä dɔm? Cɔŋ de run kadiäk tëde yïn wekë pinydun? Ku nɔn bï kɔc ke aterdun week cop në pɛ̈i kadiäk? Ku nɔn ee jɔŋ tuc thok bï we nɔ̈k ë nïn kadiäk pinydun? Tak ee kënë yic apiɛth. Ku jɔ tök meek ee kake yiic, kë bä lɔ lɛ̈k Bɛ̈nydït.”

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 8:33

Të cïï kɔckuön ke Yithriɛl tiaam në kɔc ke aterden, në biäk cïï kek Yï luöi awäc, ku cïk röt pɔ̈k Yïn, ku bïkkï ee Luaŋdïïtë ke ke koor röt piny, ku läŋkï Yïn an, bä ke päl awänyden,

1 Mel 8:34

ke Yï jɔ lɔ̈ŋden piŋ paannhial, ku pälë keek awɛ̈ɛ̈cken, ku pɔ̈kë kenïïm piny, ɣɔn gämë kuarken.

2 Lëk 6:24

“Na cï kɔckuön ke Yithriɛl lɔ tiaam në kɔc ke aterden në biäk de kërac cïk luöi yïn, ku të cï kek röt pɔ̈k yïn Luaŋdït eenë ke ke cï röt kuɔɔr piny, ku läŋkï yïn, në kokëpiɔ̈u päl ë keek awɛ̈ɛ̈cken.

2 Lëk 6:26

“Ku të kën ë deŋ tuɛny në biäk cï kɔcku awäc luöi yïn, ku të cï kek kepiɔ̈ɔ̈th pɔ̈k yïn, ku wëlkï kenïïm Luaŋdït, ku lɛ̈ŋkï yïn ke ke cï röt kuɔɔr piny,

Jop 12:15

Të cï Nhialic deŋ dɔ̈m kɔ̈ɔ̈c, piny ee riɛl, ku të cï Yen pïïu pɔ̈l, ke amool ee piny riɔ̈ɔ̈k.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Yith 9:13

Kɔc ke Yithriɛl akënkï kepiɔ̈ɔ̈th puk, cakaa nɔn cï Bɛ̈nydït de rɛm ke luöi katuc, akënkï röt pɔ̈k En.

Edhekiɛl 14:13

“Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Lebai 26:19

Yɛn bï lɛcduön dït dhoŋ kɔ̈u, ku ta nhial tɔ cït wëëth ë wenïïm ku ta piny tɔ cït ayööm ë wecök.

Ɣagai 1:10

Yen kë cïï deŋ ee tuɛny ka, ku cïn kë be luɔk.

Dhek 14:17

Na de jur lɔ jaai në luɔi bïï yen Bɛ̈nydït de rɛm lam ke ee Melik, ka acïn deŋ bï tueny pinyden.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Luk 4:25

Ku wek lɛ̈k yic an, Diëër abɛɛr juëc aake nu paan ë Yithriɛl ɣɔn nu Elija, ɣɔn cï tënhial thiöök ë run kadiäk ku pɛ̈i kadhetem, ku nu cɔŋ dït ë piny nɔm ëbɛ̈n.

Romai 10:9

Të gɛm yïn Bɛ̈nydït Yecu ë yïthok, ku gam ë yïpiɔ̈u, nɔn cï Nhialic e jɔt ë kɔc cï thou yiic, ke yïn bï kony wëi.

Romai 15:9

ku luɔi bï Juöör Nhialic aa lɛc nɔm ayadäŋ në baŋ de kok cï en piɔ̈u kok ke keek, acït man cï gɔ̈ɔ̈r e an, “Yen abä yɛn këdu gam ë Juöör yiic, Ku piaany rinku.”

Nyöŋ 11:16

Duökï röt tɔ thelë wei në Bɛ̈nydïtdun lɔ̈ɔ̈m, bäk yiëth kɔ̈k lɔ lam, ku luööikï keek

Nyöŋ 11:17

Na lak looi, Bɛ̈nydït abï piɔ̈u rac ke week. Abï deŋ tɔ kääc tënhial, ka pinydun abï ril wei aläl, ka acïn rɛɛp bï cil. Ku ëtɛ̈ɛ̈n, wek bï thou ëtɛ̈ɛ̈n, cakaa nɔn yen piny piɛth yen gäm week.

Nyöŋ 28:12

Abï week yiɛ̈n deŋ në aköölkë yiic, në adhaandɛn nu tënhial, ku thieei luɔidun ëbɛ̈n, ka wek bï juöör juëc aa dhɛ̈ɛ̈n, ku wek cïï bï aa dhëën tëde kɔc.

Nyuuth 11:6

Kɔckë adekï riɛl bï kek tënhial thiöök, ke cïn deŋ bï tuɛny ë akööl ke guiëërdɛn ee kek këden guiir: ku ciɛthkï në riɛl ë piëëu nïïm puk kek keek abïk aa riɛm, ku duikï piny ë jɔɔk ëbɛ̈n, ë duidɛn ë kepiɔ̈ɔ̈th.