1 Mel 8:34 - JAM DE NHIALIC 2011

³⁴ ke Yï jɔ lɔ̈ŋden piŋ paannhial, ku pälë keek awɛ̈ɛ̈cken, ku pɔ̈kë kenïïm piny, ɣɔn gämë kuarken.

1 Mel 8:34 ပူးပေါင်းရင်းမြစ်များ

Cäk 13:15

Yïn bä gäm piny lɔ tïŋ ëbɛ̈n, wekë mïthkuön bï lɔ̈ɔ̈k tɔ̈u në yïcök aɣet athɛɛr.

1 Mel 8:30

Ku piŋ pal ë raanduön ee Yï luööi, ku pal ë kɔckuön ke Yithriɛl, kööl bïï kek aa pal ee tënë. Ye piŋ paannhial paan ee Yïn rëër thïn, ku të cïï Yïn en piŋ, Ye kɔcku päl karɛcken.

1 Mel 8:33

Të cïï kɔckuön ke Yithriɛl tiaam në kɔc ke aterden, në biäk cïï kek Yï luöi awäc, ku cïk röt pɔ̈k Yïn, ku bïkkï ee Luaŋdïïtë ke ke koor röt piny, ku läŋkï Yïn an, bä ke päl awänyden,

1 Mel 8:35

“Të cïï Yïn deŋ tɔ kääc ke cïï be tuɛny, në biäk cïï kɔcku Yï luöi awäc, ku cïk kepiɔ̈ɔ̈th puk, ku wëëtdï kenïïm eenë, ke ke läŋ Yïn ke ke koor röt piny,

Diɛt 106:46

Acï kɔc yɔŋ keek tɔ kok piɔ̈ɔ̈th në biäkden.

Diɛt 106:47

Kony wook, Bɛ̈nydït Nhialinyda, ku bɛ̈ɛ̈iyë wook ciëën ë juöör yiic. Agoku piɔ̈ɔ̈th miɛt, ku buk rinkuön ɣeriic leec.

Diɛt 85:2

Yïn cï kɔcku päl karɛcken, ku pälë keek awɛ̈ɛ̈cken kedhie.

Bɛ̈n 6:8

Wek bä gäm piny wään cä thɔ̈n Abraɣam, kekë Yithaak, ku Jakop bï ya këde naamdun. Ee Yɛn aye Bɛ̈nydït.’

Jeremia 31:27

“Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Danyel 9:19

Bɛ̈nydït, piŋ wothook, pälë wook awɛ̈ɛ̈c, Bɛ̈nydït piŋ këda, ku bɛ̈ɛ̈rë! Ago ŋic ë raan ëbɛ̈n an, yïn ee Nhialic, du gääu! Yen ee pänydïïtë kekë kɔckë ayek kaku.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Amoth 7:2

Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?

Nyöŋ 30:1

Na wën ke lueel Mothe an, “Ënɔɔnë wek bï jɔ lɔc në kaam de athiɛɛi kekë aciɛɛn. Të cï kakë kedhie jɔ tuöl tëde week ku wek cï jɔ rɛ̈ɛ̈r ë juööriic. Të cïï Bɛ̈nydït Nhialicdun week thiäi thïn, wek bï lööŋ wään cä gäm week jɔ tak.

Nyöŋ 30:4

Cak aa wek ë cï thiäi ë aguuk mec kë piny yiic. Bɛ̈nydït Nhialicdun abï week määtiic ku abï week bɛ̈ɛ̈i ciëën.

Jocua 21:43

Ago Bɛ̈nydït Yithriɛl jɔ gäm piny ëbɛ̈n, piny ɣɔn cï thɔ̈n kuarken an bï gäm keek. Na ɣɔn, acïk piny nööm, ke ke jɔ piɔ̈ɔ̈t thïn.