1 Mel 8:1 - JAM DE NHIALIC 2011

¹ Na wën ke melik Tholomon ë cɔl bäny ke ke dhiëën ë ku bɛ̈i ke Yithriɛl kedhie, bïk bɛ̈n tëde yen ë Jeruthalem, në baŋ bïï kek athänduŋ de mät lɔ jɔt ë Dhiɔn Pänydït de Debid, ku leerkï ë Luaŋdïtic.

1 Mel 8:1 ပူးပေါင်းရင်းမြစ်များ

2 Tham 6:6

Na wën aacï kɔc ɣet tëde käm de Nacon, go miöör kɔ̈th, go Yudha athänduŋ de Nhialic dɔm.

1 Mel 2:10

Go Debid jɔ tɔ̈c kekë kuarken, ku tɔ̈ɔ̈u ë Pänydït de Debid yic.

1 Mel 3:15

Na wën ke Tholomon ë jɔ pääc, ago yök nɔn cï Nhialic jam ke yen ë nyuöth yic. Go lɔ Jeruthalem, ku kɛ̈ɛ̈c në Athänduŋ de Bɛ̈nydït nɔm, ku gëm Bɛ̈nydït miɔ̈c ye nyop ëbɛ̈n, ku miɔ̈c de mät. Ku jɔ bänyke kedhie luöi këcamdït.

1 Lëk 11:7

Në biäk cï ë Debid lɔ rëër ë päny cï gëlic, go aa cɔl “Pänydït de Debid.”

1 Lëk 15:25

Go melik Debid bäny ke Yithriɛl ku bäny ke rɛm ke tɔŋ lɔ paan de Obed Edom bïk Athänduŋ de mät lɔ bɛ̈ɛ̈i, agokï dhuëëŋ dït looi.

1 Lëk 15:29

Na wën ja Athänduŋ de mät bɛ̈ɛ̈i ë pänydït de Debid yic, go Mical nyan de Thaulo luïït ë awëërnyin, ago Debid tïŋ ke cɔ̈ŋ, ke ye kɛɛc nhial ë miɛt ë piɔ̈u, go dɔl guöp ë yepiɔ̈u.

1 Lëk 15:3

Go Debid kɔc ke Yithriɛl cɔɔl kedhie bïk lɔ Jeruthalem, në biäk bï kek Athänduŋ de mät lɔ bɛ̈ɛ̈i të ɣɔn cï guiir bïï ë yen tääu thïn.

1 Lëk 28:1

Na ɣɔn ke Debid ë yöök kɔc ke Yithriɛl kedhie bïk kenïïm bɛ̈n mat ë Jeruthalem. Bäny ke dhiëën ke Yithriɛl, ku bäny muk kake luɔi de ciɛɛŋ, ku bäny ke ɣööt thook, ku kɔc ee kake melik tiit, ku ɣɔ̈k, ku thök, ku wɛ̈ɛ̈t ke melik, ku bäny ke kake baai de melik, ku bänydït ke rem de tɔŋ, ku jɔ aa röördït de naamden, acï ke kut kenïïm ë Jeruthalem.

2 Lëk 30:1

Go Ɣedhekia thok tuöc kɔc ke Yithriɛl ku Juda kedhie, ku gɛ̈ɛ̈r Eparaim ku Manatha awereek, në luɔi bï kek bɛ̈n në Luaŋdïtic ë Jeruthalem, bïk dhuëëŋ de winythok dɔ̈t Bɛ̈nydït Nhialic de Yithriɛl.

Edhr 3:1

Na ɣɔn aa cï pɛɛi ye pɛ̈i dhorou bɛ̈n ku rɛ̈ɛ̈r kɔc ke Yithriɛl në wuötken yiic, go kɔc kenïïm lɔ kut Jeruthalem në piɔ̈n tök.

Diɛt 102:21

Yen abïï ë rin ke Bɛ̈nydït aa cɔɔl në Dhiɔn, ku abï aa lɛc nɔm ë Jeruthalem,

Diɛt 9:11

Pianykï Bɛ̈nydït; Raan ceŋ Dhiɔn! Lɛ̈kkï juöör ëbɛ̈n kë cï looi!

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Kuɛ̈n 1:4

Ku bɛ̈ny de dhiën në dhiën thook kedhie, abïk week aa kuɔny.”

Jocua 23:2

Ago Jocua kɔc ke Yithriɛl cɔɔl kedhie, cɔɔl röördït ku bäny ke dhiën, ku bäny ke luk, ku bäny ee Yithriɛl gäär, ku lëk keek an, “Yɛn ë dhiɔp aläl.

Jocua 24:1

Na ɣɔn, ke Jocua ë mat dhiëën ke Yithriɛl nïïm kedhie në Cekem. Cɔɔl röördït, ku bäny ke dhiën, ku bäny ke luk, ku bäny ke Yithriɛl. Agokï guëër në Nhialic nɔm.

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”