1 Mel 7:40 - JAM DE NHIALIC 2011

^40-45 Ɣuram ayadäŋ ë töny looi, ku koreek ye piny kɔ̈ɔ̈th, ku abïïny tööny ke gëm de miaac. Na ɣɔn ciëën ke Ɣuram thöl këriëëc ëbɛ̈n cïï melik Tholomon gäm en në biäk de Luaŋdït. Kake looi kï: Mëën kaarou, Ku guöl kaarou nu në mëën kaarou nïïm, ku kuɛɛt kaarou cï giɛɛt në guöl kɔ̈ɔ̈th, Bot kaŋuan ke tiim ke pomegraneet cï giɛɛt në nyïïn ke kuɛɛtiic nu në gööl kɔ̈ɔ̈th, ku abeer kaarou ke tiim ke pomegraneet ayek nu në kuat nɔ̈ɔ̈k në guöl nu në mën nïïm nhial, Abëël ke pïïu ye thel kathiëër acïï ke thɛ̈k kathiëër tääu në kenïïm, ku acï thïïr në lɔ̈ɔ̈r de pïïu ku miöör kathiëër ku rou. Ku töny ke thät ku thɛ̈k ke miaac. Kek ee kakë kedhie, acïï Ɣuram ke luöi melik Tholomon në maläŋ lɔ wai.

1 Mel 7:40 ပူးပေါင်းရင်းမြစ်များ

1 Mel 7:28

Aake loi akït ëbɛ̈ɛ̈r ë kek kɔ̈ɔ̈th kekë dït de kek yiic, ku jɔ thɛ̈k tääu në ɣäänkɛn le kek rok thïn,

1 Mel 7:39

Ku tɛ̈ɛ̈u thɛ̈k ye thel kadhïc në Luaŋdïtic në baŋ të lɔ wöuwic, ku tɛ̈ɛ̈u dhïny kɔ̈kkë në baŋ të lɔ rut. Ku tɛ̈ɛ̈u lɔ̈ɔ̈r ë pïïu në biäk de wöuwic të lɔ aköl amiäk.

1 Lëk 18:8

Ku jɔt malɔ̈ɔ̈ŋ juëc aya në Tibiɣath ku Kun, pɛ̈ɛ̈nydït cieŋ ë melik Ɣadadedher keek. (Acï Tholomon ke lɔ̈ɔ̈rdït ë pïïu, ku wai, ku aduuk ke Luaŋdït bɛ̈n looi në ee malɔ̈ɔ̈ŋkë).

2 Lëk 4:6

Na wën ke tɔ kake waak looi kathiëër, go dhïc tääu të lɔ wöuwic, ku dhïc të lɔ rut ë Luaŋdït. Ku abï ë kake miɔ̈c ye nyop ëbɛ̈n aa waak kɔ̈ɔ̈th. Ku pïïu tɔ̈u ë këde pïïu yic, abï bäny ke kake Nhialic aa waak.

2 Lëk 4:8

Ku tɔ pɛɛm kathiëër loi ku tɛ̈ɛ̈u keek ë Luaŋdïtic, dhïc të lɔ rut, ku dhïc të lɔ wöuwic. Acïk bɔt de guöl ke adhääp looi aya.

Bɛ̈n 24:6

Go Mothe biäk de riɛm de läi cï nɔ̈kë nööm, ku tɛ̈ɛ̈u abïïny yiic, ku piɛɛk biäk cï döŋ ë yïk kɔ̈u.

Bɛ̈n 27:3

Cuɛ̈cë thɛ̈k ke ŋeth, ku ka ye mac jok, ku thɛ̈k, ku thialtuŋ, ku abɔ̈c ke mac. Cuëc kake kedhie në maläŋ.