1 Mel 7:39 - JAM DE NHIALIC 2011

³⁹ Ku tɛ̈ɛ̈u thɛ̈k ye thel kadhïc në Luaŋdïtic në baŋ të lɔ wöuwic, ku tɛ̈ɛ̈u dhïny kɔ̈kkë në baŋ të lɔ rut. Ku tɛ̈ɛ̈u lɔ̈ɔ̈r ë pïïu në biäk de wöuwic të lɔ aköl amiäk.

1 Mel 7:39 ပူးပေါင်းရင်းမြစ်များ

1 Mel 7:38

Ɣuram acï thɛ̈k kathiëër ke maläŋ looi akït aya, thaaŋ tök, ee këde abël tök. Ku thaaŋ tök ee yic dɛ barmiil kadhïc ke pïïu, ku dït de tök kɔ̈u ee mitïr tök ku biäk.

1 Mel 7:40

Ɣuram ayadäŋ ë töny looi, ku koreek ye piny kɔ̈ɔ̈th, ku abïïny tööny ke gëm de miaac. Na ɣɔn ciëën ke Ɣuram thöl këriëëc ëbɛ̈n cïï melik Tholomon gäm en në biäk de Luaŋdït. Kake looi kï: Mëën kaarou, Ku guöl kaarou nu në mëën kaarou nïïm, ku kuɛɛt kaarou cï giɛɛt në guöl kɔ̈ɔ̈th, Bot kaŋuan ke tiim ke pomegraneet cï giɛɛt në nyïïn ke kuɛɛtiic nu në gööl kɔ̈ɔ̈th, ku abeer kaarou ke tiim ke pomegraneet ayek nu në kuat nɔ̈ɔ̈k në guöl nu në mën nïïm nhial, Abëël ke pïïu ye thel kathiëër acïï ke thɛ̈k kathiëër tääu në kenïïm, ku acï thïïr në lɔ̈ɔ̈r de pïïu ku miöör kathiëër ku rou. Ku töny ke thät ku thɛ̈k ke miaac. Kek ee kakë kedhie, acïï Ɣuram ke luöi melik Tholomon në maläŋ lɔ wai.

2 Lëk 4:10

Ku këde pïïu acï tääu në aguk thiääk ke Luaŋdït, të lɔ aköl amiäk lɔ wöuwic.

2 Lëk 4:6

Na wën ke tɔ kake waak looi kathiëër, go dhïc tääu të lɔ wöuwic, ku dhïc të lɔ rut ë Luaŋdït. Ku abï ë kake miɔ̈c ye nyop ëbɛ̈n aa waak kɔ̈ɔ̈th. Ku pïïu tɔ̈u ë këde pïïu yic, abï bäny ke kake Nhialic aa waak.

2 Lëk 4:7

Ku looi kuc ke mɛ̈ckealath kathiëër në adhääp cït man cï ë ye kiëët, dhïc të lɔ wöuwic ku dhïc të lɔ rut, ku jɔ ke tääu ë Luaŋdïtic.

2 Lëk 5:1

Na wën aacï Tholomon luɔi de ɣön ë Bɛ̈nydït thöl ë yïk, go ka wään cï Debid wun keek tɔ̈ɔ̈u pei në biäk de Luaŋdït bɛ̈ɛ̈i thïn, ago atek, ku adhääp ku lɔ ka kɔ̈k ëbɛ̈n tääu të ye wëu ke ɣön ë Nhialic muk.