1 Mel 7:27 - JAM DE NHIALIC 2011

²⁷ Ɣuram ayadäŋ ë thɛ̈k ke pïïu kathiëër de cök ye ke thel looi në maläŋ, bɛ̈ɛ̈r de tök ee mitïr tök ku biäk, ku dït de yen yic ee mitïr tök ku biäk, ku bɛ̈ɛ̈rde ke lɔ nhial ee mitïïr tök ku biäk.

1 Mel 7:27 ပူးပေါင်းရင်းမြစ်များ

1 Mel 7:26

Ku päny de lɔ̈ɔ̈r ë pïïu aye dhïlde milimtïïr kathiërdhorou ku dhïc. Ku thoŋde, acït abïny thok ku cït gaak moc wäl, ku ee yic dɛ bot kaarou ku thiërdhïc ke barmiil.

1 Mel 7:28

Aake loi akït ëbɛ̈ɛ̈r ë kek kɔ̈ɔ̈th kekë dït de kek yiic, ku jɔ thɛ̈k tääu në ɣäänkɛn le kek rok thïn,

1 Mel 7:38

Ɣuram acï thɛ̈k kathiëër ke maläŋ looi akït aya, thaaŋ tök, ee këde abël tök. Ku thaaŋ tök ee yic dɛ barmiil kadhïc ke pïïu, ku dït de tök kɔ̈u ee mitïr tök ku biäk.

2 Mel 16:17

Go melik Aɣadh thɛ̈k ke maläŋ de cök wään nu ë Luaŋdïtic nyaai ku jöt thɛ̈k bei në kenïïm. Go lɔ̈ɔ̈rdïït ë maläŋ ee rëër në miöör dït ke maläŋ kɔ̈ɔ̈th kathiëër ku rou bɛ̈ɛ̈i bei në miöör kɔ̈ɔ̈th, ku tɛ̈ɛ̈u në kuur kɔ̈u.

2 Mel 25:13

Go kɔc ke Babilon mëën ke maläŋ, ku thɛ̈k ke maläŋ, ku lɔ̈ɔ̈r de maläŋ, ɣɔn nu Luaŋdït dhuööŋ ëbɛ̈n, ku jɔtkï malɔ̈ɔ̈ŋ leerkï ke Babilon.

2 Mel 25:16

Ku në biäk de mëën kaarou, ku lɔ̈ɔ̈r dïïtë, ku thɛ̈k de cök ye thel ɣɔn lui ë melik Tholomon ke Luaŋdït, ku malɔ̈ɔ̈ŋ ë thɔ̈ɔ̈th ë keek, kakë thiɛkden acie lëu në thëm themë ye nyin.

Jeremia 27:19

Ku kë cïï Bɛ̈nydït de rɛm lueel kï në biäk de wai, ku löör de maläŋ, ku kuc, ku wëu kɔ̈k ke luaŋdït.

Jeremia 52:17

Go kɔc ke Babilonia kuec ke maläŋ dhuööŋ, ku thɛ̈k wään tɔ̈u Luaŋdït yic, ku dhoŋkï lɔ̈ɔ̈rdïït ë maläŋ, ku jɔtkï malɔ̈ɔ̈ŋ ëbɛ̈n leerë keek Babilon.

Jeremia 52:20

Ku këde maläŋ wään bïï ë melik Tholomon luöi Luaŋdït, ku kuec kaarou, ku thɛ̈k, ku lɔ̈ɔ̈rdït yic, ku miöör kathiëër ku rou ee yen kuɔny, thiek aläl në thëm.