1 Mel 6:5 - JAM DE NHIALIC 2011

⁵ Ku yïk ɣöt në kal ë pänydït kɔ̈u, ku wil tëɣeric në ɣöötdït de yiic aber ee yiic diäk ke ke lɔ nhial, ku adekï yiic ɣööt juëc.

1 Mel 6:5 ပူးပေါင်းရင်းမြစ်များ

1 Mel 6:16

Go ɣön thïn cɔl tëɣeric aläl yïk në luak thar ciëën. Bɛ̈ɛ̈rde ee mitïïr kadhoŋuan ku aa cï kumic në tim de thidar gɔl në yiɛɛude leer ë ɣöt dol.

1 Mel 6:31

Kueer ee lɔ tëɣericic, acï yiëk thïïk kaarou në tim de olip, ku ye liep në thook kadhïc.

1 Mel 6:6

Bɛ̈ɛ̈r de aber nu piny ke lɔ nhial ee mitïïr kaarou ku biäk, ku bɛ̈ɛ̈r de aber nu cil ee mitïïr kaarou ku biäk, ku bɛ̈ɛ̈r de aber nu nhial ee mitïïr kadiäk ku biäk. Ku päny de Luaŋdït në ɣööt yiic kedhie, aake yiu ë yiɛɛu yem piny, ago ɣööt jɔ röŋ në päny kɔ̈u apiɛth ke cïn nïn be ë yiɛ̈k ë kekɔ̈ɔ̈th.

1 Lëk 23:28

acï keek bɛ̈n aa gäm ee luɔiyë: Abïk bäny ke kake Nhialic kɔc dhiën de Aron ya kuɔny ë läm ɣön ë Nhialic, ku abïk kal aa guiir kekë ɣöötke, ku abïk kaɣeriic aa tiit ke ke cïï bïï dhiöök.

1 Lëk 28:11

Go Debid Tholomon gäm ka cï guiir kedhie ë biäk ë yïŋ de Luaŋdït, biäk de ɣööt ye käŋ tɔ̈ɔ̈u thïn, ku jɔ aa ɣööt kɔ̈k, ayï biäk de Tëɣeric aläl, të de yic akum.

1 Lëk 9:26

Bäny ee tïït kaŋuan ayek kɔc ke Lebai, ku kek ee bäny tɔ̈u ë riɛl ë kecin. Kek amuk ɣööt nu ë ɣön ë Nhialicic ku aye ka kɔɔr ëtɛ̈ɛ̈n gam.

2 Lëk 31:11

Go melik Ɣedhekia ɣööt dït tɔ yïk të thiääk kekë pëër ë Luaŋdït, ago kɔc keek looi,

2 Lëk 4:20

ku kuc ke mɛ̈ckealath, ku mɛ̈ckealathkɛn cï looi në adhäm awai, ayek dëp ë tëɣeric nɔm tueŋ cït man cï ë ye kiëët,

2 Lëk 5:7

Go bäny ke kake Nhialic athänduŋ de män ë Bɛ̈nydït lɛɛr ɣöt ë biäk thïn tëde, ku tɛ̈ɛ̈ukï tëɣeric aläl në wuök ke cerubiim thäär.

2 Lëk 5:9

Ku wai ye athänduk ɣääc abɛ̈ɛ̈rkï kɔ̈ɔ̈th, ka aye keek tïŋ tëɣeric, ku acïï keek ee tïŋ biic. (Wai aŋootkï ke ke nu ëtɛ̈ɛ̈n aɣet cï ee köölë.)

Neɣe 10:37

Wok bï mɔ̈n de rɛɛp ë piac luɔk yiɛ̈n bɛ̈ny de kake Nhialic ë Luaŋdïtic në ruöön thok ëbɛ̈n, ayï kakuɔn ke miɔ̈cdan de mɔ̈u, ku miök de olip, ku këriëëc ë lok ë mïth ke tiim ëbɛ̈n. Ku yïnku kɔc ke Lebai ee ajuëër kut në wuötkuɔn ke pɔ̈ɔ̈riic, töŋ ë thiëër, ku këriëëc ee luɔk në duumkuɔ yiic.

Neɣe 12:44

Ɣɔn ee thaarë kɔc aake cï gäm muŋ de luɔi de ɣööt ye käŋ tɔ̈ɔ̈u ka ye juɛ̈ɛ̈r Luaŋdït, në töŋ ë thiëër, ku rɛɛp cï kɔn luɔk ku kake ee luɔk në ruöön thok ëbɛ̈n. Kɔckë acï ke gäm riɛl bï kek käŋ aa tɔ kut në duum thiääk në wuöt, ka ye juɛ̈ɛ̈r bäny ke kake Nhialic ku kɔc ke Lebai cït kë kɔɔrë löŋ. Kɔc ke Juda kedhie aake cï piɔ̈ɔ̈th miɛt në bäny ke kake Nhialic ku kɔc ke Lebai,

Diɛt 28:2

Piŋ lɔ̈ŋdï, të dhiëëu ɛn kuɔɔny, të yan yacin jat nhial të lɔ tëduön ɣeric.

Bɛ̈n 25:22

Yïn bä lɔ yök ëtɛ̈ɛ̈n, ku la yï gäm lööŋkï kedhie në biäk de kɔc ke Yithriɛl ke yï nu në akum de athänduŋ de mät nɔm në kɛm ke cerubiim.

Diɛt ke 1:4

Jɔt ɛn wo yïn, ku kɔtku, tɔ rɔt ee melikdï, ku lɛɛrë yɛn ɣöndu. Ke wok bï piɔ̈ɔ̈th miɛt ëtök, deku nhiëër arëët, cït man ë kɔc cï dek në mɔ̈u. Yen kë ye diäär ëbɛ̈n yïn nhiaar ka!

Jeremia 35:2

“Lɔɔr tëde kɔc ke dhiën de Rekabai ku jam we keek. Ku bɛ̈ɛ̈iyë keek ë ɣön töŋ nu ë kal de ë Luaŋdït yic, ku gämë keek mɔ̈u.”

Jeremia 35:4

ku bɛ̈ɛ̈i keek Luaŋdït. Guɔ keek lɛɛr ɣön de kɔcpiööcë de tiët Ɣanan wën de Yigadalia, raan de Nhialic, ku ɣönë aa nu në ɣön de Maathia wën de Calum nɔm nhial, bɛ̈ny de naamde Luaŋdït, ku aa thiääk kekë ɣööt ke bäny kɔ̈k.

Edhekiɛl 40:17

Go raan ɛn jɔt tëëk ɛn në kal thok leer ɛn në kal yic. Aade ɣööt kathiërdiäk cï ke yiëk ë päny kɔ̈u biic, ku në kenïïm tueŋ ade të thiin cï yiu në kur,

Edhekiɛl 40:44

Na wën ke bïï yɛn ë kal yic biäk thïn. Aade ɣööt kaarou wel kethook ë kalic ëtɛ̈ɛ̈n, tök awel yethok wöuwic tëthiääk ke thoŋ të lɔ rut, ku däŋë awel yethok të lɔ rut tëthiääk ke thoŋ lɔ wöuwic.

Edhekiɛl 41:4

Go ɣöt bɛ them guöpde, go yök ke ye mitïïr kathiëër në aguuk kaŋuan. Yen ee ɣönë atɔ̈u në ɣön nu cilë kɔ̈u. Na wën, ke lɛ̈k ɛn an, “Kënë ee tëɣeric aläl.”

Lebai 16:2

Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.

Kuɛ̈n 7:89

Na wën, alɔ Mothe në paany de mätic, le jam kekë Bɛ̈nydït, ke piŋ röl ajam në kɛm ke cerubiim në akum de athänduŋ de mät nɔm. Go röl Mothe jääm.