1 Mel 6:13 - JAM DE NHIALIC 2011

¹³ Yɛn bï rëër në mïth ke Yithriɛl yiic, ku Yɛn cïï kɔckiën ke Yithriɛl bï puɔ̈l.”

1 Mel 6:13 ပူးပေါင်းရင်းမြစ်များ

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Bɛ̈n 25:8

Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic.

Bɛ̈n 29:45

Ku Yɛn bï ya Nhialic de kɔc ke Yithriɛl, ku Yɛn bï rëër në keyiic.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Lebai 26:11

Yɛn bï rëër në weyiic tëdiën ɣeric, ku wek cä ke bï nyääŋ piny.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden:

1 Tham 12:22

Bɛ̈nydït acï kuëëŋ looi, ka cïï week bï nyääŋ piny. Acï Bɛ̈nydït tak bï week tɔ ye kɔcke