1 Mel 5:7 - JAM DE NHIALIC 2011

⁷ Na ɣɔn aacï Ɣiram wël ke Tholomon piŋ, ke jɔ piɔ̈u miɛt arëët, ku lueel an, “Thieithieei Bɛ̈nydït ë köölë, Raan cï Debid yiɛ̈n wën pelnɔm adöt në ë jurdïïtë nɔm!”

1 Mel 5:7 ပူးပေါင်းရင်းမြစ်များ

Cäk 33:5

Na wën, ke Ethau ë liec yekɔ̈u, go diäär tïŋ, ku tïŋ mïth. Go Jakop luɔp an “Ku ee yï ŋa ee kɔc cath në yïnë?” Go Jakop lɛ̈k en an, “Kakë bɛ̈ny, ee mïth wään cï Nhialic ya dhuëëŋ guöp, ku gëm ke yɛn.”

1 Mel 1:48

ku lueel an, ‘Thieithieei Bɛ̈nydït Nhialic de Yithriɛl, në raan cï lɔc ee köölë bï nyuc në thöönydï nɔm ke ya ŋoot ke ya pïïr ke bä tïŋ’”

1 Mel 10:9

Thieithieei ë Bɛ̈nydït Nhialicdu! Bɛ̈nydït amit piɔ̈u ke yïn, abï yï nyuööc ë thööny de Yithriɛl nɔm. Në luɔi nhiɛɛr ë Bɛ̈nydït Yithriɛl aɣet athɛɛr, yen a tɔ En yïn ee melik, ago löŋ aa guiir në piathëpiɔ̈u ku yic.”

1 Mel 3:9

Yen gëm Yïn lïmdu piɔ̈n ee käŋ ŋic, bä löŋ ë kɔcku ŋiëc aa guiir, bä kërac aa ŋic ku ŋiɛc këpiɛth, eeŋa duëër ë kɔckuön juëckë lëu në mäc?”

1 Mel 4:7

Go Tholomon bäny kathiëër ku rou kuany bïk lui në Yithriɛlic ëbɛ̈n. Aake ye kacaam määtiic ë wuötken yiic, ku yïnkï ke melik baaide, raan tök në keyiic aaye këde pɛɛi tök ee ruöönic bɛ̈ɛ̈i.

1 Mel 5:6

Yen ënɔɔnë, yɔ̈ɔ̈kë kɔcku bïk a yiëp tiim ke thidar ë Lebanɔn, ku kɔc ee yɛn luööi abïk rëër në kɔc ee yïn luööi, ku yïn bä gäm ariöp de kɔckuön ee yï luööi, në këde kë bä lueel ëbɛ̈n. Ku aŋic nɔn cïn en raan nu në wo yiic, raan atët ee tiim ŋiëc yep cït kɔc ke Thidon.”

1 Mel 5:8

Go Ɣiram kɔc tuöc Tholomon lueel, an, “Jam cï tɔ yïnë yɛn acä piŋ, ku këde yïn piɔ̈u ëbɛ̈n abä looi në tiim ke thidar ku tiim ke ameth.

Diɛt 137:6

Tɔ liemdï nuɛt ë yathok, na cä yïn tak, na kën Jeruthalem tɔ dït awär miɛtëpiɔ̈ndï!

Kɛ̈ŋ 10:1

Mɛnh pel nɔm ee kɔc dhiëth en tɔ mit piɔ̈ɔ̈th: Ku dhiën ë piɔ̈u aye mɛnh piɔl piɔ̈u yiɛ̈n keek.

Kɛ̈ŋ 13:1

Mɛnh pel nɔm ee jiëëm de wun piŋ, ku mɛnh ee wun dɔl guöp ee jäny rɛɛc.

Kɛ̈ŋ 15:20

Mɛnh pel nɔm ee kɔc dhiëth en tɔ mit piɔ̈ɔ̈th, ku mɛnh piɔl piɔ̈u ee ke biɔɔn gup.

Kɛ̈ŋ 23:24

Miɛtëpiɔ̈u dït ee këde wun mɛnh piɛthpiɔ̈u ku pel nɔm.

Yith 8:18

Yakï wokë mïth cïï Bɛ̈nydït gäm ɛn. Bɛ̈nydït de rɛm tɔ̈u ë thööcde ë kuur ë Dhiɔn nɔm, acï wo tuöc kɔc ke Yithriɛl ke wo ye wël pïïr.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”