1 Mel 5:6 - JAM DE NHIALIC 2011

⁶ Yen ënɔɔnë, yɔ̈ɔ̈kë kɔcku bïk a yiëp tiim ke thidar ë Lebanɔn, ku kɔc ee yɛn luööi abïk rëër në kɔc ee yïn luööi, ku yïn bä gäm ariöp de kɔckuön ee yï luööi, në këde kë bä lueel ëbɛ̈n. Ku aŋic nɔn cïn en raan nu në wo yiic, raan atët ee tiim ŋiëc yep cït kɔc ke Thidon.”

1 Mel 5:6 ပူးပေါင်းရင်းမြစ်များ

Cäk 10:15

Ku Kanaan aa kaai në wëndɛn Thidon, ku lɔ Ɣeth.

1 Mel 10:26

Go Tholomon abëël juëc ke tɔŋ looi ka cït agum ku bot kaŋuan 1,400, ku aguum kathiëër ku rou12,000 ke jöŋgöör. Acï kɔ̈k tääu Jeruthalem, ku tɛ̈ɛ̈u kɔ̈k në pɛ̈ɛ̈nydït kɔ̈k yiic.

1 Mel 5:7

Na ɣɔn aacï Ɣiram wël ke Tholomon piŋ, ke jɔ piɔ̈u miɛt arëët, ku lueel an, “Thieithieei Bɛ̈nydït ë köölë, Raan cï Debid yiɛ̈n wën pelnɔm adöt në ë jurdïïtë nɔm!”

1 Mel 6:16

Go ɣön thïn cɔl tëɣeric aläl yïk në luak thar ciëën. Bɛ̈ɛ̈rde ee mitïïr kadhoŋuan ku aa cï kumic në tim de thidar gɔl në yiɛɛude leer ë ɣöt dol.

1 Mel 6:20

Tëɣeric tɔ̈u thïn aa ye bɛ̈ɛ̈rde mitïïr kadhoŋuan, ku dït de yen yic ee mitïïr kadhoŋuan, ku bɛ̈ɛ̈rde ke lɔ nhial ee mitïïr kadhoŋuan, ku acï Tholomon kum kɔ̈u ëbɛ̈n në adhäm awai. Yïk acï kum kɔ̈u në pɛɛm ke tim de thidar.

1 Mel 9:19

pɛ̈ɛ̈nydït ye kacaamke tɔ̈ɔ̈u thïn, ku yïk pɛ̈ɛ̈nydït ye ke abëël ke tɔŋ tɔ̈ɔ̈u thïn, ku pɛ̈ɛ̈nydït ke kɔckɛn ke jöŋgöör, ku yïk këriëëc kɔɔr ëbɛ̈n në Jeruthalem ku Lebanɔn ku në ɣään kɔ̈k kɔɔr ë piɔ̈nde në ciɛɛŋde yic.

1 Mel 9:27

Go melik Ɣiram Tholomon tuöc kɔckɛn ŋic abëël wïïr caath, ku ŋickï awɛɛŋ ke wɛ̈ɛ̈r bïk aa ger ëtök në kɔc ke Tholomon në abëël wïïr yiic

1 Lëk 22:4

Go kɔc ke Tayer ku Thidon kiëët, bïk mën ke tiim ke thidar juëc lɔ bɛ̈ɛ̈i.

2 Lëk 1:14

Go Tholomon rem de tɔŋ guiir, agum ku bot kaŋuan 1,400 de kɔc ke abëël ke tɔŋ, ku aguum kathiëër ku rou 12,000 de kɔc ee thɔ̈ɔ̈r ë jöŋgöör. Go kɔ̈k muk ë Jeruthalem, ku jɔ kɔ̈k tɔ tɔ̈u ë pɛ̈ɛ̈nydït kɔ̈k yiic.

2 Lëk 2:10

Ku yɛn bï kɔcku tuöc aguum kaarou 2000 de tɔn de agamɔ, ku aguum kaŋuan 4000 de tɔn de barli, ku aguum bot kaŋuan 400,000 de litïïr ke mɔ̈u, ku aguum bot kaŋuan 400,000 de litïïr ke miök de olip.

2 Lëk 2:8

Yɛn ŋic tëët de kɔcku në guëŋ ye keek tiim guaŋ, yen them bä yɛn tuöc tiim ke thidar, ku ameth ku tiim ke Lebanɔn. Yɛn cï rɔt guiir bä kɔckï tuɔɔc bïk kɔcku lɔ kony

Edhr 3:7

Na wën ke kɔc ë ke gëm wëu kɔc ee kur guaŋ kekë kɔc ee tiim guaŋ, ku gëmkï kɔc ke wun cɔl Thidon ku Tayer kacaam ku kadek ayï miök, agokï tiim ke thidar bɛ̈ɛ̈i në Lebanɔn në kueer wïïr agut cï Jopa, cït man cïï ye päl keek në Thairuth Melik de Perthia.

Diɛt 29:5

Röl de Bɛ̈nydït ee tiim ke thidar dhuööŋ, ayï thidar ke Lebanɔn.

Dhek 11:12

Guɔ lɛ̈k keek an, “Na kaarkï an gämkï yɛn ariöpdï, ke gämkï yɛn. Na cäkï kɔɔr bäk yɛn gäm ariöpdï, ke nämkï këdun. Agokï ya gäm ariöpdï ke ye atek kathiërdiäk.

Romai 12:17

Duökï kërɛɛc ee raan luöi week ee cool ë kërac anandun. Thɛmkï nɔn bä wek këpiɛth aa looi ë kɔc nïïm kedhie.

Epethiei 4:7

Ku wo cï yiɛ̈n dhuëëŋdepiɔ̈u wo wodhie, acït man ë thëm cï miɔ̈c de Kërtho thɛ̈m wook.

Nyöŋ 17:16

Ku melik acïï nɔm bï dɛ jöŋgöör juëc, jöŋgöör ke remdɛn ë tɔŋ, ku acïï kɔc bï dhil aa tuɔɔc Rip lek jöŋgöör ɣɔɔc, në biäk cïï Bɛ̈nydït Ye lueel an, kɔckï ë ke cïï kenïïm be pɔ̈k Rip.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.