1 Mel 4:25 - JAM DE NHIALIC 2011

²⁵ Në kaam ɣɔn pïïr ë Tholomon, Juda ëbɛ̈n, ku Yithriɛl aa rɛ̈ɛ̈r ë mätic ku cïn riɔ̈ɔ̈c. Gɔl në Dan ɣeet Biirceba, baai tök ee nɔm dɛ dom ë tiim ke ŋaapde.

1 Mel 4:25 ပူးပေါင်းရင်းမြစ်များ

2 Tham 17:11

Täŋdï ee luɔi bï yïn kɔc ke Yithriɛl määt yiic, gɔl ë Dan lee Biirceba. Abï dɛ kɔc juëc cït liɛɛt ë wɛ̈ɛ̈r yɔu, ku yïn guöp jɔ tɔŋ wat.

2 Tham 24:15

Go Bɛ̈nydït jɔŋ näk kɔc tuöc kɔc ke Yithriɛl, gɔl ɣɔn amiäk rial ke näk aɣët të cï lueel bï en thök thïn. Aa gɔl nääk ë Dan lee Biirceba, abï aguum kathiërdhorou 70,000 de kɔc thou.

2 Mel 18:31

Duökï jam de Ɣedhekia piŋ! Melik de Athiriya ayöök week bäk bɛ̈n bei bäk röt bɛ̈n than. Ku wek wedhie, ŋɛk abï aa tɔ lɔ le mïth ke enap ku ŋaap cam në duumkɛn ke tiim, ku dɛ̈kkï në pïïu në yïthkun yiic,

1 Lëk 22:9

Ku acï ya lɛ̈k gutguut. Acï lueel an, “Yïn bï mɛwä dhiëëth, wën bï bääny muk ë mätic, abä gäm mät tëde kɔc ke aterde nu në yelɔ̈ɔ̈m ëbɛ̈n. Ku abïï cɔl rin Tholomon, ku yɛn bï Yithriɛl gäm mät ku rɛ̈ɛ̈r lɔ dïu në aköölkë yiic.

Yith 36:16

Duökï jam de Ɣedhekia piŋ! Melik de Athiriya ayöök week bäk bɛ̈n bei, bäk röt bɛ̈n gäm ɛn. Ku week wedhie, ŋɛk abï aa tɔ lɔ le mïth ke enap ku ŋaap cam në duum ke tiimken yiic, ku dɛ̈kkï në pïïu në yïthkun yiic

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Edhekiɛl 38:11

Yïn bï piny cïn riɛl lɔ peec, të rëër ë kɔc në mät ku cïn riɔ̈ɔ̈c, bɛ̈i cïn nïïm kɛ̈l ku cïn thook cï gël.

Edhekiɛl 39:26

Të bï kek bɛ lɔ rëër në mätic pinyden, ke cïn raan riëëc keek, abïk nïïm bɛ määr në ayär wään cï kek gup yäär në luɔi cï kek A nyiɛɛn.

Maika 4:4

Raan ëbɛ̈n, abï ya rëër ë dïu në dom de ŋaapde thar. Acïn raandɛn bï ye bɛ aa riääc. Yen kë cïï Bɛ̈nydït de rɛm than piny ka.

Dhek 3:10

Ku lueel ë Bɛ̈nydït de rɛm an, “Të le ee köölë bɛ̈n, ŋɛk abï raan thiëëk kek aa caal në timdɛn ë enap thar, ku tim ë ŋaap thar.

Bäny 20:1

Go kɔc ke Yithriɛl kedhie gɔl ë Dan leer Biirceba, ku dɔm piny de Giliyad ëbɛ̈n. Gokï kenïïm mat ke ke ya akutnɔm dïït tök ë Bɛ̈nydït nɔm ë Midhpa.

1 Tham 3:20

Ago kɔc ke Yithriɛl ëbɛ̈n ŋic, gɔl ë Dan leer Biirceba, nɔn ye Thamwɛl tiët de Bɛ̈nydït cï lɔc.