1 Mel 3:15 - JAM DE NHIALIC 2011

¹⁵ Na wën ke Tholomon ë jɔ pääc, ago yök nɔn cï Nhialic jam ke yen ë nyuöth yic. Go lɔ Jeruthalem, ku kɛ̈ɛ̈c në Athänduŋ de Bɛ̈nydït nɔm, ku gëm Bɛ̈nydït miɔ̈c ye nyop ëbɛ̈n, ku miɔ̈c de mät. Ku jɔ bänyke kedhie luöi këcamdït.

1 Mel 3:15 ပူးပေါင်းရင်းမြစ်များ

Cäk 28:16

Ago Jakop pääc ë nïnic, ku lueel an, “Ë yic, Bɛ̈nydït anu eenë ku ja kuc!”

Cäk 31:54

Go Jakop thɔ̈k gäm Nhialic ë kuur nɔm ku nɛ̈k ke. Ku cɔɔl kɔcke lek cam në yen ëtök. Na wën acïk thök në cäm, ke ke nin ë kuur nɔm ëtɛ̈ɛ̈n.

Cäk 40:20

Ku ëtɛ̈ɛ̈n, kööl ë ye akööl diäk, aaye kööl ë dhiëëth ë melik de Rip. Go dhuëëŋ dït luöi bänyke kedhie. Ku luny raan ee mäu thiëëp bei kekë raan ee kuïïn cï pam thaal. Ku bïï keek në lïïmke yiic.

Cäk 41:7

Ago nïïm korkë, nïïm dïtkë liek. Na wën, aa pääc melik, ke ŋic nɔn ë nyuöth en.

1 Mel 3:16

Na wën ke diëër akɔɔrröör kaarou ke ke bɔ̈ tëde melik Tholomon bïkkï ku kɛ̈ɛ̈ckï ë yenɔm.

1 Mel 8:63

ku gëm Tholomon ka cï näk Bɛ̈nydït ke ke ye miɔ̈c de mät, ka cït agum thiërrou ku rou 22,000 de ɣɔ̈k, ku agum bɔt ku thiërrou 120,000 ke amɛ̈l. Go melik kekë kɔc ke Yithriɛl kedhie Luaŋdït jɔ gäm Bɛ̈nydït.

1 Mel 8:65

Go Tholomon kekë amatnɔm dïït de Yithriɛl ëbɛ̈n Dhuëëŋ de Kɛ̈ɛ̈t looi në Bɛ̈nydït Nhialic nɔm ëtɛ̈ɛ̈n ë luaŋdït yic, në nïniic kadhorou. Go kɔc juëc kenïïm mat ëtɛ̈ɛ̈n, kɔc ëbɔ̈ në Ɣamath të lɔ rut, në aken ë Rip të lɔ wöuwic.

1 Lëk 16:3

Ku jɔ kɔc tɛ̈k kacaam kedhie. Ee moc ku tik paan de Yithriɛl gäm kuïn cï pam ku rïŋ cï nyop, ku kuïn de thön cï pam, ku kalik ke rap.

2 Lëk 7:5

Go Tholomon aguum kathiërrou ku rou 22,000 de ɣɔ̈k gam, ku aguum bɔt ku thiërrou 120,000 de amɛ̈l ke ye miɔ̈c de mät. Gokï ɣön ë Nhialic jɔ gam ëtɛ̈ɛ̈n yen kekë kɔc kedhie.

Ethta 1:3

Na ɣɔn aacï runke aa diäk ë bäänyic, go dhuëëŋdït agök looi, cɔɔl en bäny tɔ̈u ë yecök, ku kɔc luui baaide, ku rem de tɔŋ de Perthia ku Media, ku röördït ke baai, ku bäny mac wuöt,

Jeremia 31:26

Ka abïï kɔc aa lueel an, ‘Yɛn aacï tɔ̈c aguɔ pääc ke ya ril.’

Danyel 5:1

Na ɣɔn ke melik Belcadhar ë cɔl agum de kɔc adhuëëŋke, bïk bɛ̈n cam ë këcamdït ku dëkkï ë mɔ̈u.

Kuɛ̈n 12:6

Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

Mak 6:21

Na wën, ke kööl piɛth bïïyë piny: Ɣerod, ëköölë dhiëthë ye, acï bänyke luöi këcamdït, ke bäny ë piny cieŋ, ku bäny ke tɔŋ, ku röördït ke Galili,