1 Mel 3:14 - JAM DE NHIALIC 2011

¹⁴ Ku të bï yïn aa cath ë kuɛɛrkï yiic, ku bä jamdï ku lööŋkï ya döt cït man ɣɔn ee wuur Debid cath, ke Yɛn bï aköölku ŋuak nyïïn.

1 Mel 3:14 ပူးပေါင်းရင်းမြစ်များ

1 Mel 11:34

Ku Yɛn cï ciɛɛŋ bï nyaai ëbɛ̈n tëde Tholomon, abä tɔ tɔ̈u në riɛlic në kaam pïïr en. Kënë abä looi në biäk de awundï Debid, raan cä lɔc ku ye lööŋkï döt, ku ye wëëtdï riëëu.

1 Mel 15:5

Bɛ̈nydït aa loi ee kënë në luɔi cï Debid yen tɔ mit piɔ̈u, ku acïn löŋdɛn cï kɔn dhoŋ kɔ̈u, ee këde tiiŋ de Yuria yetök raan ë Ɣit.

1 Mel 3:3

Go Tholomon Bɛ̈nydït nhiaar, ku ye cath në wël ke Debid wuniic, ku aaye miɔ̈c näk ku wal ŋïr gam në ɣään ke läm yiic ayadäŋ.

1 Mel 3:6

Go Tholomon bɛ̈ɛ̈r an, “Yïn cï nhiëër agɔk nyuöth wäär Debid raanduön ee Yï luööi, cït man ee yen cath ë kuɛɛrku yiic në yic, ku në piathëpiɔ̈u. Yïn ŋoot ke Yï döt nhiëërduön agɔk wekë yen, në kë cïï Yïn en yiɛ̈n mɛwä bï nyuc në thöönyde nɔm, cït ee köölë.

1 Lëk 28:7

Yɛn bï ciɛɛŋde döt aɣet athɛɛr, na le ŋoot ke loi wëlkï ku lööŋkï në piɔ̈n adöt, cït man yen ke looi ënɔɔnë.’

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 29:2

Acï këpiɛth looi në Bɛ̈nydït nɔm, ka cït ka wään cï kuɛɛrë Debid ke looi.

2 Lëk 34:2

Acï këpiɛth looi në Bɛ̈nydït nɔm, aa kuɛny kuɛɛr ke Debid wun cök, akën rɔt yal ë biäk cam ayï cuëc.

Diɛt 132:12

Na gam mïthku mändï ku gamkï liööŋ cä gäm keek, wɛ̈ɛ̈tken aya abïk lɔ̈ɔ̈k aa meliik ëceŋ aya në yïcök.”

Diɛt 21:4

Acï yï lip në pïïr, go gäm en, acï gäm run juëc ke pïïr.

Diɛt 21:5

Dhuëëŋde adït në biäk de kuɔɔnydu, acï tɔ baŋ rin ku tɔ de dhuëëŋdït.

Diɛt 91:16

Abä keek thieei në run juëc, abä keek kony.”

Kɛ̈ŋ 3:16

Pɛlënɔm ee yï gäm pïïr bäär, ku gëm yïn kuɛth, ku tɔ yïn aa dhuɛ̈ŋ.

Kɛ̈ŋ 3:2

Wëëtdï abï yï gäm pïïr piɛth lɔ yum, ku tɔ yï rɛ̈ɛ̈r abä dhiɔp.

Dhek 3:7

Acï Bɛ̈nydït de rɛm lueel an: “Na bä kuɛɛrdï kuany yic, ku döt löŋdï. Ke yïn bä tɔ ye bɛ̈ny de ɣöndï kekë kalde ëbɛ̈n. Ku yïn bä tɔ cït kɔc kääc wekë.

Luɔi 13:22

Ku të cï en e nyaai, ke jɔt Debid nhial abï aa melikden, go lueel në këde, an, ‘Yɛn cï Debid wën ë Jethe yök, raan nu ë yapiɔ̈u, raan bï këde yɛnpiɔ̈u looi ëbɛ̈n.’

Nyöŋ 25:15

Yak them në kake thëm yic ku kake luɔi adöt ë ceŋ, aguɔkï pïïr në run juëc piny gëmë Bɛ̈nydït Nhialicdun week.

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

Nyöŋ 5:33

Riëëukï keek kedhie, ago piath ke week, ku aguɔkï lɔ rëër ë run juëc piny bä lɔ gäm week.

1 Tim 4:8

Yïr ee raan e guöp yïïr ade naamdɛn thiinakäŋ: ku riëëu ee raan Nhialic riëëu ade naamdɛn dït ë këriëëc ëbɛ̈n, ee raan tɔ ŋɔ̈th në këde pïïr ënɔɔnë, ayï këde pïïr bï bɛ̈n.