1 Mel 22:8 - JAM DE NHIALIC 2011

⁸ Go Aɣap jam de Jeɣocapat bɛ̈ɛ̈r an, “Ade raan däŋ nu duëër wok Bɛ̈nydït luɔp në yen, Mikaya wën ë Yimla, ku amaan guöp, acïn këpiɛth cï kɔn caar në biäkdï, ee kërac ëbɛ̈n.” Go Jeɣocapat bɛ̈ɛ̈r an, “Yïn cïï ee kënë duëër lueel!”

1 Mel 22:8 ပူးပေါင်းရင်းမြစ်များ

Cäk 37:8

Ago mïthëkɔcken en luɔp an, “Ye tak, bä ya bɛ̈nyda ku cieŋ wo?” Agokï jɔ maan guöp arëët, në këde nyuöthde ku në këde kë lueel ë nyuöth në biäkden.

1 Mel 18:4

ka wään nɛ̈k ë Jedhebel tït ke Bɛ̈nydït. Obadaya acï bɔt ë tït ke Nhialic bɛ̈n jɔt le ke thiaan ë kɔ̈kiic ë kuriic, köŋë ke thiërdhïc ku köŋë ke thiërdhïc pei, ku ye ke miɔɔc në kacaam ku pïïu).

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

1 Mel 19:14

Go lueel, an, “Yɛn cï tiɛɛl dɔm Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tït ke Nhialic në abätäu, ku ja döŋ yatök ë giliŋ ku akɔɔrkï wëikï bïk a nɔ̈k.”

1 Mel 21:20

Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

1 Mel 22:13

Ku tuny wën lɔ Mikaya cɔɔl acï lɔ lɛ̈k en an, “Tït kɔ̈kkë kedhie acïk jam në thoŋ tök në luɔi bï melik tiam, ku yïn aya lɔ ku jam në tiëmde.”

1 Mel 22:18

Go Aɣap lɛ̈k Jeɣocapat an, “Kɛ̈në tïŋ wään cän e lɛ̈k yïn an acïn këpiɛth ee caar në biäkdï ee kërac ëbɛ̈n!”

1 Mel 22:27

Lɛ̈kkï yen bïï tääu ɣön ë döm ku yak cääm ë määth, ku duökï kuïn tɔ thiääk ke yen ayï pïïu agut të bän a nɔm lɔ dɔk në mät.”

1 Mel 22:7

Go Jeɣocapat lop an, “Cïn tiët däŋ de Nhialic duëër wok Bɛ̈nydït luɔp në tëde yen?”

1 Mel 22:9

Go Aɣap bɛ̈ny nu ë luɔi nɔm tooc an lɔ bɛ̈ɛ̈iyë Mikaya wën ë Yimla.

2 Mel 9:22

Go Joram Jeɣu luɔp an, “Bä në mät Jeɣu?” Go Jeɣu bɛ̈ɛ̈r an, “Duëër mät jɔ tɔ̈u adï, ke piny ë ŋoot ke thiäŋ ke tït ku yiëth wään gɔl ë moor Jedhebel keek?”

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Diɛt 34:21

Kɔc rac abïï racden ke nɔ̈k, kɔc man kɔc piɛthpiɔ̈ɔ̈th abïk këtuc yök.

Kɛ̈ŋ 15:12

Raan piɔlpiɔ̈u aman jäny, acie lɔ në kɔc pel nïïm lɔ̈m.

Kɛ̈ŋ 29:10

Nɛ̈k aman raan adöt, ku pïïr de raan adöt anhiɛɛr ë kɔc piɛthpiɔ̈ɔ̈th.

Kɛ̈ŋ 9:8

Du raan ee kɔc geet gup ee jɔ̈ɔ̈ny, abï yïn maan guöp. Ku na jäny raan pelnɔm ka bï yïn nhiaar.

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Yith 30:10

Ayek lɛ̈k tït ke Nhialic an, “Miɛmkï thook duökï wo lëk yïth, lɛ̈kkï wook kë nhiaarku buk piŋ. Tɔ wo muk luethkuɔ.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 36:23

Ku të wën cï Jeɣudi aber kadiäk ku ŋuan kueen, go melik ke tɛɛm wei ë lem koor, ku cuɛt ke mɛɛc. Aa ye jɔ looi aya arëk bï awerek thök ë dɛ̈p ëbɛ̈n.

Jeremia 38:4

Go bäny lɔ tëde melik ku luelkï an, “Yen ee monyë abï dhil nɔ̈k. Në ee jam jiɛɛm en, abï rem de tɔŋ nu ë pänydïtic tɔ pɛ̈l röt wei, ku alui kë cït ee kënë raan ëbɛ̈n, raan cï döŋ ë pänydïtic. Acïï kɔɔr bïï kɔc kony, akɔɔr bï ke luöi buɔ̈t.”

Amoth 5:10

Wek ee kɔc ee week jɔ̈ɔ̈ny tëde gööny maan, ku kɔc ee yic lueel ayak keek guɛɛny wei.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Maika 2:7

Duëër Bɛ̈nydït baai de Jakop luɛ̈l guöp ka cït ee kakë? Cï guöm de Wëi ke Bɛ̈nydït guɔ thök? Bɛ̈nydït ë yic duëër wook luöi ee kënë? Cï Bɛ̈nydït guɔ bäp? Bï kë cït ee kënë looi ë yic? Cie diɛɛr Go Bɛ̈nydït puk nɔm an, “Cie jamdï yen ee raan ee yic looi nhiëër?

Dhek 11:8

Yɛn ë piɔ̈u bɛ̈n riääk wokë tïït kɔ̈kkë kadiäk, tïït man ɛn, guɔ ke nyaai nyïïn kedhie në pɛɛi tökic.

Math 10:22

Ku we bï maan ë kɔc kedhie në baŋ de rinkï, ku raan ë yepiɔ̈u ruut aɣet të bï käŋ thök, yen abï kony wëi.

Jɔn 17:14

Acä ke gäm jamdu, ku acï kɔc ke piny nɔm ke maan gup, luɔi cïï kek ee ka ke piny nɔm, cït man ë yɛn, yɛn cie këde piny nɔm.

Jɔn 7:7

Kɔc ke piny nɔm acïkï we duëër maan, ee yɛn mankï, në luɛl aa yɛn ë lueel an, luɔiden arac.

Galatai 4:16

Cä rɔt tɔ ye raan de ater ke week, nɔn cän week lɛ̈k yic?