1 Mel 22:43 - JAM DE NHIALIC 2011

⁴³ Acït Atha wun wään nu ë yenɔm, acï këpiɛth looi ë Bɛ̈nydït nɔm, ku akën ɣään ye yiëth lam thïn riɔ̈ɔ̈k, kɔc aa ke ŋoot ke ke ye miɔ̈c ku wal ŋïr lɔ gam ëtɛ̈ɛ̈n.

1 Mel 22:43 ပူးပေါင်းရင်းမြစ်များ

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

1 Mel 15:11

Atha acï këpiɛth looi në Bɛ̈nydït nɔm, kë cït kë cï kuɛɛrë Debid looi.

1 Mel 15:14

Na cakaa nɔn kën ë Atha ɣään ke yiëth riɔ̈ɔ̈k kedhie, aaye ŋoot ke adöt tëde Bɛ̈nydït në pïïrde yic ëbɛ̈n.

1 Mel 15:5

Bɛ̈nydït aa loi ee kënë në luɔi cï Debid yen tɔ mit piɔ̈u, ku acïn löŋdɛn cï kɔn dhoŋ kɔ̈u, ee këde tiiŋ de Yuria yetök raan ë Ɣit.

1 Mel 22:42

Jeɣocapat aaye run thiërdiäk ku dhïc ɣɔn dɔm en bääny, go bääny muk ë Jeruthalem ë run kathiërrou ku dhïc. Man acɔl Adhuba nyan de Cili.

1 Mel 3:2

Kɔc ke Yithriɛl aake ye Nhialic näk në ɣään thöny nïïm në kë cïn en Luaŋdït ë cï yïk në rin ke Bɛ̈nydït.

2 Mel 12:3

Ku yen aa kën ɣään thöny guɔ riɔ̈ɔ̈k ayadäŋ, ku kɔc aake ŋoot ke ke ye miɔ̈c näk lɔ gam, ku wal ŋïr ke tool ëtɛ̈ɛ̈n.

2 Mel 18:22

Na lak lueel an, “Wok kɛn röt në Bɛ̈nydït Nhialicda, cie kur ke Bɛ̈nydït kekë yïk kek ka wään riɔ̈ɔ̈k ë Ɣedhekia keek? Ɣɔn yöök en kɔc ke Juda ku Jeruthalem an yïïŋ tök ye tök yen bï kek aa lam në Jeruthalem.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

2 Lëk 15:17

Na cakaa wään kën ë Atha ɣään ke läm de yiëth riɔ̈ɔ̈k në Yithriɛl yic ëbɛ̈n, acï bɛ̈n ŋoot ke ye piɔ̈u adöt ë Bɛ̈nydït nɔm në pïïrde yic ëbɛ̈n.

2 Lëk 15:8

Na wën aa piŋ Atha wël cï tiët Adharia wën ë Oded ke caar, acï yen bɛ̈n gäm riɛl ë piɔ̈u. Ago yiëth riɔ̈ɔ̈k kedhie yiëth tɔ̈u ë Juda ku Benjamin, ku lɔ yiëth kedhie nu ë pɛ̈ɛ̈nydït cï ke peec piny ë kuur de Eparaim yic. Ku tɔ yïïŋ de Bɛ̈nydït tɔ nyɔk ë luɔi, yïïŋ nu ë kal de Luaŋdït yic cil.

Diɛt 101:3

ku yɛn cïï kërac bï gam. Yɛn man luɔi de kɔc ee Nhialic pɔ̈l, acïn këdiën bä looi wo keek.

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Diɛt 40:4

Thieithieei në raan ee Bɛ̈nydït ŋɔ̈ɔ̈th, raan cï rɔt ee pɔ̈k yiëth ku cï yenɔm puk kɔc ee yiëth lam.

Bɛ̈n 32:8

Acïk kueer wään lɛ̈k keek puɔ̈l. Acïk röt lɔ̈ɔ̈k luöi dan adhääp, ku gëmkï miɔ̈c, ku lamkï. Ayek lueel an ee yen nhialicdɛn wään wët keek bei Rip ka.

Kɛ̈ŋ 13:1

Mɛnh pel nɔm ee jiëëm de wun piŋ, ku mɛnh ee wun dɔl guöp ee jäny rɛɛc.

Kɛ̈ŋ 4:27

Ye kërac rɛɛc në luɔi, ku baric ë cik. Du rɔt kɔn nyaŋ në kueer ë yicic.