1 Mel 22:37 - JAM DE NHIALIC 2011

³⁷ Go melik Aɣap thou. Ago guöpde bɛ̈ɛ̈i ku tɔ̈ɔ̈u ë Thamaria.

1 Mel 22:37 ပူးပေါင်းရင်းမြစ်များ

1 Mel 16:24

Na wën ke ɣɔc kuur de Thamaria tëde Cemer në aguum kadhetem ke ateek. Go Omri pänydït yïk ëtɛ̈ɛ̈n ku jɔ cäk an Thamaria, në rin ke Cemer raan ɣɔn de kuur.

1 Mel 20:42

Go tiët lɛ̈k melik an, “Acïï Bɛ̈nydït lueel an, ‘Në biäk cï yïn raan tɔ bän ë yïcin, raan ë kaar bïï nɔ̈k, ku ënɔɔnë yïn bï raanë cool nɔm në wëiku, ku remduön ëtɔŋ abï riɔ̈ɔ̈k në biäk cïï kek rem de tɔŋde tɔ kual röt.’”

1 Mel 22:36

Në kaam ye akɔ̈l jɔ lɔ piny ke kiɛɛu ë lɔ tëde rem de tɔŋ ë Yithriɛl ëbɛ̈n an, “Raan ëbɛ̈n ë ye rɔt pɔ̈k paanden ku raan ëbɛ̈n ë ye rɔt pɔ̈k pinyden!”

1 Mel 22:38

Gokï abël ë ɣɛ̈ɛ̈cë melik lɔ waak në awuöl ë Thamaria lɔ̈ɔ̈m, go jɔ̈k bɛ̈n ku nyankï riɛmde, ku wak diëër akɔɔr röör röt ëtɛ̈ɛ̈n cït man cï Bɛ̈nydït e lueel an abï rɔt dhil looi aya.

Diɛt 34:21

Kɔc rac abïï racden ke nɔ̈k, kɔc man kɔc piɛthpiɔ̈ɔ̈th abïk këtuc yök.

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Edhekiɛl 13:6

Nyuuthken ayek lueth, ku cäärden ee tör. Ayek lueel an guiirkï wëlkï, ku akɛ̈n keek tooc. Ku ŋoot ke yek lueel nɔn bïï wëlken bɛ̈n ke ke ye yith!