1 Mel 22:27 - JAM DE NHIALIC 2011

²⁷ Lɛ̈kkï yen bïï tääu ɣön ë döm ku yak cääm ë määth, ku duökï kuïn tɔ thiääk ke yen ayï pïïu agut të bän a nɔm lɔ dɔk në mät.”

1 Mel 22:27 ပူးပေါင်းရင်းမြစ်များ

1 Mel 13:4

Na wën aa jɔ melik Jerobowam jam ë raan de Nhialic jiëëm en yïk në Bethel piŋ, ke jɔ yecin guɔ riɛny tueŋ ë yïk nɔm ke nyoth tiët ë Nhialic an, “Damkï!” Go ciindɛn awën nyooth en tiët ril wei, ka cïn luɔi dhuk en rɔt në yeguöp.

1 Mel 22:26

Go melik Aɣap bɛ̈nydɛn tök yɔ̈ɔ̈k an, “Mackï Mikaya, ku yiënkï Amon bɛ̈ny de pänydït kekë Jowac wën ë melik.

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

Diɛt 102:9

Yɛn ee ŋeth cam ke ye kuïn, ku pïïu ke yɛn nyin ayek liääp në pïïu ke dɛ̈k,

Diɛt 127:2

Acïn naamde bï raan aa lui aläl ë biäk de pïïr bï raan aa pääc miäk rial ku le tɔ̈c ke cï gääu. Bɛ̈nydït ee kɔc nhiɛɛr gäm këcam, ke ke nin.

Diɛt 80:5

Yïn cï wook gäm jiɛth de piɔ̈u buk cam, ku cumdïït de pïïu ke nyin buk dek.

Yith 30:20

Bɛ̈nydït abï we tëëk në akööl ke nuan yic, ku Yen abï tɔ̈u ke week ke wɛ̈ɛ̈t week, ku acäkï bï aa kɔɔr ke liu.

Jeremia 20:2

go kɔc yɔ̈ɔ̈k bïk tiët Jeremia dui ku tɔ rek ë joth tëthiääk kekë Kal Thoŋ ë Benjamin të lɔ nhial ë Luaŋdïtic.

Jeremia 29:26

“Bɛ̈nydït acï yïn tɔ ee bɛ̈ny de kake Nhialic në nyin de Jeɣoyada yic, ku ënɔɔnë yïn ee bɛ̈ny tueŋ ë Luaŋdïtic. Ee luɔidu bä raan ëbɛ̈n raan cï miɔ̈l, raan ee rɔt tɔ ee tiët, bä rek ë joth, ku tääuwë lääk ë wëëth ë yeyeth.

Jeremia 36:23

Ku të wën cï Jeɣudi aber kadiäk ku ŋuan kueen, go melik ke tɛɛm wei ë lem koor, ku cuɛt ke mɛɛc. Aa ye jɔ looi aya arëk bï awerek thök ë dɛ̈p ëbɛ̈n.

Jeremia 37:15

Gokï göth ë yɛn arëët, agokï yɛn tɔ dui, ku tɔkï yɛn mac ɣön de Jɔnathan, raan ee göny gɔ̈ɔ̈r, raan cïï ë ɣönde tɔ ye alooc ye kɔc mac.

Jeremia 38:6

Agokï yɛn dɔm ku luɛɛikï yɛn piny në wïïn yithic, yinh de wën melik Malekia yic, yinh ë tɔ̈u ë kal ë bääny yic. Aa cïn pïïu ë yithic, aaye tiɔ̈k yetök, guɔ lɔ piny ë tiɔ̈kic.

Luk 3:20

Go Ɣerod karɛc kedhie jɔ ŋuak nyïïn, në mäny cï en Jɔn mac në alooc yic.

Luɔi 26:10

Aguɔ looi aya ë Jeruthalem. Yɛn ë riɛl nööm tëde bänydït ke ka ke Nhialic, ku ja kɔc juëc mac ë aloc yiic, kɔc ɣerpiɔ̈ɔ̈th, ku ëkööl cï ë ke nɔ̈k, yɛn ë thonden gam.

Luɔi 5:18

agokï tuuc dɔm, ku tɛ̈ɛ̈ukï keek ɣön ee kɔc mac.

Epethiei 3:1

Yen aye yɛn raan ë Yecu Kërtho raan cï mac në biäkdun week wek Juöör, läŋkï Nhialic.

Nyöŋ 16:3

Të la wek ee këcamë cam, duökï kuïn cï pam cï looi në luɔu cam. Në nïn kadhorou yiic wek bï kuïn cï pam cïn yic luɔu aa cam, cït man wään luɔi wek en ɣɔn jäl wek në Rip ë aruööthic. Camkï ee kuïn cï pamë abï aa cɔɔl an, kuïn cï pam de nuan, aguɔkï ee köölë tak në pïïrdunic ëbɛ̈n, kööl ë bä wek bei në Rip, të de nuan.

Ɣeberuu 11:36

Kɔc kɔ̈k aake ye dɔl gup ku duike në wɛt, ku ye kɔ̈k duöt në ɣööt ke dömiic.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.