1 Mel 21:4 - JAM DE NHIALIC 2011

⁴ Go Aɣap lɔ ɣönde ku nɛ̈k e nyin ke cï piɔ̈u diu, në jam cï lɛ̈k en ë Naboth raan de Jedhreel, luɔi cï en e lueel, an, cïï bï gäm kë cä lɔ̈ɔ̈k lak tëde kuarken. Go lɔ tɔ̈c në agende nɔm, ku wel e nyin wei, ku cïï cäm.

1 Mel 21:4 ပူးပေါင်းရင်းမြစ်များ

2 Tham 13:2

Ku Amnon aa nhiaar Tamar aläl arëk abï rɔt cäk an de guöp juäi, në baŋ yen e yök ke rilic në luɔi duëër en Tamar nööm, ku në baŋ yen nyan kën kɔn yök kekë moc aa ye tɔ mɛ̈ɛ̈c kekë röör.

2 Tham 13:4

Go Jonadap lɛ̈k Amnon an, “Yïn ee wën ë melik, eeŋö yan yïn tïŋ ke yï diu piɔ̈u aköölnyïïn kedhie? Lɛ̈kë yɛn eeŋö cï riääk?” Go Amnon lɛ̈k en an, “Yɛn nhiaar Tamar, nyankënë ee wën wäär cɔl Abthalom.”

1 Mel 20:43

Go melik rɔt pɔ̈k baaide ë Thamaria, ke diɛɛr ku cï piɔ̈u jiɛth.

1 Mel 21:1

Na ɣɔn, aacï kake jɔ thök, Naboth raan ë Jedhreel ade nɔm dom e tim de enap, dom nu ë Jedhreel, tëthiääk ke baai de Aɣap melik de Thamaria.

1 Mel 21:3

Go Naboth jam de Aɣap bɛ̈ɛ̈r, an, “Yɛn cï kuëëŋ ë Nhialic luɔi cän yïn bï gäm piny, piny aa lak tëde kuarkuɔ!”

1 Mel 21:5

Na wën, ke Jedhebel tiiŋde ë lɔ tëde yen le ku thiëëc, an, “Eeŋö cï yïn piɔ̈u jiɛth aya, ku cïï cäm?”

Ethta 5:13

ku ee kakë kedhie, acïnkï naamden tëde yɛn, të ŋuɔɔt ɛn ke ya ye Modekayo tïŋ, raan ë Judai ke tɔ̈u ë kal ë ɣöndïït ë Melik thok.”

Jop 5:2

Kɛc ë piɔ̈u kekë tiɛɛl ayek dhɔ̈n nɔ̈k.

Wɛ̈ɛ̈t 6:9

Pëk ee raan pëk në ke tɔ̈u në yenyin tueŋ yen aŋuän në wïl ye raan piɔ̈u wïl ke kɔɔr kɔ̈k. Ee kë ɣɔ̈ric, acït cum de yom cök.

Jona 4:1

Kokdepiɔ̈u de Bɛ̈nydït ë Jona bɛ̈n wuööc piɔ̈u aläl ku göth.

Jona 4:4

Go Nhialic Jona thiëëc an, “Ee yiny ou tɔ yïn tɔ göth?”

Jona 4:8

Na wën aacï akɔ̈l ruɛl, ke Bɛ̈nydït Nhialic ë tɔ yom de aköl amiäk tɔ put kekë köpiör cï tucëtuc, go tuöc de akɔ̈l Jona duɛ̈ɛ̈r thööŋ abïï nïp ago thuɔɔu ŋuöön. Ku lueel an, “Aŋuɛ̈ɛ̈n ë luɔi thuɔu ɛn ku mäl në pïïr.

Jona 4:9

Go Bɛ̈nydït lueel an, “Dɛ ë nɔm yic duëër yïn tɔ göth në këde kuɔɔt? Ago Jona lueel an, “Ɣɛɛ, yɛn de yic duɛ̈ɛ̈r ɛn gɔ̈th abä thou.

Epethiei 4:27

Duökï jɔŋdït rac pɛ̈l të bï en rëër ë wepiɔ̈ɔ̈th.

Jakop 1:14

Raan ëbɛ̈n aye them, të cï e thɛl wei në ŋɔ̈ɔ̈ŋ de yenpiɔ̈u, ŋɔ̈ɔ̈ŋ de kërac, ago math.

1 Tham 28:23

Ago Thaulo jaai an cïn kë bïï cam. Go bäny ke remdɛn ë tɔŋ yɔ̈ɔ̈k aya në luɔɔi bï en cam. Na wën ke jɔ gam, ku jɔt rɔt piny, ku nyuuc në agen nɔm.