1 Mel 21:27 - JAM DE NHIALIC 2011

²⁷ Wën jɔ Elija thök ë jam, go Aɣap lupɔɔ ke yen kɔ̈u rɛtiic në jiɛthëpiɔ̈u, ku bïï ke biic ë yekɔ̈u ku pot rɔt në ŋeth, ku reec cäm ku tɔ̈ɔ̈c ë ŋethic, ku jiël ke cï rɔt tak në kë ë lui yë.

1 Mel 21:27 ပူးပေါင်းရင်းမြစ်များ

Cäk 37:34

Ago Jakop piɔ̈u riääk arëët, ku ret lupɔɔke yiic, ku tɛ̈ɛ̈u lupɔɔ ke cual ë yekɔ̈u. Ku dhiëëu wënde në nïn juëc arëët.

2 Tham 3:31

Na wën ke Debid yöök Jowap kekë kɔckɛn tɔ̈u ee yen, an, rɛtkï lupɔɔkun yiic ku tääukï lupɔɔ rac në we kɔ̈ɔ̈th, bï nyuɔɔth nɔn rac week piɔ̈ɔ̈th. Dhiaukï në biäk de Abener. Ku të wën tɔ̈ɔ̈uwë yen, melik Debid guöpde acï kɔc ɣɛ̈ɛ̈c guöp de Abener bɛ̈n biɔɔth cök ayadäŋ.

1 Mel 21:28

Go Bɛ̈nydït lɛ̈k tiët Elija raan wun ë Ticibe an,

2 Mel 18:37

Ëtɛ̈ɛ̈n go Eliakim ku Cebana ku Jowa lupɔɔken rɛtiic ë kekɔ̈ɔ̈th, në biäk cïï kek piɔ̈ɔ̈th jiɛth, ku lekkï tëde Ɣedhekia, ku lëkkï kë cï Rabcaka bɛ̈ny ë rem de tɔŋ de Athiriya lueel.

2 Mel 19:1

Na wën aacï melik Ɣedhekia këdɛn cïk lueel piŋ, go lupɔɔke rɛtiic në jiɛthëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït ë Bɛ̈nydït.

2 Mel 6:30

Na wën aa lɔ melik ee kënë piŋ, go lupɔɔke rɛtiic në jiɛthëpiɔ̈u, ku ciɛth ë kal ë pänydït nɔm, ku kɔc ë thiɔ̈k në kal ë pänydït, acïk tïŋ ke ceŋ lupɔɔ ke cual në biäk thïn.

1 Lëk 21:16

Go Debid tunynhial ë Bɛ̈nydït tïŋ ke kääc e kaam de të nhial ku piny, ke muk abätäu ë yeciin, ke cï rɔt coc bï Jeruthalem riɔ̈ɔ̈k. Go Debid ku bänyke ke ke ceŋ lupɔɔ ke cual ë kekɔ̈ɔ̈th, gokï kenïïm guöt piny abïk piny jak ë kenïïm.

Jop 16:15

Yɛn cieŋ lupɔɔ ke cuɔl, ku rɛ̈ɛ̈r abuui yic ke ya cï tiaam,

Bɛ̈n 33:4

Na wën, aa piŋ kɔc ee jamë, ke ke dhiau piɔ̈ɔ̈th arëët, ku lonykï kegup në guëtkɛn läk ku cïkï ke be cieŋ.

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Yith 38:15

Eeŋö duɛ̈ɛ̈r lueel? Ee Bɛ̈nydït Yen ë loi ee kënë. Yɛn tuc piɔ̈u, ku yɛn cie niin.

Jeremia 36:24

Ku melik ku bänyke akënkï bɛ̈n riɔ̈ɔ̈c wën piŋ kek ee jamë, ku akënkï luöi cï kek wäc nyuɔɔth aya.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jona 3:10

Go Nhialic ka cïï kɔc ke Ninebe looi ëbɛ̈n tïŋ, ku tïŋ luɔi cï kek kepiɔ̈ɔ̈th puk në päl pɛ̈l kek täu rɛɛcden, ago Yenɔm waar në riäŋ wään cï than piny an, bï luöi keek, ku akën ke bɛ̈n luöi këtuc.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”