1 Mel 21:25 - JAM DE NHIALIC 2011

²⁵ (Acïn raan cï rɔt gam taitai looi kërac ë Nhialic nyin cït Aɣap ku yen këde piɔ̈n ë tiiŋdɛn Jedhebel ka

1 Mel 21:25 ပူးပေါင်းရင်းမြစ်များ

1 Mel 16:25

Omri acï awäc bɛ̈n looi ë Bɛ̈nydït nɔm, awär ka ɣɔn cïï bɛ̈ny ɣɔn kɔn nu ë yenɔm tueŋ looi.

1 Mel 18:18

Go Elija pɔ̈k nɔm en, an, “Acie yɛn ë non Yithriɛl, ee yïn wekë baai de wuur. Wek ë lööŋ ke Bɛ̈nydït pɔ̈l ku lamkï yiëth ke Baal.

1 Mel 18:4

ka wään nɛ̈k ë Jedhebel tït ke Bɛ̈nydït. Obadaya acï bɔt ë tït ke Nhialic bɛ̈n jɔt le ke thiaan ë kɔ̈kiic ë kuriic, köŋë ke thiërdhïc ku köŋë ke thiërdhïc pei, ku ye ke miɔɔc në kacaam ku pïïu).

1 Mel 19:2

Go Jedhebel tuc tuöc Elija, lueel an, “Yɛn cï kuëëŋ në rin ke yiëth, na kɛ̈n wëiku tɔ cït wëi ke raan töŋ ee kɔckë yiic miäk wälë.”

1 Mel 21:20

Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

1 Mel 21:7

Go yɔ̈ɔ̈k ë tiiŋdɛn Jedhebel, an, “Cie yïn nu ë ciɛɛŋ ë Yithriɛl nɔm ënɔɔnë? Jɔt rɔt, cämë, ku tɔ yïpiɔ̈u mit yïn bä gäm dom de enap de Naboth raan ë Jedhreel!”

1 Mel 22:52

Acï karɛc looi në Bɛ̈nydït nɔm, ku kuɛny kueer ë Aɣap wun yic, ku man cɔl Jedhebel, ku melik Jerobowam ɣɔn tɔ kɔc ke Yithriɛl tɔ wäc.

1 Mel 22:53

Ee yanh cɔl Baal lam ku luui, cït wun wään kɔn nu në yenɔm tueŋ, ago Bɛ̈nydït, Nhialic de Yithriɛl tɔ göth.

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 23:25

Acïn melik cït en ɣɔn tueŋ, raan cï Bɛ̈nydït luööi në piɔ̈nde ëbɛ̈n, ku täŋde ëbɛ̈n, ku riɛlde ëbɛ̈n, ku ye löŋ de Mothe riëëu ëbɛ̈n, ku acïn melik cït en cï bɛ lɔ̈ɔ̈k bɛ̈n në yecök.

2 Mel 9:22

Go Joram Jeɣu luɔp an, “Bä në mät Jeɣu?” Go Jeɣu bɛ̈ɛ̈r an, “Duëër mät jɔ tɔ̈u adï, ke piny ë ŋoot ke thiäŋ ke tït ku yiëth wään gɔl ë moor Jedhebel keek?”

2 Mel 9:34

ku le ɣöndïït ë bɛ̈ɛ̈ny, ku dëk, ku ciëm. Ku jɔ lueel an, “Ënɔɔnë, lak jatkï ee tiiŋ cï cieenë, ku täukï, në luɔi yen nyan ë melik.”

Neɣe 13:26

Guɔ lueel an, “Aa ye diëër ke juöör kek ë tɔ Melik Tholomon wäc. Yen aaye raan dïït wär Meliik ke juöör kɔ̈k. Anhiɛɛr ë Nhialic en, ago looi ke ye Melik de Yithriɛl ëbɛ̈n, ku ëtɛ̈ɛ̈n ëbɛ̈n ŋoot ke lööny në awänyë yic

Bɛ̈n 34:16

Ku duökï wɛ̈ɛ̈tkun bï tɔ thiak duet lei. Aduëër ë diäär ke thɛl në läm ë yiëthiic ku pälkï Yɛn.

Kɛ̈ŋ 22:14

Jam de tiiŋ akɔɔrröör ee pul thuth thar, raan le wëŋ acïï Bɛ̈nydït cieen.

Wɛ̈ɛ̈t 7:26

Yɛn cï këtuc thok wär thuɔɔu yök, tiiŋ cït bɔi ku cït ciin wïn ë dɛ̈p. Raan ee Nhialic riëëu abï poth në ye tiiŋë ciin, ku kɔc ee awɛ̈ɛ̈c looi abïï ke dɔm.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 52:3

Acïï Bɛ̈nydït Awärjäŋ lɛ̈k kɔcke an, “Të cä wek aa lïïm, acïn wëu cï ke gäm week, në ee kueerë ayadäŋ acïn kë bïï tääu piny bïï ë we tɔ lääu nïïm.

Luɔi 14:2

Go Judai reec gäm gokï Juöör kɛ̈ɛ̈k, ku tɔkï ke nhiany piɔ̈ɔ̈th në wäthii.

Luɔi 6:12

Agokï kɔc riir aläl ayï röördït, ayï kɔc ee löŋ gɔ̈ɔ̈r, agokï bäk, dɔmkï, ku thelkï leerkï ë löŋ nɔm.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

Romai 7:14

Löŋ aŋicku nɔn ee yen këde wëi, ku yɛn ee raan ë piny tei, yɛn cï ɣaac ka yɛn cï aa lïm de kërac.

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.