1 Mel 21:20 - JAM DE NHIALIC 2011

²⁰ Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

1 Mel 21:20 ပူးပေါင်းရင်းမြစ်များ

2 Tham 11:27

Na ɣɔn aacï tëde dhiëëu nɔm wan, go Debid tik tɔ lee bɛ̈ɛ̈i paande, ku jɔ tɔ ye tiiŋde. Go ye dhiëth wënde. Ku Bɛ̈nydït acï piɔ̈u bɛ̈n diu në kë cïï Debid looi.

1 Mel 16:30

Aɣap acï karɛc looi në Bɛ̈nydït nɔm, awär awäny de bäny wään cï baai kɔn mac në yenɔm tueŋ.

1 Mel 18:17

Na wën aa tïŋ ë Aɣap Elija kë lɛ̈k en an, “Yï kï, yïn raan cï Yithriɛl noon?”

1 Mel 21:25

(Acïn raan cï rɔt gam taitai looi kërac ë Nhialic nyin cït Aɣap ku yen këde piɔ̈n ë tiiŋdɛn Jedhebel ka

1 Mel 22:8

Go Aɣap jam de Jeɣocapat bɛ̈ɛ̈r an, “Ade raan däŋ nu duëër wok Bɛ̈nydït luɔp në yen, Mikaya wën ë Yimla, ku amaan guöp, acïn këpiɛth cï kɔn caar në biäkdï, ee kërac ëbɛ̈n.” Go Jeɣocapat bɛ̈ɛ̈r an, “Yïn cïï ee kënë duëër lueel!”

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 21:2

Acï kërac looi në Bɛ̈nydït nɔm, cït karɛc ɣɔn ye juöör ke looi, juöör ɣɔn bïï Bɛ̈nydït cop në kɔc ke Yithriɛl nïïm.

2 Lëk 18:17

Go Aɣap lɛ̈k Jeɣocapat an, “Acä lɛ̈k yïn nɔn cïn en këpiɛth ye caar në biäkdï, ee kërac aköölnyïïn ëbɛ̈n!”

2 Lëk 18:7

Go melik Aɣap bɛ̈ɛ̈r an, “Raan tök atɔ̈u acɔl Mikaya wën ë Yimla. Ku amaan guöp, në biäk cïn en këpiɛth ye caar në biäkdï, ee kërac caar aköölnyïïn.’ Go Melik Jeɣocapat pɔ̈k nɔm en an, “Acïï duëër lueel aya!’

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 52:3

Acïï Bɛ̈nydït Awärjäŋ lɛ̈k kɔcke an, “Të cä wek aa lïïm, acïn wëu cï ke gäm week, në ee kueerë ayadäŋ acïn kë bïï tääu piny bïï ë we tɔ lääu nïïm.

Jeremia 38:4

Go bäny lɔ tëde melik ku luelkï an, “Yen ee monyë abï dhil nɔ̈k. Në ee jam jiɛɛm en, abï rem de tɔŋ nu ë pänydïtic tɔ pɛ̈l röt wei, ku alui kë cït ee kënë raan ëbɛ̈n, raan cï döŋ ë pänydïtic. Acïï kɔɔr bïï kɔc kony, akɔɔr bï ke luöi buɔ̈t.”

Edhekiɛl 14:4

“Ënɔɔnë jam we keek ku lɛ̈kë keek kë cä lueel yɛn Bɛ̈nydït Awärjäŋ, alɛ̈k keek: Raan baai de Yithriɛl ëbɛ̈n, raan cï yepiɔ̈u gäm yiëth, ku tɔ keek wɛt en në rɛ̈ɛ̈cic, ku ee raan bɔ̈ tëde tiët bïï bɛ̈n luɔp, abï bëër ë lop yök tëde yɛn, bëër rɔ̈ŋ kekë yiëth juëcke!

Amoth 5:10

Wek ee kɔc ee week jɔ̈ɔ̈ny tëde gööny maan, ku kɔc ee yic lueel ayak keek guɛɛny wei.

Mak 12:12

Gokï piɔ̈ɔ̈th dɛ luɔi dɔm kek en, ku acïk riɔ̈ɔ̈c ë kut ë kɔc: acïk guɔ ŋic nɔn ë lueel en ë kääŋë në këden: agokï pɔ̈l, ku jëlkï.

Romai 7:14

Löŋ aŋicku nɔn ee yen këde wëi, ku yɛn ee raan ë piny tei, yɛn cï ɣaac ka yɛn cï aa lïm de kërac.

Galatai 4:16

Cä rɔt tɔ ye raan de ater ke week, nɔn cän week lɛ̈k yic?

Epethiei 4:19

kɔc cïn piɔ̈ɔ̈th, agokï röt gäm luɔi de dhööm, bïk luɔi col kithic aa looi në ŋɔ̈ɔ̈ŋ ë ke dɔm.

Nyuuth 11:10

Go kɔc rɛ̈ɛ̈r ë piny nɔm gokï piɔ̈ɔ̈th miɛt në thonden, ku dɔlkï, ku abïk röt miɔɔc ë käŋ kapäc, luɔi cï tïtkë kaarou kɔc rɛ̈ɛ̈r ë piny nɔm leeŋ wëi.