1 Mel 21:2 - JAM DE NHIALIC 2011

² Go Aɣap jam kekë Naboth, lueel, an, “Gämë yɛn domduön ë enap, bï ya domdiën ë wal, në luɔi thiëëk en ke ɣöndï, ku yïn bä gäm dom ë enap dom ŋuän ë ye, ku na piɛth tëde yïn, ke yïn bä gäm wëu röŋ ke yen.”

1 Mel 21:2 ပူးပေါင်းရင်းမြစ်များ

Cäk 16:6

Ago Abram puɔ̈k nɔm Tharai an, “Nyan lïmdu arɛ̈ɛ̈r në riɛldu, luöiyë kë kɔɔr në yïpiɔ̈u.” Ago Tharai Ɣajer looi arac, go Ɣajer rɔt kual.

Cäk 3:6

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

1 Mel 21:3

Go Naboth jam de Aɣap bɛ̈ɛ̈r, an, “Yɛn cï kuëëŋ ë Nhialic luɔi cän yïn bï gäm piny, piny aa lak tëde kuarkuɔ!”

1 Mel 21:6

Go yɔ̈ɔ̈k, an, “Yɛn ë jam wokë Naboth raan ë Jedhreel, guɔ yɔ̈ɔ̈k, an, Gämë yɛn domduön ë enap në wëu ku na ŋuɛ̈ɛ̈n tëde yïn, ke yïn bä wɛ̈ɛ̈r dom däŋ ë enap go bɛ̈ɛ̈r, an, yïn cä bï gäm domdiën de enap!”

2 Mel 9:27

Na wën aa lɔ Aɣadhia melik de Juda ye tïŋ, go kat ë jöŋgörde ke wel e nɔm wun cɔl Bethɣagan, go Jeɣu cop cök ku lëk kɔcke an, “Näkkï aya.” Gokï moc në abëldɛn ë tɔŋ kɔ̈u, të wën ciɛth en në kueer lɔ Gur, tëthiääk ke wun cɔl Yibiliim. Ku acï bɛ̈n lëu bï ɣet Megido, ku jɔ lɔ thou ëtɛ̈ɛ̈n.

Bɛ̈n 20:17

“Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”

Wɛ̈ɛ̈t 2:5

Yɛn cï rɔt luöi duum, ku cuöm ke yiic tiim de mïth kithiic.

Diɛt ke 4:15

Awɛɛŋ ke pïïu ayek dom piɔɔk, nyïïn ke pïïu wat, awɛɛŋ ke pïïu ayek wɛ̈t bei piny ë kuur ë Lebanɔn yic.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

Nyöŋ 11:10

Yen piny kaarkï bäk lɔ nöömë acïï cït piny de Rip, piny wään kan wek rëër thïn, wään ë Rip, të cä wek kɔ̈th com, wek ee lui aläl ke we puur duum,

Nyöŋ 5:21

‘Du tiiŋ de raan däŋ woi në yïpiɔ̈u, ku du ɣönde woi në yïpiɔ̈u, ayï pinyde, ayï lïïmke, ayï ɣɔ̈kke, ayï mulke, ayï këriëëcdɛn tɔ̈u kekë yen ëbɛ̈n du woi në yïpiɔ̈u.’

1 Tim 6:9

Ku kɔc kɔɔr luɔi bï kaken juëc ayek lööny ë thëmic, ku löönykï ë bɔi yic, ku ye ŋɔ̈ɔ̈ŋ ke dɔm ŋɔ̈ɔ̈ŋ ë kajuëc ɣäär yiic, kak ee kërac bɛ̈ɛ̈i, ku yek kɔc thɛl ë riääkic tɔkï ke mär ë taiwei.

1 Tham 29:6

Na wën ke Acic ë cɔl Debid, ku lueel an, “Yɛn cï kuëëŋ në Nhialic pïïr de Yithriɛl nɔn ee yïn raan ee yɛn riëëu, ku yɛn duëër piɔ̈u miɛt bä lɔ we yɛn ku bä lɔ thɔ̈ɔ̈r ee tɔŋë yic. Acïn kërɛɛc cä yök tëde yïn gɔl në kööl ɣɔn bïï yïn tëde yɛn agut cï ee köölë. Ku meliik kɔ̈k akënkï yï gam.

1 Tham 8:14

Abï duumkuön piɛth ke enap ayï ŋaap ku olip nööm, ku gëm keek bänyke.

1 Tham 8:6

Na wën aa piŋ Thamwɛl jamdɛn kɔɔr kek melik bï keek wat, acï piɔ̈u bɛ̈n diu ku lɛ̈ŋ Bɛ̈nydït,