1 Mel 21:11 - JAM DE NHIALIC 2011

¹¹ Go kɔc ke wunden, ayï röördït ku bäny ke baai, agokï looi cït man ë jam cï Jedhebel tɔ yïnë keek, ku cït man de jam cï gɔ̈ɔ̈r në awereek cï tɔ yïnë keek.

1 Mel 21:11 ပူးပေါင်းရင်းမြစ်များ

1 Mel 21:10

Ku bɛ̈ɛ̈ikï kɔc de gup anäinäi kaarou ë yenɔm bïk aa cäätɔɔ luel ater në yen, në baŋ cï yen Nhialic lat, ku lat melik. Ku jakï lɛɛr ë wut këc biic lak biɔ̈ɔ̈k ë kur abï thou.’

1 Mel 21:12

Agokï kööl bï kɔc cool ke ke cï cäm caal, ku tɛ̈ɛ̈ukï Naboth tëpiɛth ë kɔc yiic cil.

2 Lëk 24:21

Melik Jowac acï mat ke kɔc lui Dhekaria kiɛɛr rac, go melik keek yɔ̈ɔ̈k bïk Dhekaria biɔ̈ɔ̈k ë kur në kal ë Luaŋdït yic.

Bɛ̈n 1:17

Ku amadhiëëth acïk bɛ̈n riɔ̈ɔ̈c në Nhialic, gokï jam de melik kɛ̈n bɛ̈n gam. Acïk mïthwät bɛ̈n aa puɔ̈l apïïr.

Bɛ̈n 1:21

Ku Nhialic amadhiëëth bɛ̈n gäm bɛ̈i ke nïïmken, në luɔi ë cï kek Nhialic riëëu guöp.

Kɛ̈ŋ 29:12

Bɛ̈ny ee piŋ ë tör ë lueth, aye bäny nu yecök rac aya.

Kɛ̈ŋ 29:26

Kɔc ayek dap riŋ ke ke lɔ tëde bäny, ku guiëër ë löŋ yic aye yök tëde Bɛ̈nydït.

Yith 59:14

Luɔi de yic acï cuat wei, ku yic acï tɔ mec ke kɔc. Yith ayek kɔm në pëër dïït de wut yic, ku ja piathëpiɔ̈u ciën të be yök ëtɛ̈ɛ̈n.

Ɣodh 5:11

Yithriɛl ayɔŋ, acï dumic në baŋ kuɛny en ɣääriic cök.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Math 2:12

Na wën, acï ke wɛ̈ɛ̈t ë Nhialic në nyuöthic an, cïkï kenïïm be dhuöny të nu Ɣerod, ke ke jɔ jäl lek paanden tëkkï ë kueer däŋ.

Math 2:16

Na wën, acï Ɣerod ë tïŋ nɔn cï ë geet në röör pelnïïm, go gɔ̈th agönh rac, go kɔc tooc, ku tɔ mïthwät nu Betheleɣem näk kedhie, ayï mïth nu bɛ̈i ruup kedhie, cak në mïth cï runken aa rou ayï mïth lɔ ë kecök, cït man cï en ë cök ë lop en en tëde röör pelnïïm.

Luɔi 4:19

Na wën, ke Petero kekë Jɔn ë ke bëër, yöökkï keek an, “Luɛlkï week, nɔn piɛth en tëde Nhialic të piŋ wok këdun awär pïŋ piŋ wok këde Nhialic.

Luɔi 5:29

Go Petero kekë tuuc kɔ̈k agokï bɛ̈ɛ̈r an, “Wo bï jam e Nhialic dhil piŋ awär ke lueel kɔc.

1 Tham 22:17

Na wën ke melik ë yɔ̈ɔ̈k kɔckɛn ë ye tiit tɔ̈u ë yelɔ̈ɔ̈m an, “Pɔ̈kkï röt ku näkkï bäny ke kake Nhialic de Bɛ̈nydït në luɔi cï kek mat në Debid. Aŋickï nɔn kɛt en, ku akënkï lɛ̈k ɛn.” Go kɔc ee melik tiit jaai në luɔi bï kek kecin tääu në bäny ke kake Bɛ̈nydït gup, bïk keek nɔ̈k.

1 Tham 23:20

Ka ënɔɔnë yïn melik, bäär wunda në köölduön kɔɔr bï yïn bɛ̈n, ku yen abuk bɛ̈n gäm yïn të le yïn bɛ̈n.”