1 Mel 20:6 - JAM DE NHIALIC 2011

⁶ Ku ënɔɔnë, yɛn bï bänykiën ke luɔi tuɔɔc bïk pänydït lɔ kɔɔric ayï ɣööt ke bänykuön ke luɔi, ku abïk këriëëc cïk lɔ yök ke de naamde lɔ nööm. Ku abïk tɔ̈u ëtɛ̈ɛ̈n në kaam cït ee thaarë miäk.”

1 Mel 20:6 ပူးပေါင်းရင်းမြစ်များ

Cäk 27:15

Ku nöm Rebeka lupɔɔ piɛth, në lupɔɔ ke Ethau yiic wëndɛn tueŋ, ku tɛ̈ɛ̈u ke ë Jakop kɔ̈u wëndɛn ciëën.

2 Tham 24:14

Go Debid lɛ̈k Gad an, “Yɛn tɔ̈u në riäŋdït yic! Ku acä kɔɔr bï mɛnh ë raan ya luöi këtuc. Tɔ Bɛ̈nydït lui wo këtuc guöpde, në biäk ee Bɛ̈nydït piɔ̈u kok.”

1 Mel 20:5

Go kɔc cï tooc bɛ lɔ bɛ̈n, ku lëkkï Aɣap kë kɔɔr Benɣadad an: “Yïn cä tuöc tuuc nɔn duëër yïn ɛn gäm atek ku adhɛ̈p, ayï diäärku, ku mïthku.

1 Mel 20:7

Go melik Aɣap bäny ke pinyde cɔɔl ëbɛ̈n, ku lueel an, “Acäk tïŋ nɔn kɔɔr ee raanë bï wo riɔ̈ɔ̈k, acï ya tuöc thoŋ kɔɔr en diäärkï ku mïthkï, ku atekkï ku adhɛ̈pkï, ku acä gam.”

Yith 44:9

Kɔc ee yiëth looi kedhie acïnkï naamden, ku yiëth yek leec aläl acïnkï thaarden. Kɔc ee yiëthkë lam acïk cɔɔr ku acïn kë ŋickï ku abïk gup yäär.

Jeremia 25:34

Dhiaukï, wek bäny, wek kɔc ee kɔc tiit, dhiaukï arëët! Dhiaukï ku dalkï ë abuui yic. Akööl bï ë week tɛm röt acïk bɛ̈n, ku wek bïï tɛm röt cï nyök ke amääl.

Dhiëëu 1:10

Kɔc ke ater acïk wëuke peec kedhie. Acï keek tïŋ ke ke lɔ tëɣeric guöp, të cïï Bɛ̈nydït pɛ̈n juöör cie Judai, ke ke cïï bï aa lɔ në akutnɔmdu yic.

Dhiëëu 1:7

Acï döŋ yetök ënɔɔnë, yen Jeruthalem, ku ee läkdɛn ɣɔn thɛɛr tak. Wään lööny en, në kɔc ke ater cin, acïn raan cï yen bɛ̈n kony. Ku kɔc ke aterde acïk en dɔl guöp ɣɔn wïïk en.

Ɣodh 13:15

Na cakaa nɔn cï yen bäny në juööriic, ka cï ciët aguun nu ë wɛ̈ɛ̈r yɔu. Abä tuöc yom tuuc de jɔ̈ɔ̈ric ee bɛ̈n të lɔ aköl amiäk, ku awɛɛŋke abïk dëu, ku nyïïnkɛn ke pïïu abïk liu. Ka abï këriëëcdɛn cïk kuɛ̈t röt jɔt ëbɛ̈n.

Jowɛl 3:5

Në luɔi cä wek adhɛ̈pkï nööm, ku nɔ̈mkï ateek, ku këriëëcdiën de naamde ëbɛ̈n. Ku lɛɛrkï keek ë luëk ke yiëthkun yiic.