1 Mel 20:34 - JAM DE NHIALIC 2011

³⁴ Go Benɣadad lɛ̈k en an, “Yïn bä pɔ̈k nɔm pɛ̈ɛ̈nydït ɣɔn cï wäär ke nööm tëde wuur, ku yïn bï ɣäändït ke ɣööc yïk ke ke ye kake guöpdu në Damathko, cït ka ɣɔn cï wäär ke kɔn looi në Thamaria.” Go Aɣap bɛ̈ɛ̈r an, “Yïn bä pɔ̈l alɔ në baŋ de ee kakë. Go löŋ jɔ mac kekë yen ku pɔ̈l alɔ.”

1 Mel 20:34 ပူးပေါင်းရင်းမြစ်များ

1 Mel 15:20

Go melik Benɣadad gam në kë cï Atha thiëc en, ku tooc bɛ̈ny de remdɛn ë tɔŋ në wuöt ke Yithriɛliic ku peckï Yijon ku Dan ku Abel Beth Maaka, ku piny thiääk ke Baar ë Galili, ku aken ë Naptali.

1 Mel 20:33

Kɔc ee Benɣadad luöi aake tït në thoŋ piɛth bïk tïŋ ke nyuuthë keek, na wën aa lɔ Aɣap ye lueel an ee wänmääth, gokï bɛ̈ɛ̈r raantök ku luelkï an, “Cït man cï yïn e lueel, Benɣadad ee wäänmuuth.” Go Aɣap lueel an, “Lakkï bɛ̈ɛ̈ikï tëde yɛn. Na wën le Benɣadad bɛ̈n, go Aɣap caal në abëldɛn thel ë jöŋgöric.

1 Mel 20:42

Go tiët lɛ̈k melik an, “Acïï Bɛ̈nydït lueel an, ‘Në biäk cï yïn raan tɔ bän ë yïcin, raan ë kaar bïï nɔ̈k, ku ënɔɔnë yïn bï raanë cool nɔm në wëiku, ku remduön ëtɔŋ abï riɔ̈ɔ̈k në biäk cïï kek rem de tɔŋde tɔ kual röt.’”

1 Mel 22:31

Go melik de Thiriya Bänykɛn ke tɔŋ cath në abëël ke jöŋgöör kɔ̈ɔ̈th kathiërdiäk ku rou yɔ̈ɔ̈k an, duökï raan däŋ mɛk, makkï melik de Yithriɛl yetök.

2 Lëk 16:4

Na wën ke melik Benɣadad gam kë cïï melik Atha tak, ku tooc bänykɛn de rem de tɔŋ, bïk pɛ̈ɛ̈nydït ke Yithriɛl lɔ mak. Gokï Yijon peec, ku Dan, ku Abel Beth Maaka, ku lɔ pɛ̈ɛ̈nydït ke Naptali kedhie të ye käŋ tɔ̈ɔ̈u thïn.

2 Lëk 18:30

Go melik de Thiriya bäny tɔ̈u ë remdɛn ë tɔŋ kuath ë abëël ke tɔŋ yɔ̈ɔ̈k bïk melik de Yithriɛl mak yetök.

Yith 26:10

Na cakaa nɔn Yïn piɔ̈u kok wekë kɔc ee karɛc looi, acïkï bï kɔn wëët në luɔi de piathëpiɔ̈u. Acakaa piny de kɔc a piɔ̈ɔ̈th wai ayek ŋoot ke ke loi karɛc, ku jiɛikï në luɔi bï kek dïtdu tïŋ.

Yith 8:12

“Du ee mɛt në kïït de kɔc yiic, ku du ee riɔ̈c në kë ye kek riɔ̈ɔ̈c.

Nyöŋ 7:2

Të le Bɛ̈nydït Nhialicdun ë kɔckë tääu në we cin ku tiamkï keek, ke abäk keek dhil nɔ̈k kedhie. Duökï määth loi në keek, ku duökï keek nyuth kokëpiɔ̈u.

1 Tham 11:1

Na wën, ke Naɣac raan de Ammon ë leer rem de tɔŋ Jabec piny ë Giliyad, ku took. Ago kɔc ke Jabec lɛ̈k Naɣac an, “Loi mät we wook, ku wek buk aa luööi.”

1 Tham 15:8

go Agak melik de kɔc ke Amalek peec ke pïïr ku nɛ̈k kɔc kedhie.

1 Tham 15:9

Ku Thaulo kekë kɔcke acïk Agak bɛ̈n pɔ̈l, ku akënkï thök piɛth ayï ɣɔ̈k piɛth nɔ̈k, ayï daau piɛth, ayï amɛ̈l piɛth, kekë këriëëc piɛth ëbɛ̈n, ku riäkkï këriëëc cïn naamde ëbɛ̈n.