1 Mel 20:31 - JAM DE NHIALIC 2011

³¹ Go bänyke lɛ̈k en, an, “Acuk piŋ nɔn ee meliik ke baai de Yithriɛl ee piɔ̈ɔ̈th kok, takï wo tɛ̈ɛ̈u lupɔɔ ke cual në wokɔ̈ɔ̈th ku ceŋku awiɛɛth në woyiëth, tɛkdäŋ bï yï pɔ̈l apïïr.”

1 Mel 20:31 ပူးပေါင်းရင်းမြစ်များ

Cäk 37:34

Ago Jakop piɔ̈u riääk arëët, ku ret lupɔɔke yiic, ku tɛ̈ɛ̈u lupɔɔ ke cual ë yekɔ̈u. Ku dhiëëu wënde në nïn juëc arëët.

2 Tham 14:2

go Jowap raan tuöc tiiŋ pelnɔm nu ë Tekowa bïï bɛ̈n. Na wën cï bɛ̈n ke lëk yen an, “Looi rɔt cï raan dhiau, ku tääuwë lupɔɔ ke dhiëëu në yïkɔ̈u, ku du tac ë miök. Thööŋë rɔt tiiŋ cï dhiau ë nïn juëc në këde raan cï thou.

2 Tham 3:31

Na wën ke Debid yöök Jowap kekë kɔckɛn tɔ̈u ee yen, an, rɛtkï lupɔɔkun yiic ku tääukï lupɔɔ rac në we kɔ̈ɔ̈th, bï nyuɔɔth nɔn rac week piɔ̈ɔ̈th. Dhiaukï në biäk de Abener. Ku të wën tɔ̈ɔ̈uwë yen, melik Debid guöpde acï kɔc ɣɛ̈ɛ̈c guöp de Abener bɛ̈n biɔɔth cök ayadäŋ.

1 Mel 20:23

Go bäny ke Thiriya aake ye melik Benɣadad yɔ̈ɔ̈k an, “Nhialiic ke kɔc ke Yithriɛl ee Nhialiic ke kur nïïm, ye ka tiɛɛm ë kɔc ke Yithriɛl wook. Ku abuk ke tiaam të le wok lɔ thɔ̈ɔ̈r ë keek në riaaŋic.

1 Mel 20:32

Gokï lupɔɔ ke cuɔl tääu në kekɔ̈ɔ̈th, ku duutkï awiɛɛth në ke yiëth, ku lekkï tëde Aɣap ku luelkï an, “Lïmduön Benɣadad aläŋ yïn, bä piɔ̈u kok wekë yen.” Go Aɣap bɛ̈ɛ̈r an, “Ŋoot ke pïïr? Apiɛth! Yen ee wänmääth!”

2 Mel 5:13

Na wën, ke lïïmke ë ke lɔ ë yelɔ̈ɔ̈m, ku luelkï, an, “Bɛ̈ny, të ë tiët ë cï yï gäm luɔidït aläl, adï kɛ̈në looi. Ënɔɔnë, eeŋö cï yïn rɔt go lɔ waak cït man cïï yen e lueel, ke yï bï guöp waar?”

2 Mel 7:4

Na luelku an lokku në pänydïtic, ke cɔk anu, wok duëër lɔ thou ëtɛ̈ɛ̈n, ku na rëërku, wok bï thou aya. Ka ënɔɔnë bäkï lokku wun de kɔc ke Thiriya, na cïk wo pɔ̈l, ke wo bï pïïr, ku na cïk wo nɔ̈k, ke wo bï thou.”

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Jop 2:4

Go Catan puk nɔm an, “Dɛ̈l aduëërë waar ë dɛ̈l, raan aduëër këriëëc tɔ̈u ke yen ëbɛ̈n gam në biäk bï yen pïïr.

Diɛt 69:11

Yɛn cï lupɔɔ ke dhiëëu tääu në yakɔ̈u, gokï ya dɔl guöp.

Kɛ̈ŋ 20:28

Piathëpiɔ̈u ku nhiëër ayek bɛ̈ny tɔ rɛ̈ɛ̈r në thönyde nɔm.

Yith 16:5

Na ë le ke raan töŋ de käu de Debid abï aa melik, ku abï kɔc mac në piathëpiɔ̈u ku nhiëër agɔk. Abï yic dap looi, ku abï löŋ ŋiëc aguiir.)

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Yith 37:1

Na wën aa cï melik Ɣedhekia këdɛn cïk lueel piŋ, go lupɔɔ rɛtiic në dhiënëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”