1 Mel 20:28 - JAM DE NHIALIC 2011

²⁸ Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

1 Mel 20:28 ပူးပေါင်းရင်းမြစ်များ

2 Tham 10:13

Na wën ke Jowap ë lɔ thïn kekë remdɛn ë tɔŋ bïk Thiriya lɔ mak, go kɔc ke Thiriya kat.

1 Mel 13:1

Na wën ke raan de Nhialic bɔ̈ në Juda ke bïï jam de Nhialic Bethel, ku Jerobowam aa kääc ë yïk nɔm ke gɛm miɔ̈c ë wal ŋïr.

1 Mel 17:18

Go tiiŋ thuööm lɛ̈k Elija, an, “Raan de Nhialic eeŋö lui yïn ɛn ee kënë? Ee yï bɔ̈ eenë bä Nhialic bɛ̈n täk nɔm në awɛ̈ɛ̈ckï ku tɔ wëndï thou?”

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

1 Mel 18:37

Piŋ jamdï, Bɛ̈nydït piŋ jamdï, ke bï ë kɔckë ŋic Bɛ̈nydït nɔn Yïn Nhialic, ku bïk ŋic nɔn puk Yïn kenïïm rɔt.

1 Mel 20:13

Na wën ke tiët ë lɔ tëde Aɣap melik de Yithriɛl ku lueel, an, “Acï Bɛ̈nydït lueel an duökï riɔ̈c në remdïït de tɔŋ bɔ̈yë, abä ke tääu në yïcin ee köölë, yen abä wek e ŋic nɔn ee Yɛn Bɛ̈nydït.”

1 Mel 20:29

Gokï lɔ ku piɔ̈ɔ̈tkï në kenïïm tueŋ në nïn kɔ̈k kadhorou. Ëtɛ̈ɛ̈n ɣɔn cï nïn kadhorou thök, go kɔc ke Yithriɛl rɔ̈m në kɔc ke Thiriya, go kɔc ke Yithriɛl bɔt de agum (100,000) de rem de tɔŋ de Thiriya nɔ̈k ë kööl tök.

2 Lëk 32:19

Ku aa ke ye jam në biäk de Nhialic de Jeruthalem në kueer ye kek jam në këde yiëth ke kɔc kɔ̈k, yiëth ë cuëc keek ë cin.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 79:10

Eeŋö duëër ë juöör wook aa thiëëc an, “Nu Nhialicdun ë nou?” Tɔ wo tïŋ luɔi dui Yïn juöör në luɔi cï kek rim ke awuutku tɔ kuëër piny.

Bɛ̈n 16:12

“Yɛn ë dok de kɔc ke Yithriɛl piŋ. Abïk aa cuet në rïŋ thëën, na miäk adurduur ke ke cäm në kuïn cït man ë kë kɔɔrkï, ke bïk ŋic nɔn Yan Bɛ̈nydït Nhialicden.”

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Bɛ̈n 7:5

Të lan A ciin thɛm kɔc ke Rip, ku bɛ̈ɛ̈i kɔc ke Yithriɛl bei pinyden, abïk Ɛn jɔ ŋic ëgɔk nɔn Yan Bɛ̈nydït.”

Bɛ̈n 8:22

Ku piny ë Gocen nu kɔckï thïn, abä gël ka acïn luaŋ bï lɔ thïn. Abä luöi week aya, ke bäk jɔ ŋic nɔn Yan Bɛ̈nydït, ku ŋiɛckï nɔn nuö Yɛn ee pinyë.

Yith 36:20

Ee yanh de wunou cï wunde kɔn luök në melikda ciin? Ka eeŋö tɔ we tak luɔi duëër ë Bɛ̈nydït Jeruthalem luök?”

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Edhekiɛl 11:12

Abäk ŋic nɔn ee yɛn Bɛ̈nydït, ku të wään muɔ̈k wek lööŋ ke juöör thiääk në week, ke wek aake dhuuŋ lööŋkï kɔ̈ɔ̈th, ku rɛɛckï ka cä lɛ̈k week.”

Edhekiɛl 12:16

Yɛn bï kɔc lik tɔ pïïr në tɔŋic, ku cɔk, ku jɔɔk, yen abïï kek e jɔ ŋic në juöör yiic ëtɛ̈ɛ̈n, abïk jɔ ŋic nɔn rɛɛc ë ka wään yek looi, ku abïk a ŋic nɔn ee Yɛn Bɛ̈nydït.”

Edhekiɛl 20:14

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya wɛ̈t Yithriɛl bei në Rip.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Edhekiɛl 36:32

Baai de Yithriɛl, akaar bäk ŋic nɔn cän ee kakë loi në biäkdun. Akaar bäk ayäär yök ku bäk gup riɔ̈ɔ̈c në biäk de ka luɔikï. Acä lueel, Yɛn Bɛ̈nydït Awärjäŋ.”

Edhekiɛl 39:7

Abä dhil looi ago kɔckiën ke Yithriɛl rinkiën ɣer yiic ŋic, ku yɛn cïï rinkï bï bɛ tɔ yäär. Ëtɛ̈ɛ̈n abï juöör jɔ ŋic nɔn ee yɛn Bɛ̈nydït, Raan Ɣeric de Yithriɛl.”

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Nyöŋ 29:6

Wek cïn nïïm kuïn cï pam camkï, ayï mɔ̈u ku nɔn mɔ̈n tuc dɛkï, ku Bɛ̈nydït acïï ka kaarkï keek bɛ̈n gäm week në biäk bï Yen week wɛ̈ɛ̈t luöi Yen Bɛ̈nydït Nhialicdun.

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny