1 Mel 20:22 - JAM DE NHIALIC 2011

²² Na wën ke lëk ë tiët Aɣap melik de Yithriɛl an, “Puk rɔt ku yïk riɛl de remduön ë tɔŋ, ku guiir rɔt, në biäk bïï melik de Thiriya bɛ bɛ̈n miäk ëlë yaak.”

1 Mel 20:22 ပူးပေါင်းရင်းမြစ်များ

2 Tham 11:1

Na ɣɔn yaak, të ye melik tɔŋ dap lɔ thɔ̈ɔ̈r, go Debid Jowap tuɔɔc biic kekë rem de tɔŋ ë Yithriɛl, gokï kɔc ke Ammon lɔ tiaam, ku geeukï Raba cil. Ku dɔ̈ŋ Debid ke rɛ̈ɛ̈r në Jeruthalem.

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

1 Mel 20:13

Na wën ke tiët ë lɔ tëde Aɣap melik de Yithriɛl ku lueel, an, “Acï Bɛ̈nydït lueel an duökï riɔ̈c në remdïït de tɔŋ bɔ̈yë, abä ke tääu në yïcin ee köölë, yen abä wek e ŋic nɔn ee Yɛn Bɛ̈nydït.”

1 Mel 20:21

Go Aɣap melik de Yithriɛl jöŋgöör ku abëël ke tɔŋ peec, ku tiɛɛm Thiriya arëët.

1 Mel 20:26

Na ɣɔn yaak cï ruöön thök, ke Benɣadad ë mɛ̈ɛ̈t kɔcke yiic, ku puk rɔt Apek, ke bï lɔ gɔ̈m ke Yithriɛl.

1 Mel 20:38

Go tiët jäl ku le melik tiit në kueer këc ke duööt nyin në biäk de buɔ̈t, go cuö ŋic.

1 Mel 22:8

Go Aɣap jam de Jeɣocapat bɛ̈ɛ̈r an, “Ade raan däŋ nu duëër wok Bɛ̈nydït luɔp në yen, Mikaya wën ë Yimla, ku amaan guöp, acïn këpiɛth cï kɔn caar në biäkdï, ee kërac ëbɛ̈n.” Go Jeɣocapat bɛ̈ɛ̈r an, “Yïn cïï ee kënë duëër lueel!”

2 Mel 6:12

Go bɛ̈ny ë rem de tɔŋ tök bɛ̈ɛ̈r an, “Acïn raan nu ë woyiic bɛ̈nydï, ee tiët Elica nu ë Yithriɛl, yen aye melik de Yithriɛl lɛ̈k këriëëc ëbɛ̈n ye lueel, ayï kë luel kë yï tɔ̈u në biöŋdu nɔm.”

1 Lëk 20:1

Na ɣɔn yaak, të ye melik tɔŋ dap lɔ thɔ̈ɔ̈r, go Jowap rem de tɔŋ lɛɛr tɔŋ ku peec piny de Ammon, ku melik Debid aa rɛ̈ɛ̈r ë Jeruthalem. Gokï pänydït de Raba gɛɛu cil, ku mɛkï ku riäkkï.

2 Lëk 25:11

Na wën ke Amadhia ë jɔ ŋeeny ku wɛt remdɛn de tɔŋ të lɔ Wak de Amilɔ. Agokï piɔ̈t ëtɛ̈ɛ̈n, ku näkkï aguum kathiëër 10,000 ë rem de tɔŋ de Edom.

2 Lëk 25:8

Aye tak an bïk yïn tɔ ril, ku ee Nhialic yen de nɔm riɛl bï yen raan gäm tiëm ku nɔn tɔ raan tiaam, ku abï kɔc ke aterdu tɔ tiaam week.”

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Kɛ̈ŋ 20:18

Kïït ayï tɔŋ ayek riɛl në jiëëm.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 42:8

“Ee Yɛn Yatök, Yɛn aye Bɛ̈nydït Nhialicdun. Acïn yanh däŋ rɔm ɛn ke dhuëëŋ wo yen, Yɛn cïï lɛcdï duëër rɔm wo yiëth.

Yith 8:9

Määtkï wenïïm ëtök në riɔ̈ɔ̈c wek kɔc cieŋ piny! Piëŋë yïn piny mec nu biäk tui. Cuɔckï röt thäärkï ku yak riɔ̈ɔ̈c! Ɣɛɛ, cuɔckï röt ku yak riɔ̈ɔ̈c!

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.