1 Mel 2:9 - JAM DE NHIALIC 2011

⁹ Ku kuëëŋë acïï ye duëër tɔ ye raan cïn guöp awäc. Yïn ee raan pelnɔm yïn ŋic kë bä luöi yen, yïn duëër nɔmdɛn cï louwë tɔ lɔ paan ë thuɔɔu rɛɛŋ ke cï riɔk ë riɛm.”

1 Mel 2:9 ပူးပေါင်းရင်းမြစ်များ

Cäk 42:38

Go Jakop lɛ̈k keek an, “Mɛnhdï acä bï tɔ lɔ ke week, ee yen ë dɔ̈ŋ yetök në man nɔm. Mänhë ka wään cï thouwë. Na jɔ dɛ kërɛɛc lɔ ye yök kueer? Acä bï lëu, yɛn cï dhiɔp. Na de kë lɔ rɔt looi, wek bï ya tɔ lɔ paan ë thuɔɔu ë dhiën ë piɔ̈u.”

Cäk 44:31

Të le yen meth tïŋ ke cïï cath ke wook, abï thou. Yen ë dhiɔp, ka dhiën ë piɔ̈u luiku yen aduëër en lɛɛr paan ë thuɔɔu.

Cäk 9:6

Ku raan lɔ raan nɔ̈k, abï nɔ̈k aya në raan däŋ. Në luɔi cï Nhialic raan cak ke thöŋ rɔt.

2 Tham 16:5

Na wën aa lɔ melik Debid ɣet Baɣurim, go Cimei wën ë Gera bɛ̈n bei wutic, ke lɛ̈ɛ̈t Debid ku ye läm aciɛɛn, ee raan töŋ de kɔc ke baai ë yï Thaulo.

2 Tham 3:39

Acakaa nɔn ee yɛn melik ë lɔc Nhialic, yɛn ë rɔt yök ke ya kɔ̈c ee köölë. Kek wɛ̈ɛ̈t ke Dheruiakë acïk a yiɛ̈n guöp akuöörkuöör arëët. Abïï Bɛ̈nydït ke luöi këtuuc rɔ̈ŋ ke keek!”

1 Mel 2:6

Yïn ŋic kë duɛ̈ɛ̈rë looi ë pɛlënɔmdu, du tɔ lɔ paan ë thuɔɔu në thon ë biöökic.

1 Mel 3:12

Yɛn bï kë cï kɔɔr looi. Yïn bä gäm pɛlënɔm, ku piɔ̈n ee käŋ yök yiic, ka bï ciën raan töŋ bï ciët yïn ɣɔn ë yïnɔm tueŋ, ku acïn raan däŋ bï bɛ ciët yïn.

1 Mel 3:28

Go Yithriɛl ëbɛ̈n guiëër cïï melik Tholomon löŋ ŋiëc guiir piŋ, gokï melik jɔ riëëu, në tïŋ cïï kek e tïŋ nɔn ciɛthë pɛlënɔm ë Nhialic ke yen, ku bï löŋ aa guiir ë yic.

Bɛ̈n 20:7

“Duökï rin ke Bɛ̈nydït Nhialicdun ee cɔ̈l baŋ në ka ɣääriic, në luɔi bän raan ëbɛ̈n luöi këtuc, raan ee Ya cɔɔl rin baaŋ në ka ɣääriic.

Bɛ̈n 22:27

Ee yen ee lupɔ töŋ yen kum ka, bï jɔ bɛ kum në ŋö de? Të le yen Ya cɔɔl, abä piŋ thok në luɔi Yan piɔ̈u kok.

Bɛ̈n 22:28

“Du Nhialic ee luɛ̈l guöp kërac, ku du bɛ̈ny ë kɔckun ee läm kërac.

Kuɛ̈n 32:23

Na cäkkï këduön cak lueel e looi, ke wek bï ya kɔc cï kërac luöi Bɛ̈nydït, duökï awɛ̈ɛ̈c loi në biäk de ë kënë, ke we cïï bï kuööm në awänydun.