1 Mel 2:5 - JAM DE NHIALIC 2011

⁵ “Ku yïn aŋic yen kë cï ë Jowap wën de Dheruia luöi ɛn, wään nɛ̈k en bäny ke rem de tɔŋ de Yithriɛl, yï Abener wën ë Ner ku Amatha wën ë Jether. Ku nɛ̈k ke në abätäudɛn nu ë yekɔ̈u, ku kɛ̈c ke në war nu ë yecök, abïï ciët kë thär tɔŋ, ku piny aa de mät, ago riɛmden tɔ̈u ke ye aciɛɛn në yeyeth.

1 Mel 2:5 ပူးပေါင်းရင်းမြစ်များ

2 Tham 17:25

(Ku Abthalom acï Amatha tääu në rem ë tɔŋ nɔm në nyin ë Jowap yic. Ku Amatha aaye wën ë Jether raan dhiën de Yicmiɛl, ku man Amatha acɔl Abigail nyan de Naɣac ku ye nyan ë nyankënë Dheruia man Jowap.)

2 Tham 18:12

Go raan puɔ̈k nɔm en, “Yɛn cïï wën ë melik duëër jak. Të ciɛk yïn yɛn gäm agum de atek. Wok cï jam de melik piŋ wodhie, wën yɔ̈ɔ̈k yen yïn wekë Abicai, ku Yitai, ‘Dɔ̈tkï Abthalom ku cïn kë luiyë ë yen në biäkdï.’

2 Tham 18:14

Go Jowap lueel an, “Yɛn cïï rɔt bï gɔ̈ɔ̈u ë jam wokë yïn! Go tɔɔŋ nööm kadiäk ku lee Abthalom thɔ̈ɔ̈r piɔ̈u, ke ŋoot ke pïïr ku anɔ̈ɔ̈k në tim de ɣok nɔm.

2 Tham 18:5

Ago melik Jowap, ku Abicai, ku Yitai, riit piɔ̈ɔ̈th ku jiëëm keek an, “Dɔ̈tkï Abthalom ku cïn kë luiyë ë yen në biäkdï.” Kë cïï melik lɛ̈k bäny ke rem ë tɔŋ në biäk de Abthalom, acïï rem de tɔŋ piŋ ëbɛ̈n.

2 Tham 2:13

Na wën ke Jowap wën ë tiiŋ cɔl Dheruia ku bäny kɔ̈k ke rem de tɔŋ ë Debid lɔ rɔ̈m në kɔc ke Abener në awuöl nɔm

2 Tham 2:18

Dheruia ade nɔm dhuök kadiäk ë tɔ̈u ëtɛ̈ɛ̈n yï, Jowap, ku Abicai, ku Athaɣel. Ku Athaɣel ee raan e kat aläl, ee riŋ aläl cï ŋɛɛr,

2 Tham 20:10

Ku Amatha akën abätäu tïŋ në Jowap cin. Na wën ke Jowap ë gut Amatha yäc në abätäu, go Amatha yäc rɛɛt ku jɔ wïïk piny ëtɛ̈ɛ̈n, ku Jowap akën Amatha bɛ nyɔk ë gut në luɔi cïï yen guɔ thou. Go Jowap kekë mänhë Abicai, lɔ tueŋ ke ke cop Ceba wën ë Bikiri.

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

2 Tham 3:39

Acakaa nɔn ee yɛn melik ë lɔc Nhialic, yɛn ë rɔt yök ke ya kɔ̈c ee köölë. Kek wɛ̈ɛ̈t ke Dheruiakë acïk a yiɛ̈n guöp akuöörkuöör arëët. Abïï Bɛ̈nydït ke luöi këtuuc rɔ̈ŋ ke keek!”

1 Mel 1:7

Ago Adonija Jowap wën tiiŋ cɔl Dheruia ku Abiathar bɛ̈ny de kake Nhialic cɔɔl bïk mat ë yen, agokï gam bïk kuɔny bï aa melik.

1 Mel 2:32

Abï Bɛ̈nydït gäm ariöpdɛn wään nɛ̈k en kɔc piɛthpiɔ̈ɔ̈th kaarou, kɔc wär en. Wäär aa cïï piɔ̈u mit në thon de Abener bɛ̈ny ë rem de tɔŋ de Yithriɛl ku Amatha bɛ̈ny ë rem de tɔŋ de Juda.

Jeremia 2:34

Lupɔɔkun acïk gup riɔk në rim ke kɔc kuanynyïïn ku kɔc cïn gup awɛ̈ɛ̈c, acie riɛm de kɔc ee ɣööt dhoŋ. “Ku në biäk de ë kake kedhie.

Jeremia 6:15

Ë ke ye gup yäär të wään ye kek karɛc cït ee kakë looi? Ei, acïkï gup ee yäär taitai, ku acïkï ŋic aya luöi duëër kek ye pɔ̈l. Ka keek abïk wïïk cït man cï kɔc kɔ̈k wïïk, wään luöi Yɛn keek këtuc, yen abï aa thökden. Acä lueel, Yɛn Bɛ̈nydït.”

Math 3:4

Ku Jɔn guöp ee lupɔ cï cuëëc ë nhiëm ë thɔ̈rɔ̈l cieŋ, ku ye yeyic duut ë thiööth, ku kën ee cam ee kɔyɔm kekë kiëc nu roor.

Nyöŋ 27:24

‘Aciɛɛn de Nhialic abï tɔ̈u ë raan yeth, raan ee kɔc nɔ̈k ë cuëër.’ “Ku abïï kɔc kedhie jɔ bɛ̈ɛ̈r an, ‘Amiin!’