1 Mel 2:33 - JAM DE NHIALIC 2011

³³ Ariöp de nääkden abï lööny ë Jowap yeth kekë käude ananden, ku Bɛ̈nydït abï mät yiɛ̈n Debid, ku käude, ku thöönyde, aɣet athɛɛr?”

1 Mel 2:33 ပူးပေါင်းရင်းမြစ်များ

Cäk 42:22

Go Ruben lɛ̈k keek an, “Cie kë wään lɛ̈k week ka? An duökï meth lui kërac, guɔkï kɛ̈n gam. Kë ë nɛ̈kku yen yekï jɔ kääny bei në wogupë.”

2 Tham 14:9

Go tiiŋ ë Tekowa lueel an, “Ku tɔ gääk tɔ̈u ë yayeth wokë dhiën ë wäär. Yïn bɛ̈nydï, wekë thöönydu wek cïn gup awäc.”

1 Mel 2:32

Abï Bɛ̈nydït gäm ariöpdɛn wään nɛ̈k en kɔc piɛthpiɔ̈ɔ̈th kaarou, kɔc wär en. Wäär aa cïï piɔ̈u mit në thon de Abener bɛ̈ny ë rem de tɔŋ de Yithriɛl ku Amatha bɛ̈ny ë rem de tɔŋ de Juda.

1 Mel 2:44

Aŋic keek apiɛth kek awɛ̈ɛ̈c ye luöi wäär Debid. Bɛ̈nydït abï yïn luöi këtuc thok në biäkden.

1 Mel 8:32

ke Yï pïŋ Bɛ̈nydït paannhial ku guiir löŋ de kɔckuön ee Yïn luööi në kɛmken, raan gööny ku raan gɔɔnyë, ku luöiyë raan de kë cï wööc këtuc, ku päl raan ee këpiɛth looi ku thiei cït man ë tän de piathëpiɔ̈nde.

2 Mel 5:27

Ënɔɔnë wɛnh de Naaman abï yï dɔm ë döm ril, yïn wekë kuatdu aɣet athɛɛr! Go Geɣadhi jäl ë yanɔm ke cï wɛth dɔm, abïï guöp ɣɛɛr cït man ë alath.

1 Lëk 17:27

Yïn bä thiëc bä kuatdï thieei, në biäk bïï kek ŋoot ke ke yök piathdu. Acï keek thieei Bɛ̈nydït, ku athiɛɛidu abï tɔ̈u ke keek aɣet athɛɛr.”

Diɛt 101:8

Aköölnyïïn ëbɛ̈n yɛn bï kɔc ee karɛc looi nɔ̈k pinyda, ku yɛn bï kɔc ee karɛc looi ëbɛ̈n cuɔp wei ë pänydïït de Bɛ̈nydït yic.

Diɛt 132:12

Na gam mïthku mändï ku gamkï liööŋ cä gäm keek, wɛ̈ɛ̈tken aya abïk lɔ̈ɔ̈k aa meliik ëceŋ aya në yïcök.”

Diɛt 21:4

Acï yï lip në pïïr, go gäm en, acï gäm run juëc ke pïïr.

Diɛt 89:29

Yɛn bï bäänyde tɔ tɔ̈u aɣet athɛɛr, ku thööcde abï tɔ̈u cït täu de paannhial.

Kɛ̈ŋ 25:5

Nyaaiyë kɔc rac në bɛ̈ny lɔ̈ɔ̈m, ke thööcde bï kɔ̈ɔ̈c në piathëpiɔ̈uwic.

Edhekiɛl 17:19

Aye Bɛ̈nydït Awärjäŋ lueel an, “Në yic, ke ya ye Nhialic pïïr, abä luöi këtuc në biäk cï yen löŋ cï mac dhoŋ kɔ̈u, löŋ wään cï yen gutguut looi në rinkï an bïï muk.

Kuɛ̈n 32:23

Na cäkkï këduön cak lueel e looi, ke wek bï ya kɔc cï kërac luöi Bɛ̈nydït, duökï awɛ̈ɛ̈c loi në biäk de ë kënë, ke we cïï bï kuööm në awänydun.

Math 27:25

Go kɔc bɛ̈ɛ̈r kedhie an, “Në riɛmde nu ë woyiëth, ayï mïthkuɔ yiëth!”

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

Bäny 9:24

Kënë aa loi rɔt ke Abimelek kekë kɔc ke Cekem bï ariöp de kërɛɛcden yök, kɔc ɣɔn rit yepiɔ̈u agokï wɛ̈ɛ̈t ke Gidiɔn kathiërdhorou nɔ̈k.