1 Mel 19:8 - JAM DE NHIALIC 2011

⁸ Go Elija rɔt jɔt, ku ciëm ku dëk, na wën, ke jɔ cath ë riɛl ë kuïnë akööl yiic kathiërŋuan ku wɛ̈ɛ̈r yiic kathiërŋuan le Thinai, kuur ë Nhialic.

1 Mel 19:8 ပူးပေါင်းရင်းမြစ်များ

1 Mel 17:6

Go aa dek ë pïïu ë nyinic ku ye gɛk en yiɛ̈n kuïn cï pam ku rïŋ miäk ku thëën.

1 Mel 19:7

Na wën, ke tunynhial ë Bɛ̈nydït be bɛ̈n ë bɛ̈n ee kek rou, bïï ku jiɛk, lueel, an, “Jɔt rɔt, cämë, yïn bï cäth tiaam.”

Bɛ̈n 19:18

Go tol kuur ë Thinai paat piny, në luɔi ë cïï Bɛ̈nydït bɛ̈n piny në kuur nɔm në macic. Go tol cït tol ë purun rɔt cɔ̈k nhial. Ago kɔc riääc arëët kedhie, ku lɛthë keek.

Bɛ̈n 24:18

Ago Mothe baaric nhial në kuur nɔm ke cath ë luätic. Ku le rëër ëtɛ̈ɛ̈n në wɛ̈ɛ̈riic kathiërŋuan ku cooliic kathiërŋuan.

Bɛ̈n 3:1

Kööl tök, Mothe aa tit thök ke Jethro, monywun, bɛ̈ny dïït de kake Nhialic de Midian. Na wën, ke Mothe ë tëm thök jɔ̈ɔ̈r kɔ̈u, leer keek ë jɔ̈ɔ̈r thok baŋ të lɔ aköl athɛ̈i. Go ɣet Thinai, kuur ë Nhialic.

Bɛ̈n 34:28

Ago Mothe rëër ëtɛ̈ɛ̈n në cooliic kathiërŋuan, ku wɛ̈ɛ̈riic kathiërŋuan, ke cïn kë ciɛm ku cïn kë dek. Ku gɛ̈ɛ̈r lööŋ ke mät kathiëër në kur pätiic kɔ̈ɔ̈th.

Bɛ̈n 4:27

Ku acïï Bɛ̈nydït bɛ̈n lɛ̈k Aron ëtɛ̈ɛ̈n, an, “Lɔ loor Mothe nɔm ë jɔ̈ɔ̈ric.” Go lɔ loor nɔm. Na wën, ke ke lɔ rɔ̈m në kuur ë Nhialic lɔ̈ɔ̈m, go Aron Mothe ciim thok.

Danyel 1:15

Na wën cï akööl thök, gokï tïc ke ke cuai ku arilkï awär wäthii ee cam në kuïïn ke baai de melik.

Math 4:2

Na wën, acï cäm rɛɛc ë cool yiic kathiërŋuan ku wɛ̈ɛ̈r yiic kathiërŋuan, ke jɔ cɔk nɔ̈k.

Mak 1:13

Ku jɔ lɔ tɔ̈u ë jɔ̈ɔ̈ric ë nïn kathiërŋuan, ke ye Catan them, ku ye tɔ̈u kekë läi roor ëtök, ku ye luööi ë tuucnhial.

Luk 4:2

ku jɔ tɔ̈u ë nïn kathiërŋuan ë jɔ̈ɔ̈ric, ke ye them ë jɔŋdït rac. Ku acïn kë cï cam ee köölë, na wën, aacï nïnkë thök, ke jɔ cɔk nɔ̈k.

2 Kor 12:9

Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

Nyöŋ 9:18

Na wën, ke ya be yanɔm guöt piny ë Bɛ̈nydït nɔm në lɔ̈ŋ, në nïniic kathiërŋuan ku wɛ̈ɛ̈riic kathiërŋuan ke cïn këcam ku cïn këdek. Yɛn aa loi ee kënë në baŋ cä wek Bɛ̈nydït luöi kërac ku acäk tɔ gɔ̈th.