1 Mel 18:38 - JAM DE NHIALIC 2011

³⁸ Go Bɛ̈nydït mac tɔ bɔ̈ piny, go miɔɔr nyup, ku nyop tiim, ku nyop kur, ku nyop tiɔp, ku jiic pïïu awuölic.

1 Mel 18:38 ပူးပေါင်းရင်းမြစ်များ

Cäk 15:17

Na wën, acï akɔ̈l lɔ piny, ku cï piny cuɔl, ke tööny tol, ku lɔ̈k ë many ë kuthyui ɣer ë pak ë ke go tïc ëthiäu, ku retkï rïŋiic.

1 Mel 18:24

Ku në tït ke Baal ë ke läŋ yanhden, ku yɛn bï Bɛ̈nydït lɔ̈ŋ, ku Nhialic lɔ lɔ̈ŋ piŋ ku tuuc mac piny nhial yen aye Nhialic.” Go kɔc gam kedhie ku luelkï an apiɛth.

1 Mel 18:35

Go pïïu wɛt piny në yïk nɔm, ku thiäŋkï awuöl abïk wiɛl piny.

1 Mel 18:37

Piŋ jamdï, Bɛ̈nydït piŋ jamdï, ke bï ë kɔckë ŋic Bɛ̈nydït nɔn Yïn Nhialic, ku bïk ŋic nɔn puk Yïn kenïïm rɔt.

2 Mel 1:12

Go Elija bɛ̈ɛ̈r an, “Na ya raan de Nhialic, ke mac ë bɔ̈ piny paannhial ku nɛ̈k yï wekë kɔcku kathiërdhïc!” Go many de Nhialic guɔ lööny piny paannhial ku nɛ̈k kekë kɔcke kathiërdhïc.

1 Lëk 21:26

Go yïïŋ de Bɛ̈nydït yïk ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago lɔ̈ŋ, go Bɛ̈nydït lɔ̈ŋde bɛ̈ɛ̈r ku tɔ mac tɔ bɔ̈ paannhial bïï miɔ̈c bɛ̈n nyop ë yïk nɔm.

2 Lëk 7:1

Na wën cï Tholomon thök ë lɔ̈ŋ, go mac löny nhial ku nyop miɔ̈c wën cï gam, ku thiäŋ riau de dhuëëŋ de Bɛ̈nydït Luaŋdïtic.

Jop 1:16

Të wën ŋoot en ke jam, ke raan däŋ go bɛ̈n ku lueel an, “Mac acï löny nhial ku nyop thök ku kɔc ee ke tiit kedhie, ee yɛn a tök, yɛn aa bän, ku bä ee thoŋë bɛ̈n lɛ̈k yïn.”

Yith 31:9

Melikden abï kat në riɔ̈ɔ̈c dït, ku bänykɛn ke tɔŋ abïk riɔ̈ɔ̈c arëët, ka abïk beerdɛn ë tɔŋ nyääŋ piny.” Acïï Bɛ̈nydït lueel, Bɛ̈nydït ye lam në Jeruthalem, ku ye manydɛn de miɔ̈c näk dëp ë Dhiɔn.

Lebai 10:1

Wɛ̈ɛ̈tke Aron yï Nadap kekë Abiɣu acïk thɛ̈kkɛn ye kek wal ŋïr nyop nööm, ku tɛ̈ɛ̈ukï mac në kekɔ̈ɔ̈th, ku ŋuɛkï wal ŋïr thïn, ku akënkï many ɣeric wään cïï Mothe lueel an, bïk aa looi në Bɛ̈nydït nɔm looi.

Lebai 10:2

Ago mac bɛ̈n nhial ë Bɛ̈nydït lɔ̈ɔ̈m, ku nɛ̈k Nadap kekë Abiɣu. Agokï thou ë Bɛ̈nydït nɔm.

Lebai 9:24

Ago mac bɛ̈n bei në Bɛ̈nydït lɔ̈ɔ̈m, ku thöl miɔ̈c ye nyop ëbɛ̈n kekë biäk cuai nu ë yïk nɔm. Na wën aa tïŋ ë kɔc kedhie, agokï kiɛɛu de miɛt de piɔ̈u moc, ku gutkï kenïïm piny lamkï Bɛ̈nydït.

Nyuuth 13:13

Ku ye göökdït gɛ̈iyë looi, arëk abï mac tɔ bɔ̈ piny nhial ë kɔc nïïm.

Bäny 6:21

Go tunynhial kuïn cï pam, ku rïŋ jak në thieec nɔm, thieny wën muk ë yeciin. Go mac bɛ̈n në kuuric, ku nyop rïŋ kekë kuïn cï pam. Ku jɔ tunynhial ë Bɛ̈nydït guɔ määr në yenyin.