1 Mel 18:37 - JAM DE NHIALIC 2011

³⁷ Piŋ jamdï, Bɛ̈nydït piŋ jamdï, ke bï ë kɔckë ŋic Bɛ̈nydït nɔn Yïn Nhialic, ku bïk ŋic nɔn puk Yïn kenïïm rɔt.

1 Mel 18:37 ပူးပေါင်းရင်းမြစ်များ

Cäk 32:24

Ku döŋ yetök. Ago raan lɔ̈ɔ̈k bɛ̈n ku wït ke yen, abï piny thiɔ̈k ke ruu.

Cäk 32:26

Ku lëk ë raan en an, “Tɔ ya jäl piny aa ruu.” Go puɔ̈k nɔm en an, “Yïn cä bï tɔ jäl të kën yïn ɛn kɔn thieei.”

Cäk 32:28

Go raan lɛ̈k en an, “Rinku acï ke bï bɛ cɔl Jakop, abï ke cɔl Yithriɛl. Në luɔi cïn thɔ̈ny we Nhialic, ku kɔc ayadäŋ, ku tiëmë.”

2 Tham 7:26

Yen abïï Yïn aa riëëu në aköölnyïïn kedhie, ku abïï kɔc lueel an, ‘Bɛ̈nydït de rɛm Yen aye Nhialic tɔ̈u në Yithriɛl nɔm!’ Ku yïn dhiëndï muk aköölnyïïn ëbɛ̈n.

1 Mel 18:24

Ku në tït ke Baal ë ke läŋ yanhden, ku yɛn bï Bɛ̈nydït lɔ̈ŋ, ku Nhialic lɔ lɔ̈ŋ piŋ ku tuuc mac piny nhial yen aye Nhialic.” Go kɔc gam kedhie ku luelkï an apiɛth.

1 Mel 18:29

Gokï cool ë wou ë ke riäŋ abï akɔ̈l thëi, ku cïn raan piŋ këdäŋ, ku cïn röl cï bɛ̈n piŋ.

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

1 Mel 18:38

Go Bɛ̈nydït mac tɔ bɔ̈ piny, go miɔɔr nyup, ku nyop tiim, ku nyop kur, ku nyop tiɔp, ku jiic pïïu awuölic.

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

2 Mel 19:19

Ënɔɔnë Bɛ̈nydït Nhialicda luäkë wo bei në Athiriya cin, ke bï juöör ke piny nɔm lueel an, Yïn aye Nhialic Yïtök.”

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

Diɛt 109:27

Bɛ̈nydït tɔ ŋic ë kɔc ke ater nɔn ee Yïn ë kony yɛn.

Luk 11:8

Wek yɔ̈ɔ̈k an, Ciɛk, an, cïï rɔt bï cak jɔt, miɔɔc, në baŋ de määth, ka bï rɔt dhil jɔt ku jɔ miɔɔc në ka kɔɔr kedhie, në baŋ wën cool en ë lip.

1 Tham 17:46

Bɛ̈nydït abï yï gäm ɛn ee köölë, yïn bä nɔ̈k ku tɛ̈ɛ̈m yïnɔm bei. Ku gup ke rem de tɔŋ ë Pilithiin abä ke tɔ ciɛm ë diɛt ee köölë ayï läi roor. Yen abï piny nɔm e jɔ ŋic nɔn de Yithriɛl nɔm Nhialic.