1 Mel 18:29 - JAM DE NHIALIC 2011

²⁹ Gokï cool ë wou ë ke riäŋ abï akɔ̈l thëi, ku cïn raan piŋ këdäŋ, ku cïn röl cï bɛ̈n piŋ.

1 Mel 18:29 ပူးပေါင်းရင်းမြစ်များ

1 Mel 18:26

Gokï miɔɔr cï gäm ke nööm, ku kïïtkï, ku läŋkï Baal, aake gɔl lɔ̈ŋ ɣɔn amiäk abï akɔ̈l rɔt puk. Aake ye cööt aläl, an, “Baal piŋ jamda!” Colkï ke ke riäŋ ke ke geeu yïïŋ cïk yïkë piny. Ago ciën röl piŋkï, ku cïn raan piŋ këden.

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

1 Mel 22:10

Aɣap melik de Yithriɛl ku Jeɣocapat melik de Juda arɛ̈ɛ̈rkï kaarou në thöcken nïïm ke ke ceŋ lupɔɔken, në kaam bɔ̈ të lɔ alel ë Thamaria thok, ku tït kedhie acäärkï në kenïïm.

1 Mel 22:12

Tït kɔ̈kkë kedhie acïk cɔ̈ɔ̈r ee cäärë an, “Lɔɔ wekë remduön ë tɔŋ Ramoth Giliyad ku Bɛ̈nydït abï yï gäm tiëm.”

Diɛt 115:4

Yiëthken acï keek cuëëc në ateek ku adhääp, thɛ̈ɛ̈th ë raan keek ë yecin.

Diɛt 141:2

Nöm lɔ̈ŋdï cï wal ŋïr, ku cinkiën cä taar yiic cï miɔ̈c athɛ̈i.

Bɛ̈n 29:39

Ye nyɔɔŋ tök gam miäk adurduur, ku gamë däŋë thëën.

Bɛ̈n 29:41

Ku gamë nyɔɔŋ ye nyök rou thëën kekë miɔ̈c ë rap cït miɔ̈c wën amiäk ke cï liääp ë miök, kekë mɔ̈nde aya. Kënë ee miɔ̈c ye nyuöp Bɛ̈nydït. Ku atuömde abï Ya miët piɔ̈u.

Bɛ̈n 8:14

Ago kɔc ke Rip ke thɔɔc nïïm në akuut dït. Gokï piny tɔ ŋuäc ëbɛ̈n.

Yith 16:12

Kɔc ke Mowap anɛ̈kkï röt piny ke ke lɔ në kuurdɛn yaath nɔm, ku lek lɔ̈ŋ tëdɛn ɣeric, ku acïn piath bïï luöi keek.

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Danyel 9:21

Ku tën wën läŋ yɛn. Go Gabriɛl bɛ̈n të nuö yɛn ke päär, Gabriɛl wään bä tïŋ në nyuuth tueŋë yiic. Aa ye kaam ye miɔ̈c näk athɛ̈i gam.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

1 Tham 10:5

Ku ëtɛ̈ɛ̈n, yïn bï lɔ në kuur ë Nhialic nɔm në Gibia, të tɔ̈u ë wun de Pilithiin lɔ̈ɔ̈m. Yïn bï rɔ̈m wekë tït juëc në wut këc ëtɛ̈ɛ̈n, ke ke bɔ̈ piny në yïk nɔm ke ke gut lɔ̈r, ku thom, ku kothkï arur ku kɛŋ. Ku abï kit ke ke riäŋ.

1 Tham 18:10

Na ɣɔn amiäk adurduur, ke jɔŋ rac ɣɔn tuuc ë Nhialic ë ke dɔm Thaulo, agokï ye miɔ̈ɔ̈l ku yɔŋkï yen. Ago Debid thom gut cït man yen e gut aköölnyïïn. Ku Thaulo aa muk tɔŋ në yeciin.