1 Mel 18:26 - JAM DE NHIALIC 2011

²⁶ Gokï miɔɔr cï gäm ke nööm, ku kïïtkï, ku läŋkï Baal, aake gɔl lɔ̈ŋ ɣɔn amiäk abï akɔ̈l rɔt puk. Aake ye cööt aläl, an, “Baal piŋ jamda!” Colkï ke ke riäŋ ke ke geeu yïïŋ cïk yïkë piny. Ago ciën röl piŋkï, ku cïn raan piŋ këden.

1 Mel 18:26 ပူးပေါင်းရင်းမြစ်များ

1 Mel 18:24

Ku në tït ke Baal ë ke läŋ yanhden, ku yɛn bï Bɛ̈nydït lɔ̈ŋ, ku Nhialic lɔ lɔ̈ŋ piŋ ku tuuc mac piny nhial yen aye Nhialic.” Go kɔc gam kedhie ku luelkï an apiɛth.

1 Mel 18:25

Go Elija lɛ̈k tït ke Baal, an, “Wek juëc, kankï miɔɔrdun nööm tueŋ, ku kiëëtkï, ku läŋkï yanhdun, ku duökï de many tääukï ë tiimiic.

1 Mel 18:27

Na wën aacï akɔ̈l rɔt puk, ke dɔl ë Elija kegup, lueel, an, “Kiëtkï aläl në röldït, yen ee yath! Adhil lɔ̈ŋ aläl, ku nɔn cï lɔ ë pänydït këc biic, ku nɔn cï keny, ku nɔn niin ka kɔɔr bï pɔ̈ɔ̈c!”

Bɛ̈n 8:14

Ago kɔc ke Rip ke thɔɔc nïïm në akuut dït. Gokï piny tɔ ŋuäc ëbɛ̈n.

Yith 37:38

Na ɣɔn ë kööl tök aa läŋ yanhdɛn Nithrok luaŋdɛn yaath, go wɛ̈ɛ̈tke kaarou Adramelek ku Caredher ye nɔ̈k në abätɛ̈ɛ̈u, ku kuɛlkï röt ke ke lɔ piny de Ararat, go wëndɛn dït cɔl Etharɣadon lɔ në nyinde yic ke ye melik.

Yith 44:17

Ku biäk däŋ de tim aye yen yath looi, ku jɔ yenɔm guöt piny ku lɛm. Aye lam ku lueel an, “Yïn ee yanhdï, kony ɛn!”

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Jeremia 10:5

Kek ee yiëthkë acïtkï gɛk kɔt ë dom de abuth yic, acïkï ee jam, aye keek ɣääc, në biäk cïï kek ee cath. Duökï riɔ̈c ë keek, acïn kërɛɛc duëërkï luöi week, ku cïn këpiɛth luikï week.”

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Jona 1:5

Ago kɔc lui abël wïïric ëbɛ̈n riɔ̈ɔ̈c ku jɔ ŋɛk yanhde cɔɔl ku cɔl ŋɛk yanhde, acïk käŋ dɛɛny wïïr Ku dhëëthkï kajuëc kɔ̈k wïïr në biäk bïï abël wïïr pial. Ku Jona aa cï lɔ ë pulic në abëlic piny, ku aacï thiai ke nïn.

Ɣabakuk 2:18

Eeŋö duɛ̈ɛ̈rkï yök në läm de yiëth ë guaŋkï në we cin? Duëër aa ŋö, kë ye kɔc kak ë guaŋkï në ke cïn ŋɔ̈ɔ̈th, ku gamkï tör de lueth cït ee kënë, yiëth cie jam!

Ɣabakuk 2:19

Amawoou në week, wek kɔc ee tiim ku kur cäk guaŋ yɔ̈ɔ̈k an, “Pääckï jatkï röt. Duëër yanh ë guaŋ jam ke week? Na cak kɔc ke deer kɔ̈ɔ̈th në ateek ku adhääp, ka cïn kë duëërkï lueel ku cïkï pïïr.

Dhep 1:9

Yɛn bï kɔc ee ciɛɛŋ lei kuɛny cök luöi këtuc ëbɛ̈n, ku ayek kual ku näkkï kɔc në biäk bï kek ɣön ë bɛ̈nyden thiɔ̈ɔ̈ŋ në kak ë rumkï në riɛl.

Math 6:7

Ku të läŋ wek, duökï wël ë nyɔ̈ɔ̈kic në ɣɔ̈ric, cït man ë juöör kuc Nhialic, ayek lueel ë kepiɔ̈ɔ̈th an, bï këden aa piŋ në baŋ de jam juëc luelkï.

1 Kor 12:2

Aŋiɛckï nɔn ee ya wek Juöör ɣɔn, kɔc ë cï thɛl roor ë yiëth cök, yiëth cïn kethook të ye jam, acït man ee we cool ë thelë we.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

1 Tham 5:3

Na ɣɔn amiäk pɛ̈ɛ̈c ë kɔc ke Acedɔd, ke ke lɔ luaŋ de Dagon, gokï Dagon yök ke cï wïïk ke gut yenɔm piny në Athänduŋ de Män ë Nhialic nɔm tueŋ, gokï Dagon jɔt ku pukkï nɔm tëde.