1 Mel 16:13 - JAM DE NHIALIC 2011

¹³ Në baŋ de yiëth, ku në baŋ cïï kek kɔc ke Yithriɛl lɛɛr në awäcic, Baaca ku wënde Ela, acï Bɛ̈nydït Nhialic de Yithriɛl tɔ göth.

1 Mel 16:13 ပူးပေါင်းရင်းမြစ်များ

1 Mel 14:16

Bɛ̈nydït abï Yithriɛl pɔ̈l në biäk cï Jerobowam wäc ku thel kɔc ke Yithriɛl në awäcic.”

1 Mel 15:16

Ku aa de tɔŋ në kaam de Atha melik de Juda, ku Baaca melik de Yithriɛl në akööl ɣɔn muk kek bääny.

1 Mel 15:30

Kënë ë rɔt looi në biäk cï Jerobowam Bɛ̈nydït, Nhialic de Yithriɛl tɔ göth, në karɛc cï ke looi, ku tɔ Yithriɛl loi kërac.

1 Mel 16:26

Acït Jerobowam ɣɔn kɔn nu në yenɔm tueŋ, acï Bɛ̈nydït, Nhialic de Yithriɛl tɔ göth, në karɛckɛn cï looi, ku në luɔi cïï yen kɔc tɔ lɔ ë këracic, ku läm de yiëth.

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

Yith 41:29

Kek ee yiëthkë kedhie acïnkï naamden, acïn kë duëërkï looi taitai, kek ee yiëthkë akɔ̈ckï ku acïnkï riɛl.”

Jeremia 10:15

Acïnkï naamden ku aduëërë keek biɔɔn, abïï keek riɔ̈ɔ̈k të le Bɛ̈nydït bɛ̈n yök ke keek.

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Jona 2:8

Kɔc ee yiëth cïn naamden lam, acïk jäl në riëëuwic, riëëudɛn ye kek Yïn riëëu.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

Nyöŋ 32:21

Keek në yiëthken acïk ɛn tɔ göth, ku tiɛl kakɛn cɔl ke yiëth, kek yiëth cie Nhialic yith. Ka yɛn bï kë cɔl jur tuöc keek, bï ke tɔ göth. Abä keek tɔ dɔm tiɛl në jur dhɔ̈n.

1 Tham 12:21

Duökï yiëth ee kɔc math kuany cök, acïkï week bï kony ku acïkï week bï gël, në biäk ee kek lueth.