1 Mel 14:9 - JAM DE NHIALIC 2011

⁹ Yïn cï kërɛɛcdïït wär kërɛɛc ë kɔc ë cï kɔn aa bäny në yïnɔm tueŋ looi. Yïn ë Ya rɛɛc ku tɔ Ya göth në këde yanhduön cï looi, ku wënh cï thɔ̈ɔ̈th bä ya lam.

1 Mel 14:9 ပူးပေါင်းရင်းမြစ်များ

1 Mel 12:28

Na wën aacï ciët, ke cuëc miöör ke adhääp kaarou, ku lëk kɔcke, an, “Wek ë cieŋ aläl ke we ye lɔ Jeruthalem, ku ënɔɔnë kɔc ke Yithriɛl, yiëthkun kï, yiëth wään bïï we bei paan ë Rip!”

1 Mel 14:16

Bɛ̈nydït abï Yithriɛl pɔ̈l në biäk cï Jerobowam wäc ku thel kɔc ke Yithriɛl në awäcic.”

1 Mel 14:22

Kɔc ke Juda acïk awäc looi në Bɛ̈nydït nɔm, kënë ë Bɛ̈nydït tɔ göth ke keek, awär agönhde ke kuarken ɣɔn cï kek wäc.

1 Mel 15:29

Ago kɔc baai de Jerobowam gɔl ë nääk ëbɛ̈n. Cït man kë cï Bɛ̈nydït lueel në thoŋ de awunde, tiët Aɣija raan wun ë Cilo an, kɔc baai de Jerobowam acï ke nɔ̈k kedhie abïï ciɛ̈n raan töŋ dɔ̈ŋ ke pïïr.

1 Mel 15:30

Kënë ë rɔt looi në biäk cï Jerobowam Bɛ̈nydït, Nhialic de Yithriɛl tɔ göth, në karɛc cï ke looi, ku tɔ Yithriɛl loi kërac.

1 Mel 15:34

Acï karɛc looi në Bɛ̈nydït nɔm cï melik Jerobowam, ago kɔc ke Yithriɛl tɔ wäc.

1 Mel 16:25

Omri acï awäc bɛ̈n looi ë Bɛ̈nydït nɔm, awär ka ɣɔn cïï bɛ̈ny ɣɔn kɔn nu ë yenɔm tueŋ looi.

1 Mel 16:30

Aɣap acï karɛc looi në Bɛ̈nydït nɔm, awär awäny de bäny wään cï baai kɔn mac në yenɔm tueŋ.

1 Mel 16:31

Abïï ciët kë rɔ̈ŋ ke yen në baŋ bïï en awäny cït këde melik Jerobowam bɛ looi, acï lɔ ku thiɛɛk Jedhebel, nyan de melik Ethabaal de Thidon ku lɛ̈ŋ Baal.

1 Mel 16:33

Aɣap acï yanh tik Acera guaŋ ku tɛ̈ɛ̈u nhial. Acï kajuëc looi bïï yen ke Bɛ̈nydït, Nhialic de Yithriɛl tɔ göth, awär meliik ke Yithriɛl ɣɔn kɔn bɛ̈n në yenɔm tueŋ.

2 Mel 21:3

Ë ɣään thöny nyɔk në yïk, ka ɣɔn cïï Ɣedhekia ke riɔ̈ɔ̈k, ku lui Baal yïk kekë yanh tiiŋ cɔl Acera cït luɔi de Aɣap melik de Yithriɛl, ku ye kuɛl lam ku luuikï ke.

2 Mel 23:26

Ku Bɛ̈nydït aŋoot ke kën agönhdɛn dït pɔ̈l ke Juda, agönh ɣɔn tɔ ë Manatha Ye göth.

2 Mel 3:3

Ku acït Jerobowam wën ë Nebat ɣɔn wɛt Yithriɛl në awɛ̈ɛ̈c yiic, ku akën ke pɔ̈l.

2 Lëk 11:15

Na wën ke Jerobowam ë kuëny rɔt guckɛn bï aa lui në ɣään ke läm de yiëth yiic, bïk jɔɔk rac ku yiëth aa lam, yanh cï looi cï thɔn ë weŋ.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Neɣe 9:25

Kɔcku acïk wuöt ril ë tör dɔm, ayï piny ee luɔk, ku ɣööt cï thiäŋ ë këriëëc ëbɛ̈n, ku yïth cï thök në wëc, ku duum ke tiim ke olip ku tiim ee luɔk në mïth, ku camkï këriëëcdɛn kɔɔrkï abïk cuai, acïï këriëëc piɛɛth cï gäm keek ëbɛ̈n ke tɔ mit piɔ̈ɔ̈th.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Diɛt 106:29

Agokï Bɛ̈nydït tɔ göth në kë cïk looi, ago juän dïït tuc thok rɔ jɔt ë ke yiic.

Diɛt 50:17

Yïn man dui ku yïn ee wëlkï waan ë yïkɔ̈u.

Diɛt 78:40

Ee raandï yen cï kek agɔ̈th looi në yen ë jɔ̈ɔ̈ric, ee raandï yen ye kek En tɔ göth!

Diɛt 78:56

Ku acïk bɛ̈n gɔ̈th ë Nhialic Awärjäŋ, ku tɛ̈ɛ̈ukï në thëmic, akënkï lööŋke riëëu,

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Bɛ̈n 34:17

“Duökï röt lui yiëth ke wëëth, ku lamkï keek.

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Jeremia 7:18

Mïth ayek tiim lɔ määt yiic, ku loi röör mac, ku jɔ diäär awac nuaai, bï kek kuïn cï pam luöi yanh tiiŋ cɔl Tiiŋ melik Nhial. Ayek miɔ̈c ye poor në mɔ̈u gäm yiëth kɔ̈k aya, në biäk bïï kek Ɛn yiëk buɔ̈t.

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Edhekiɛl 23:35

Ënɔɔnë kë lueel ë Bɛ̈nydït Awärjäŋ kï: “Në biäk cïï yïn nɔm määr në yɛn ku wɛ̈lë yïkɔ̈u yɛn, yïn bï nuan në ŋɔ̈ɔ̈ŋdu kekë kɔ̈ɔ̈rduön ë röör.”

Edhekiɛl 8:17

Go ë Bɛ̈nydït lɛ̈k ɛn an, “Mɛnh ë raan, cï ee kënë tïŋ? Kek kɔc ke Jeruthalem kë, akënkï piɔ̈ɔ̈th kuɛth në luɔi de karɛckɛn kë kedhie, ka cï keek tïŋ ee tënë, ku në luɔi de akuöörkuöör cïk thiäi në piny nɔm ëbɛ̈n. Ei, abïk dhil bɛ̈n, ku bïk bɛ̈n looi ee tënë Luaŋdït, ku tɔkï yɛn göth aläl. Tïŋ lɛ̈ɛ̈tdɛn ye kek a läät në kuɛɛr ke dhääl, ku yek kewuum kum ë këër!

Edhekiɛl 8:3

Go kë cït cin riɛny tueŋ, ku dɔm ɛn në nhïm ke yanɔm. Ku në ee nyuuthë yic, wëi ke Nhialic acïk a bɛ̈n gap nhial në yomic ku leerkï yɛn Jeruthalem. Leer ɛn kueer ee tëëk në kal thok biäk thïn de Luaŋdït, të lɔ rut, të tɔ̈u ë yanh ee Nhialic tɔ göth.

Lebai 19:4

Duökï röt ee luöi ka ye lam, ka cï guaŋ në tiim ayï yiëth. Ee Yɛn Bɛ̈nydït Nhialicdun.

1 Kor 10:22

Yok Bɛ̈nydït tɔ dɔm tiɛɛl ënɔɔnë? Rilku awärku yen?

Nyöŋ 32:21

Keek në yiëthken acïk ɛn tɔ göth, ku tiɛl kakɛn cɔl ke yiëth, kek yiëth cie Nhialic yith. Ka yɛn bï kë cɔl jur tuöc keek, bï ke tɔ göth. Abä keek tɔ dɔm tiɛl në jur dhɔ̈n.

Nyöŋ 9:24

Gɔl ee të wään ŋiɛc week, wek ee Bɛ̈nydït rɛɛc thok.

Bäny 5:8

Të wään cï kɔc ke Yithriɛl yiëth kɔ̈k lam, tɔŋ acï bɛ̈n thɔ̈ɔ̈r wutic. Cakaa nɔn ye rem de tɔŋ de Yithriɛl bot kathiërŋuan 40,000, aa cïn raan töŋ de köt kekë tɔŋ në keyiic.