1 Mel 14:24 - JAM DE NHIALIC 2011

²⁴ Ku kërɛɛc dït arëët, ade röör akɔɔrdiäär, ku diäär akɔɔrröör, kɔc ee lui në ɣään ke läm de yiëth yiic. Kɔc ke Juda acïk kake ayäär looi ëbɛ̈n, ka ɣɔn ye jur ɣɔn cï Bɛ̈nydït cuɔp wei ë pinyic looi, ɣɔn kɔt kek ë Yithriɛl wään bïï kek.

1 Mel 14:24 ပူးပေါင်းရင်းမြစ်များ

Cäk 19:5

Ku cɔlkï Lɔt, lëkkï yen an, “Kɔc wën bɔ̈ an bïk bɛ̈n niin ɣöndu, nukï ë nou? Yiɛ̈në ke wook buk keek bɛ̈n niɛɛn.”

1 Mel 15:12

Acï röör akɔɔrdiäär ku diäär akɔɔrröör ee lui në ɣään ye yiëth lam thïn cop, ku nyiɛɛi yiëth ɣɔn cï meliik tueŋ looi.

1 Mel 22:46

Acï röör ku diäär lik cï döŋ apïr nɔ̈k, kɔc ɣɔn ee luui ke ke ye röör akɔɔr diäär ku diäär akɔɔr röör, në ɣään thöny ye kɔc ke yiëth lam thïn, kɔc ɣɔn dɔ̈ŋ piny në akööl ke Atha wun.

2 Mel 23:7

Ku riɔ̈ɔ̈k ɣööt cieŋ ë röör akɔɔrdiäär ku diäär akɔɔrröör cï Luaŋdït tuɔɔk, ku röör ku diäär aake ye lupɔɔ ye yanh tiiŋ cɔl Acera lam gut ëtɛ̈ɛ̈n.

Lebai 18:26

Ku wek bï wëëtdï dhil muk ku mɔ̈kkï lööŋkï. Raan de Yithriɛl ku raan bï rɛ̈ɛ̈r në weyiic, ë cïn kërɛɛc töŋ bï looi në ë kakë yiic.

Lebai 18:30

Dɔ̈tkï lööŋkï ku duökï ciɛɛŋ rɛɛcë kuany yic, ciɛɛŋ ɣɔn ë kuany yic ë kɔc ɣɔn tɔ̈u wenïïm tueŋ, aguɔkï bɛ̈n. Duökï röt be riɔ̈ɔ̈k në keek, ee Yɛn Bɛ̈nydït Nhialicdun.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

Nyöŋ 23:17

“Acïn moc ku nɔn ë tiiŋ de kɔc ke Yithriɛl bï ya akɔɔrröör ayï akɔɔrdiäär ë luaŋ ë yathic.

Nyöŋ 23:18

Ku ayï wëu ye keek bɛ̈ɛ̈i në kueer cït ee kënë, acïï keek bï aa lɛɛr ë Luaŋdïït de Bɛ̈nydït Nhialicden, ke ye miɔ̈c de gutguut, Bɛ̈nydït aman akɔɔrröör ku akɔɔrdiäär de Luɛ̈k yiic.

Bäny 19:22

Të wën jɔ kek lɔ ke ke tɔ kepiɔ̈ɔ̈th mit, ke kɔc rac kɔ̈k ke ee wunë ke ke took ɣöndɛn niin kek thïn. Ku gutkï ɣöt thok, ke ke cɔɔl monydït arëët, an, “Bɛ̈ɛ̈iyë mony wën lɔ ɣöndu bei, ke buk bɛ̈n tɔ ye tik!”