1 Mel 14:23 - JAM DE NHIALIC 2011

²³ Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

1 Mel 14:23 ပူးပေါင်းရင်းမြစ်များ

1 Mel 12:31

Ku yïk Jerobowam ɣööt ke läm në ɣään thöny nïïm. Ku kuɛny bäny ke kake Nhialic në kɔciic ëbɛ̈n, kɔc cie Lebai.

1 Mel 14:15

Bɛ̈nydït abï Yithriɛl luööi këtuc, ka abï ke lath cï apäth nu ë nyinic. Abï kɔc ke Yithriɛl nyuän thäär bei piny piɛth cï gäm kuarken, ku thëi ke piny në wɛ̈ɛ̈r ë Yuparat kɔ̈ɔ̈th ya, në kë cï kek Bɛ̈nydït tɔ göth, në biäk cï kek röt luöi yanh cɔl Acera.

1 Mel 15:12

Acï röör akɔɔrdiäär ku diäär akɔɔrröör ee lui në ɣään ye yiëth lam thïn cop, ku nyiɛɛi yiëth ɣɔn cï meliik tueŋ looi.

1 Mel 20:23

Go bäny ke Thiriya aake ye melik Benɣadad yɔ̈ɔ̈k an, “Nhialiic ke kɔc ke Yithriɛl ee Nhialiic ke kur nïïm, ye ka tiɛɛm ë kɔc ke Yithriɛl wook. Ku abuk ke tiaam të le wok lɔ thɔ̈ɔ̈r ë keek në riaaŋic.

1 Mel 3:2

Kɔc ke Yithriɛl aake ye Nhialic näk në ɣään thöny nïïm në kë cïn en Luaŋdït ë cï yïk në rin ke Bɛ̈nydït.

1 Mel 3:3

Go Tholomon Bɛ̈nydït nhiaar, ku ye cath në wël ke Debid wuniic, ku aaye miɔ̈c näk ku wal ŋïr gam në ɣään ke läm yiic ayadäŋ.

2 Mel 10:26

ku jötkï mën yaath ë tɔ̈u luaŋ de Baal bei, ku nyopkï.

2 Mel 16:4

Ku Aɣadh aaye miɔ̈c gam, ku ye wal ŋïr nyop në ɣään thöny nïïm, ku kur nïïm, ku në tiim tɔ̈c thäär ëbɛ̈n.

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 17:19

Ayï kɔc ke Juda aya akënkï lööŋ ke Bɛ̈nydït Nhialicden riëëu, acïk täu rɛɛc cïï kɔc ke Yithriɛl looi dɔmic.

2 Lëk 24:18

Ago kɔc läm ye kek lɔ lam në Luaŋdïït Nhialic de kuarken pɔ̈l, ku gɔlkï läm de yiëth ku kïn de yanh tik Acera. Awänydɛn cïk looiyë acï agönh de Bɛ̈nydït yiɛ̈n Juda kekë Jeruthalem.

2 Lëk 28:4

Ku Aɣadh aaye miɔ̈c ye nyop ëbɛ̈n gäm yiëth tëde ɣään ke läm, në kur nïïm, ku në atïïp ke tiim thäär, ku nyop wal ŋïr.

Bɛ̈n 34:13

Jäpkï yïïkken piny, ku riäkkï mënkɛn ɣeriic, ku riäkkï yïïŋ de Acera yanhden.

Yith 57:5

Wek ee yiëth ee diäär tɔ dhiëth lam në nïn ya wek niin në diäär në tiim ke ɣok thäär. Wek ee mïthkun gam ke ke ye miɔ̈c näk, në kɔ̈k ke kur thiääk ke nyïïn ke pïïu tɔ̈u në kur thäär piny.

Jeremia 17:2

Kɔckun ayek lam në yïk kɔ̈ɔ̈th, ku në kït cï luöi yanh tiiŋ cɔl Acera, ku në tiim tɔ̈c thäär ëbɛ̈n, ku kur nïïm,

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Edhekiɛl 6:13

Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Edhekiɛl 6:3

lɛ̈kë kur ke Yithriɛl bïk jam de Bɛ̈nydït Awärjäŋ piŋ, bïk kë luɛɛl, yɛn Bɛ̈nydït Awärjäŋ piŋ, yɛn yöök kur ku ɣään thöny ku liɛl, ku wɛ̈k: yɛn bï abätäu tuɔɔc bïï ɣään ye kɔc yiëth lam thïn riɔ̈ɔ̈k.

Edhekiɛl 6:6

Pɛ̈ɛ̈nydït ke Yithriɛl ëbɛ̈n abïï ke riɔ̈ɔ̈k, ago yïkken ku yiëthken dhiac yiic abïk lɔ thorthor, yïkkɛn ke wal ŋïr abïï ke dhiac piny, ku këriëëcdɛn cïk looi ëbɛ̈n abï nyaai.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Lebai 26:1

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Maika 5:14

Yɛn bï yïïŋ de Acera yanhduön tik wuöth thar bei, ku riääk pɛ̈ɛ̈nydïtkun.

Nyöŋ 12:2

Wek bï ɣään ye juöör bä keek lɔ cop lam thïn riɔ̈ɔ̈k ëbɛ̈n, ɣään tɔ̈u në kuur nïïm, ku ɣään tɔ̈u të thöny, ku tiim tɔ̈c thäär ëbɛ̈n.

Nyöŋ 16:22

Ku duökï wai de kuur, wai de läm ë yiëth ee looi, amɛɛn Bɛ̈nydït keek.