1 Mel 14:21 - JAM DE NHIALIC 2011

²¹ Reɣobowam wën ë Tholomon aaye run thiërŋuan ku rou, ɣɔn dɔm en bääny ke ye melik de Juda, ku muk bääny ë run kathiëër ku dhorou ë Jeruthalem, pänydït cï Bɛ̈nydït lɔc në dhiëën ke Yithriɛl yiic ëbɛ̈n, bï aa të bïï ë yen aa lam. Man Reɣobowam acɔl Naama nyan wun ë Ammon.

1 Mel 14:21 ပူးပေါင်းရင်းမြစ်များ

1 Mel 11:1

Na wën ke Tholomon ë nhiaar diëër juëc ke juöör kɔ̈k. Go thiëëk në duet ke Ɣit, ku duet ke Mowap, ku duet ke Ammon, ku duet ke Edom, ku duet ke Thidon, mɛtke në tiiŋdɛn nyan ë melik de Rip nyin.

1 Mel 11:32

Ku ee dhiën tök yen abï döŋ ke ye në riëëudiën riëëu Ɛn Debid raandiën ee Ya luööi, ku në biäk de Jeruthalem pänydït cä lɔ̈c bei piny ë dhiëën ke Yithriɛl yic ëbɛ̈n ke ye këdï.

1 Mel 11:36

ku Yɛn bï mïthke Tholomon nyäŋ dhiën tök, në biäk bï käu de Debid awundï aa bäny ë Jeruthalem ë caŋɣɔn, pänydït cä lɔc ke ye të bï Ya aa lam.

1 Mel 11:43

Go Tholomon thou ku tɔ̈ɔ̈u ë Pänydït de Debid, go Reɣobowam wënde lɔ në nyinde yic ke ye melik.

1 Mel 12:17

ku nyiëëŋkï Reɣobowam piny löök aa melik de kɔc ke Yithriɛl rɛ̈ɛ̈r ë pɛ̈ɛ̈nydït ke Juda yiic.

1 Mel 14:20

Ku Jerobowam aa mac bääny në run kathiërrou ku rou. Go thou ku tɔ̈ɔ̈u, ago Nadap wënde lɔ në nyinde yic ke ye melik.

1 Mel 14:31

Go Reɣobowam thou, go tɔ̈ɔ̈u ke wärken ë Pänydït de Debid në rɛ̈ŋ ke baai de melik, go Abijam wënde lɔ në nyinde yic ke ye melik.

1 Mel 22:42

Jeɣocapat aaye run thiërdiäk ku dhïc ɣɔn dɔm en bääny, go bääny muk ë Jeruthalem ë run kathiërrou ku dhïc. Man acɔl Adhuba nyan de Cili.

1 Mel 8:16

‘Në kaam ɣɔn bɛ̈ɛ̈i Yɛn kɔckï bei ë Rip, acïn pänydït cä lɔc në dhiëën ke Yithriɛl yiic ke ee të bïï kɔc Ya aa lɔ dhuëëŋ rin thïn. Ku ënɔɔnë Yɛn ë Debid lɔc bï aa melik në kɔckï nïïm.’”

1 Mel 8:29

Liep Yïnyin ku ye Luaŋë woi wakɔ̈u ku aköl, yen të ɣɔn cï lueel an, bï rinku tɔ̈u ëtɛ̈ɛ̈n, luɔi duëër Yïn lɔ̈ŋ aa piŋ, lɔ̈ŋ bï raanduön ee Yï luööi aa lɔ̈ŋ ee tënë.

1 Mel 8:44

Të cï Yïn kɔcku yɔ̈ɔ̈k bïk lɔ biic, bïk lɔ thɔ̈ɔ̈r në kɔc ka aterden, ku të cïï kek lɔ̈ŋ ke ke tɛ̈ɛ̈r kecin pänydïtduön cï lɔc, ku tɛ̈ɛ̈rkï kecin Luaŋduön cä yïk në rinku,

2 Lëk 12:1

Na wään cï Reɣobowam rɔt kiɛm piny ku cï riɛl ke ee melik, gokï lööŋ ke Bɛ̈nydït pɔ̈l yen kekë kɔcke.

2 Lëk 12:13

Reɣobowam aa muk bääny ë Jeruthalem go riɛlde ŋuak nyin ke ye melik. Aa ye run thiërŋuan ku tök ɣɔn dɔm en bääny ke ye melik, ago bääny muk ë run kathiëër ku dhorou ë Jeruthalem, pänydïït cï Bɛ̈nydït lɔc ë dhiëën ke Yithriɛl yiic ëbɛ̈n, bïï ë yen aa lam thïn. Man Reɣobowam acɔl Naama, nyan wun ë Ammon.

2 Lëk 13:7

Na wën ke mɛ̈ɛ̈t kuut de kɔc ee karɛc looi yiic, ku tɔ keek tɔ reec Reɣobowam wën ë Tholomon, në biäk koor en ku cïï käŋ ŋic në baŋ bï yen thɔ̈ɔ̈r ke keek.

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Nyöŋ 12:21

Na cï të töŋ de läm mɛc aläl, të kaar wek bäk näk, wek duëër näk në ɣɔ̈kiic ku thökiic, ka cïï Bɛ̈nydït gäm week, ku wek duëër rïïŋ cuet ë wuötkuniic cït man cän e lɛ̈k week.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 23:3

“Acïn raan de Ammon, ku nɔn ee raan de Mowap, ku nɔn ee mïth ke mïthken, bïï lɔ në amatnɔm de kɔc ke Bɛ̈nydït yiic, agut cï rem ye rɛm thiëër.