1 Mel 14:10 - JAM DE NHIALIC 2011

¹⁰ Në biäk de ee kënë, Yɛn bï kërac bɛ̈ɛ̈i paan ë Jerobowam, Yɛn bï moc ëbɛ̈n nɔ̈k baaide, dhuök, ku röördït ëbɛ̈n ë Yithriɛl. Ɣön ë Jerobowam thok abä riɔ̈ɔ̈r cït man ye mac wär cam abïk riäär.

1 Mel 14:10 ပူးပေါင်းရင်းမြစ်များ

1 Mel 13:34

Ku kënë aacï aa wäc baai de Jerobowam, awäny bï yen tɛ̈ɛ̈m bei ku riɔ̈ɔ̈k ke cïï nyin dɔ̈ŋ ë piny nɔm.

1 Mel 16:11

Na ɣɔn cï Dhimri bɛ̈n në bäänyic, ku të wën cï yen jɔ nyuc ë thööny nɔm, ke näk kɔc ke baai de Baaca kedhie. Acï röör raan në yen ku määthke nɔ̈k ëbɛ̈n.

1 Mel 16:3

Ku kënë abï yï nyaai nyin wekë paandu, cït ɣɔn cän e luöi Jerobowam.

1 Mel 21:21

Yen alëk ë Bɛ̈nydït yïn an, ‘Yïn bä tɔ yök kërac. Yïn bä riɔ̈ɔ̈k, ku näk mïthwät ëbɛ̈n dhiëndu, dhuök ku röördït.

2 Mel 14:26

Bɛ̈nydït aacï luɔi nuɛɛn ë Yithriɛl arëët tïŋ, acïn lïm, ku acïn raan lääu nɔm, ku cïn raan kony Yithriɛl.

2 Mel 21:13

Yɛn bï Jeruthalem luöi këtuc cït man ɣɔn cän e luöi Thamaria, ku cït man ɣɔn cän e luöi Aɣap melik de Yithriɛl kekë kuatde ëbɛ̈n. Yɛn bï Jeruthalem nyaai nyin abïï yic lipëlip ke cïn raan ceŋ en, abï ciët aduŋ cï waakic ku buupë yic piny.

2 Mel 9:37

Ku guöp de Jedhebel, abï ciët wɛ̈ɛ̈r ë weŋ ë tiɔp nɔm domic, në aken ë Jedhreel nɔm, ku acïn raan bï ye ŋic ku cïn raan bï ye lueel an ee guöp de Jedhebel ee kënë.”’

Jop 20:7

ke abï riäär anande cït arom de dhiën ë cï tɔŋ, ka bïï kɔc ë cï yen kɔn tïŋ aa luɔp an, nu ënou?

Diɛt 83:10

Acï keek tiaam në Endor, ago gupken bɛ̈n dhiap piny.

Yith 14:19

ku yïn cïn nɔm raŋ, guöpdu ë cuat wei cï mɛnh athɔ̈ɔ̈r bei, acï kum në gup ke rem de tɔŋ cï keek nɔ̈k tɔŋ, go cuat ë pul ë kuuric në keek ëtök, ku jɔ ke dumiic.

Yith 14:23

Yɛn bï Babilon puk ke ye bäc, ka agumuut abïk ceŋ ëtɛ̈ɛ̈n. Yɛn bï Babilon napic në wëëny ee këriëëc ëbɛ̈n nap wei. Acä lueel, Yɛn Bɛ̈nydït de rɛm.”

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Edhekiɛl 26:4

Abïk kal ë pänydïït de Tayer riɔ̈ɔ̈k, ku dhoŋkï ɣöötkuön bär piny. Ku yɛn bï abuui nap wei ëbɛ̈n, ku nyääŋ kuur piny yetök ke cïn kë nu ë yekɔ̈u.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Dhep 1:17

Aye Bɛ̈nydït lueel an, “Yɛn bï ee riäŋë yiɛ̈n mɛnh ë raan, ka raan ëbɛ̈n abï cath ëpäthpäth cï cɔɔr, në luɔi cïï kek A luöi awäc, ka rimken abïk wat cï pïïu ku jɔ gupkɛn cï thou dhɔt piny ke ke cï ŋuäc.

Malakai 2:3

Piɛŋkï, Yɛn bï mïthkun luöi këtuc. Wek bä rɔɔth gup ë wɛi de thök yak näk Ɛn, yäär Ɛn week, ku dɛɛny we wei ë dhuur nɔm në wɛi ëtök.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.

1 Tham 25:22

Të le yen dɛ raan töŋ dɔ̈ŋ në mïth röör ke dhiënde yiic, ke Nhialic abï ya thiëëc, abä keek nɔ̈k miäk adurduur akën akɔ̈l thok bɛ̈n!”

1 Tham 25:34

Bɛ̈nydït ë ya muk aguɔ week cïï lui kërac. Ku yɛn aacï kuëëŋ në Nhialic pïïr de Yithriɛl, na ë yï kën dap bɛ̈n yök wekë yɛn, aduëër ciën mony töŋ në mïth ke Nabal yiic, duëër döŋ ke pïïr, të bï piny ke ruu ë lë thɛɛr!”