1 Mel 13:21 - JAM DE NHIALIC 2011

²¹ ku cööt ke yöök raan de Nhialic wään bɔ̈ në Juda an, “Acïï Bɛ̈nydït lueel an, në biäk kën yïn löŋ de Bɛ̈nydït riëëu, ku kɛ̈në yöök cï Bɛ̈nydït Nhialicdu yï yɔ̈ɔ̈k döt,

1 Mel 13:21 ပူးပေါင်းရင်းမြစ်များ

Cäk 3:7

Ku ee tëthiin ë ciɛm kek en në, acïk käŋ bɛ̈n guɔ ŋic, agokï guɔ yök nɔn ciɛth kek ë kekɔ̈ɔ̈th. Gokï yïth ke tim cɔl ŋaap määtiic ku kum kek röt.

2 Tham 24:13

Na wën ke Gad jɔ lɔ tëde Debid ku lɛ̈k en an, “Ee kënou yen bä dɔm? Cɔŋ de run kadiäk tëde yïn wekë pinydun? Ku nɔn bï kɔc ke aterdun week cop në pɛ̈i kadiäk? Ku nɔn ee jɔŋ tuc thok bï we nɔ̈k ë nïn kadiäk pinydun? Tak ee kënë yic apiɛth. Ku jɔ tök meek ee kake yiic, kë bä lɔ lɛ̈k Bɛ̈nydït.”

2 Tham 6:7

Go Bɛ̈nydït guɔ gɔ̈th kekë Yudha ku nɛ̈k në biäk de kërɛɛc cï looi. Go Yudha thou ëtɛ̈ɛ̈n në athänduŋ de Nhialic lɔ̈ɔ̈m,

1 Mel 13:17

në luɔi cï Bɛ̈nydït a yɔ̈ɔ̈k an cä këcam bï cam ku cä pïïu bï dek ee tënë ku cä rɔt bï dɔk në kueer ë bä yɛn.”

1 Mel 13:20

Ku të wën jɔ kek rëër në aduök nɔm, ke jam de Bɛ̈nydït bɔ̈ tëde tiët cï dhiɔp,

1 Mel 13:22

ku puk rɔt, ku cämë ë kuïn ku dɛ̈kë ë pïïu, ku aa cï yïn yɔ̈ɔ̈k an, du këcam cam, ku du pïïu dek. Ku ënɔɔnë guöpdu acï yenɔm bï pɔ̈k ë raŋ de baai ë wuuric.”

1 Mel 20:36

Go lɛ̈k en an, “Në biäk kën yïn röl ë Bɛ̈nydït riëëu, në ye thaa töŋ bïï yïn a nyääŋ pinyë yïn bï ë köör lɔ nɔ̈k.” Ku tëthiin nyiëëŋ en raan piny, go rɔ̈m ke köör kueer, go köör en nɔ̈k.

Ethta 6:13

Go Ɣaman lɔ ku lëk Dherec, tiiŋde, ku määthke, kë cï rɔt luöi yen ëbɛ̈n. Go tik ku röörkɛn pelnïïm lɛ̈k en an, “Yïn bï riɛldu thɔ̈l ë Modekayo guöp, ku yen acïï duëërë kɔn tiaam ë yïn, ee raan ë Judai, ee yen abï yïn tiaam!”

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Kuɛ̈n 20:12

Go Bɛ̈nydït lɛ̈k Mothe kekë Aron an, “Në baŋ kɛ̈n wek Ɛn gam apiɛth, ku kɛ̈nkï riɛldï nyuöth kɔc ke Yithriɛl, ayï ɣɛɛr de yayic, wek cä keek bï bɛ tɔ ɣeet amatnɔmë piny bä gäm keek.

Kuɛ̈n 20:24

“Në baŋ wään cä wek löŋdï dhoŋ kɔ̈u në Meriba, Aron acï bï bɛ ɣet piny gäm Yithriɛl. Abï thou.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.

1 Tham 15:19

Eeŋö kën yïn Bɛ̈nydït riëëu? Eeŋö go yïn rɔt baan ë pɛ̈cic, ku loi karɛc në Bɛ̈nydït nɔm?”

1 Tham 4:18

Na wën lueelë raan Athänduŋ de Män ë Nhialic rin, ke Eli ë cuɛt rɔt ciëën në thönyde nɔm në kal ë wut thok, ago yeth dhuɔɔŋ ku thou, në luɔi ë cï en dhiɔp ku aa dït kɔ̈u.