1 Mel 13:18 - JAM DE NHIALIC 2011

¹⁸ Go tiët cï dhiɔp e yɔ̈ɔ̈k an, “Yɛn ayadäŋ yɛn ee tiët ë Nhialic cït yïn, ku tunynhial ë jam ke yɛn në löŋ ë Bɛ̈nydït, lueel an bäkkï ciëën we yen baaidu, ke bï bɛ̈n cam në kuïn ku bï dek ë pïïu.” Ku aaye lueth en cï tɔ̈ɔ̈r en.

1 Mel 13:18 ပူးပေါင်းရင်းမြစ်များ

Cäk 27:24

ke be luɔp an, “Ë yic, ee yïn Ethau wëndï?” Go puk nɔm an, “Ee yɛn ë yic.”

Cäk 3:13

Go Bɛ̈nydït Nhialic lɛ̈k tik an, “Eeŋö looi yïn ë kënë?” Go tik puk nɔm an, “Kërac yen aa mɛth ɛn, guɔ cam.”

1 Mel 13:19

Na wën ke puk e nɔm ciëën ke yen, ku ciëm në kuïn baaide, ku dëk në pïïu.

1 Mel 20:35

Ku raan tök në mïth ke tït ke Nhialic acï lɛ̈k mɛ̈thë në yöök cï Bɛ̈nydït e yɔ̈ɔ̈k an, yup ɛn. Go raan jaai në yup.

1 Mel 22:22

Go Bɛ̈nydït luɔp an, ‘Adï?’ Go wëi lueel an, ‘Yɛn bï lɔ ku bä aa wëi tör lueth në tït ke Aɣap thook ëbɛ̈n.’ Go Bɛ̈nydït lueel an, ‘Lɔ mathë. Yïn bï tiam.’”

Kɛ̈ŋ 12:19

Lueth acïkï ee rëër, ee yith kek atɔ̈u ananden.

Kɛ̈ŋ 12:22

Liem ee lueth töör ee gök de kërɛɛc mɛɛn Bɛ̈nydït, ku anhiaar kɔc ee luui apiɛth.

Kɛ̈ŋ 19:5

Cäätɔ aluenh ee thok thuäär ë lueth acie pɔ̈l baaŋ.

Yith 36:10

Yak tak ë ya mɛk pinydun ku riääk të cïn kuɔɔny de Bɛ̈nydït? Ee Bɛ̈nydït guöpde, Yen aa yöök ɛn bä mak ku riääk.”

Yith 9:15

Bäny kek aye nɔm, ku tït ke Nhialic ee lueth töör kek aye yɔ̈l!

Jeremia 23:14

Ku Yɛn cï tït ke Jeruthalem tïŋ aloikï karɛc aläl, ayek diäär nööm ku luelkï lueth, ayek kɔc kuɔny bïk karɛc looi, ka acïn raan ee luɔi de karɛc dɔ̈m kɔ̈ɔ̈c. Aya ke tïŋ acïk rac kedhie, cït kɔc ke Thɔdom ku Gomoora

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 23:32

Piŋ kë luɛɛl, Yɛn Bɛ̈nydït! Yɛn man tït ee nyuuthken lueel, nyuuthkɛn thiäŋ ë lueth. Ayek ee nyuuthkë lueel ku thelkï kɔckï wei në törden ku në lɛcden. Akɛ̈n keek tooc, ku akɛ̈n ke yɔ̈ɔ̈k bïk lɔ, ku acïn kë bïk kuöny kɔc taitai. Acä lueel, Yɛn Bɛ̈nydït.”

Jeremia 29:31

“Tuöcë kɔc cï peec kedhie, luel an kë lueel ë Bɛ̈nydï kï në biäk de Cemaya wën de Neɣelam an: Në biäk cï Cemaya cɔ̈ɔ̈r të de week ke kën tooc, ku tɔ week ŋäth lueth.”

Jeremia 29:32

Acä lueel Yɛn Bɛ̈nydït an, “Yɛn bï Cemaya de Neɣelam kekë mïth ke mïthke luöi këtuc, abï nɔm ciën raan pïïr ee kɔckë yiic, raan bï këpiɛth bä luöi kɔckï tïŋ, ë biäk cï jam ke reec Bɛ̈nydït.’ ”

Jeremia 5:12

Kɔc ke Bɛ̈nydït acïk Yen rɛɛc, ku luelkï an, “Acïn kë bïï looi ë yic. Acïn nuɛɛn bï wo yök, acïn abätäu buk tïŋ, ayï cɔk.”

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Edhekiɛl 13:8

Ka aye Bɛ̈nydït Awärjäŋ lɛ̈k keek an, “Wëlkun ayek lueth, ku nyuuthkun ayek tör. Yɛn göth wo week.

Kuɛ̈n 22:35

Go tunynhial ë Bɛ̈nydït puk nɔm an, “Lɔ wekë keek, ku kë cä lɛ̈k yïn, yen ye looi yetök. Go Balaam baaric ke keek.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

Galatai 1:8

Ku na cakaa wook, ku na cakaa tuny bɔ̈ nhial, të de en raan guïïr week wëlpiɛth mɛɛn pei, wël cïï thööŋ ke wël wään guïïrku week, në bï guöp dɛ aciɛɛn!

1 Tim 4:1

Acï Wëidït lueel në thoŋ bï kɔc piŋ an, ë kööl wadäŋ kɔc kɔ̈k abïk lööny wei ë gämic, ku jɔkï ka ke jɔɔk ë kɔc math piŋ, ku piŋkï wëët ë jɔɔk rac,

1 Tim 4:2

në ruëëny de kɔc ee lueth töör, kɔc cï jam cïk yök ee kepiɔ̈ɔ̈th tɔ gɛ̈ɛ̈rë bei cït man ë kë ë gäär ë wënh tuc.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Bäny 13:3

Na wën ke tunynhial ë Bɛ̈nydït tul tëde tik, bïï ku yöök an, Yïn cï rol ku yïn cïn nɔm meth, ku yïn bï liac ku yök mɛwä.