1 Mel 12:31 - JAM DE NHIALIC 2011

³¹ Ku yïk Jerobowam ɣööt ke läm në ɣään thöny nïïm. Ku kuɛny bäny ke kake Nhialic në kɔciic ëbɛ̈n, kɔc cie Lebai.

1 Mel 12:31 ပူးပေါင်းရင်းမြစ်များ

1 Mel 13:24

go kɛɛc ë yekɔ̈u jɔ jäl, na wën ke räm ke köör kueer, go köör nɔ̈k. Ago guöpde jɔ dhɔt piny ë kueer, ku jɔ muul kɔ̈ɔ̈c kekë köör ë guöpde lɔ̈ɔ̈m.

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

2 Mel 17:28

Go raan töŋ de bäny ke kake Nhialic ɣɔn cï peec rɔt puk, ku nyuuc në Bethel, ku wëët keek në luɔi bï kek Bɛ̈nydït aa lam.

2 Mel 17:29

Ku kɔc ɣɔn cï ɣap në Thamaria, acïk bɛ̈n ŋoot ke ke loi yiëthken, ku yek keek tääu në luaŋ cï kɔc ke Yithriɛl yïkic. Jur ëbɛ̈n aaye rɔt luöi yiëthken ku tɛ̈ɛ̈ukï keek në wuötkɛn rëër kek ke thïn:

2 Mel 17:32

Kek ee kɔckë ayadäŋ ayek Bɛ̈nydït lam, ku acïk röt lɔ̈c kɔc në ke yiic, kɔc bï luui ke ke ye bäny ke kake Nhialic ke ɣään thöny, kɔc bï miɔ̈c aa näk keek në ɣööt ke läm ke ɣään thöny.

2 Lëk 13:9

Ku wek cï bäny ke kake Nhialic de Bɛ̈nydït kuat de Aron, cuɔp wei, ku cuɔpkï kɔc ke Lebai wei aya. Ku jakï guc kuany në nyïïnken yiic cït man ye juöör ke piny nɔm yen looi. Ago na de raan cï miɔɔr ku nɔn yen thök kadhorou bɛ̈ɛ̈i, ka bïï kuany ke ye guny de yiëthkuönkë.

Edhekiɛl 16:25

Wek ee läkdun daal ë tiɔ̈kic. Wek ee wegup gäm raan cï thiɔ̈k ke we, ku wek wär akɔɔrröör ë ceŋ.

Ɣodh 12:11

Ku ŋoot Giliyad ke loi karɛc? Ee kɔc cïn naamden. Aŋootkï ke ke ye yiëth näk miöör në Gilgal? Yïïkken abïk ciën nɔmden, abïk ciët kur ë nyiɛɛiyë keek të gɔl ë dom.

Amoth 7:10

Go Amadhia, bɛ̈ny de kake Nhialic de Bethel thok tuöc Jerobowam, meliŋ de Yithriɛl, lueel an, “Amoth alui yïn kiɛɛr rac ë baai de Yithriɛl yic ëbɛ̈n. Jamde abï piny riɔ̈ɔ̈k.

Kuɛ̈n 3:10

Ku tɔ Aron kekë wɛ̈ɛ̈tke ee bäny ke kake Nhialic. Ku raan däŋ pei lɔ luɔiden looi abï thou.

Nyöŋ 24:15

Yak keek gäm ariöpdɛn de luɔi ee köölë, ë kööl thok ëbɛ̈n, të ŋoot aköl ke kën lɔ piny, ku acïk keek ŋic nɔn bï kek keek dɔm, akɔɔrkï wëu. Na cïkkï keek tɔ dɔm wëuken, abïk dhiɛɛu ë wegup ë Bɛ̈nydït nɔm, ku we bï nïïm dɛ kërɛɛc bïï ë we gɔ̈k.