1 Mel 12:21 - JAM DE NHIALIC 2011

²¹ Na wën aacï Reɣobowam ɣet Jeruthalem, ke mat kɔc ke Juda nïïm mɛ̈tkï në kɔc ke Benjamin ku kuɛny bɔt ku thiërbɛ̈t de agum 180,000 de kɔc ril ke tɔŋ, në dhiën de Juda kekë Benjaminic. Ade piɔ̈u bïï tɔŋ looi ke bï baai de Yithriɛl nu të lɔ rut puk nïïm.

1 Mel 12:21 ပူးပေါင်းရင်းမြစ်များ

1 Mel 11:32

Ku ee dhiën tök yen abï döŋ ke ye në riëëudiën riëëu Ɛn Debid raandiën ee Ya luööi, ku në biäk de Jeruthalem pänydït cä lɔ̈c bei piny ë dhiëën ke Yithriɛl yic ëbɛ̈n ke ye këdï.

1 Mel 14:30

Ku në ye kaamë yic ëbɛ̈n tɔŋ aaye biök në kaam de Reɣobowam kekë Jerobowam ëceŋ.

1 Lëk 21:5

Go bɛ̈n ku lëk melik Debid kuën de kɔc cï lɔ yök. Kɔc ke Yithriɛl lëu luɔi de tɔŋ ayek 1,100,000, ku kɔc ke Juda lëu luɔi de tɔŋ ayek 470,000.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

2 Lëk 14:8

Melik Atha aa de nɔm aguum bot kadiäk 300,000 de rem de tɔŋ ë Juda muk tɔɔŋ ku kööt, ku aguum bot kaarou ku thiërbɛ̈t 280,000 de rem de tɔŋ ë Benjamin muk kööt ku dhɛ̈ŋ. Ayek röör jööt cï ŋiëc wɛ̈ɛ̈t kedhie.