1 Mel 12:15 - JAM DE NHIALIC 2011

¹⁵ Aa ye këde piɔ̈n ë Bɛ̈nydït ke jamde bï aa yic, jam wään lëk tiët Aɣija raan wun ë Cilo lee lɛ̈k Jerobowam wën ë Nebat. Yeka kën ë melik jam ë kɔc piŋ.

1 Mel 12:15 ပူးပေါင်းရင်းမြစ်များ

Cäk 24:50

Go Laban puk nɔm kekë Bethwɛl an, “Kënë ee kë ë bɔ̈ tëde Bɛ̈nydït, wok cïn nïïm kë buk lueel thïn.

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

1 Mel 11:11

go Bɛ̈nydït lɛ̈k en an, “Në baŋ kën yïn löŋdiën cä mac döt ku dhäŋ lööŋkiën cä lueel yiic, Yɛn bï ciɛɛŋ rɛɛt wei tëde yïn liŋliŋ, ku gäm raan töŋ ë kɔc ee yï luööi.

1 Mel 12:24

“Duökï mïthëkɔckun yïn tɔŋ, kɔc ke Yithriɛl. Pɔ̈kkï wenïïm ë bɛ̈ikun yiic, kën ë loi rɔt ee këde piɔ̈ndï.” Agokï jam ë Bɛ̈nydït piŋ ku pukkï kenïïm ë bɛ̈iken yiic.

1 Mel 22:23

Go Mikaya jamde thïk thar an, “Yen kë ë loi rɔt ka. Bɛ̈nydït ë tïtkuön kë tɔ töör yïn lueth. Ku yen guöpde ë löŋ tääu piny an bï riääk yï yök!”

2 Mel 10:10

Kënë anyooth kë cïï Bɛ̈nydït lueel në biäk de käu de Aɣap, nɔn bï yen bɛ̈n ke ye yic. Bɛ̈nydït acï këdɛn cï than piny në tiëtdɛn Elija thok looi.”

2 Mel 9:36

Na wën aa lek bɛ̈n ciëën ku lëkkï Jeɣu, go lueel, an, “Ee kë cïï Bɛ̈nydït kɔn lueel në lïmde thok Elija raan wun ë Ticibe an: ‘Në aken de Jedhreel nɔm, jɔ̈k abïk guöp de Jedhebel cuet.

2 Lëk 10:15

Aa ye këde Bɛ̈nydït Nhialic piɔ̈u ago jam wään cï lɛ̈k Jerobowam wën de Nebat në röl de tiët Aɣija raan wun ë Cilo aa yic. Yeka kën ë melik jam lɛ̈k ë kɔc cï bɛ̈n tëde yen piŋ.

2 Lëk 22:7

Nhialic aa tɔ Aɣadhia lɔ tëde Joram, ago aa kë bï yen tɔ thou. Na wën ŋoot Aɣadhia ëtɛ̈ɛ̈n, ago lɔ biic kekë Joram bïk lɔ yök ë raan cɔl Jeɣu wën ë Nimci, raan cï Bɛ̈nydït lɔc bï dhiën de Aɣap riɔ̈ɔ̈k.

2 Lëk 25:16

Ago Amadhia bɛ̈ɛ̈r an, “Ee nɛn yen cï wok yïn tɔ ee raan ee melik riit piɔ̈u, mim thok, na lɔ lɔ jam ke yïn bä tɔ näk!” Go tiët mim ku lueel an, “Ënɔɔnë acä ŋic nɔn bïï Nhialic yïn dhil riɔ̈ɔ̈k në biäk cïï yïn ee kajuëckë looi ku rɛɛcë lööŋkï.”

2 Lëk 25:20

Go Amadhia jaai ku cïï këde piŋ. Ku aaye këde Nhialic piɔ̈u në luɔi bï Amadhia tiaam, në biäk cï en yiëth ke Edom lam.

Diɛt 5:10

Luöi ë keek këtuc Nhialic, tɔ kiɛɛr rɛɛcdɛn yïn keek riääk. Cuɔpë ke wei në Yïlɔ̈ɔ̈m, në biäk de awɛ̈ɛ̈c juëc yek looi, ku luɔi reec kek Yïn.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Luɔi 2:23

yen acäk nööm, të cï e yiɛ̈n week në këde löŋ cïï Nhialic lueel ë yepiɔ̈u, ku në ŋïny cï en e kɔn ŋic, aguɔkï piäät ë tim cï rïïu nɔm kɔ̈u në ciin rac, ku näkkï abï thou.

Luɔi 3:17

“Ku ënɔɔnë, mïthëkɔckuɔ, aŋiɛc nɔn cä wek kënë looi në kuny kuöc wek en, ayï bänykun aya.

Luɔi 4:28

bïk käŋ bɛ̈n looi ëbɛ̈n, ka cïï riɛldu ku löŋdu kɔn guiir ɣɔn thɛɛr an, bï ke dhil looi.

Nyöŋ 2:30

“Ku Thiɣon melik de Ɣecbon ëbɛ̈n jai ku cïï wook pɛ̈l luɔi bï wek tëëk paanden, në cïï Bɛ̈nydït Nhialicdun yen tɔ ril nɔm ago tääu në wecin. Ku tiamku, rumku pinyde ëbɛ̈n.

Bäny 14:4

Aa kuc ë wun kekë man nɔn yen Bɛ̈nydït yen tɔ Thamthon loi ee kënë, në baŋ kɔɔr ë Bɛ̈nydït kueer bï Yen tɔŋ looi kekë kɔc ke Pilithiin. Ɣɔn në aköölkë yiic Pilithiin aake ceŋ kɔc ke Yithriɛl.

1 Tham 15:29

Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”