1 Mel 12:13 - JAM DE NHIALIC 2011

¹³ Go melik jam ë röördït pɔ̈l ku jiëëm kɔc arac,

1 Mel 12:13 ပူးပေါင်းရင်းမြစ်များ

Cäk 16:6

Ago Abram puɔ̈k nɔm Tharai an, “Nyan lïmdu arɛ̈ɛ̈r në riɛldu, luöiyë kë kɔɔr në yïpiɔ̈u.” Ago Tharai Ɣajer looi arac, go Ɣajer rɔt kual.

Cäk 42:30

“Bɛ̈ny de Rip ë wo lɔ kuöc jääm arac. Ku dhööl wook an yok nëëm lɔ wunde caathic.

Cäk 42:7

Na wën, aa tïŋ Jothep mïthëkɔcken, ke ŋic keek. Go keek luööi cït man ë kɔckɛn kuc. Ku jiëëm keek arac, lop keek an, “Bäkï ë nou?” Gokï puk nɔm an, “Wok bɔ̈ piny ë Kanaan, buk bɛ̈n ɣööc agamɔ.”

2 Tham 19:43

Go kɔc ke Yithriɛl puɔ̈k nɔm kɔc ke Juda an, “Wok de nïïm biäk kathiëër në melikic, ku wo de nïïm yic në Debidic awär week, cakaa nɔn yen raandun! Ka eeŋö ya wek wo biɔɔn gup? Wok ë kɔn jam tueŋ në biäk bïï melik bɛ̈n ciëën!” Ku kɔc ke Juda aa ke ye jamden lueel ke cin yic riëëu, awär kɔc ke Yithriɛl.

1 Mel 12:12

Na ɣɔn aacï nïn aa diäk, go Jerobowam ku kɔc kedhie kenïïm pɔ̈k Reɣobowam, cït man wään cï en e lɛ̈k keek.

1 Mel 12:14

cït man cïï wɛ̈ɛ̈t dhuök e lɛ̈k en lueel, an, “Wäär acï we yiëk yiëth kathiek, ku abä ke jɔ tɔ thiek aläl awär ee kënë. Aa dui we në waat, ku we bä dui në wan ë Jöŋgöör!”

Bɛ̈n 10:28

Go melik lɛ̈k Mothe an, “Jël në yanyin! Du rɔt be tɔ tiëŋ! Na la yï tïŋ, yïn bï thou!”

Bɛ̈n 5:2

Go melik puk nɔm an, “Bɛ̈nydït eeŋa, ka yɛn duëër jamde jɔ piŋ, ku ta kɔc ke Yithriɛl jäl? Yɛn kuc Bɛ̈nydït, ku kɔc ke Yithriɛl acä ke bï tɔ jäl.”

Kɛ̈ŋ 10:11

Jam de raan piɛth piɔ̈u yen awaŋ de pïïr, ku ye liëp ke kɔc ee karɛc looi täu rɛɛcden thiaan.

Kɛ̈ŋ 10:32

Kɔc piɛthpiɔ̈ɔ̈th aŋickï jam në ka rɔ̈ŋ, ku jam de ruëëny ee këde kɔc ee karɛc looi.

Kɛ̈ŋ 13:20

Raan rɛ̈ɛ̈r ke röör pelnïïm ee nɔm pɛl, ku määth de kɔc piɔl piɔ̈ɔ̈th ee nuɛɛn ee buɔ̈t bɛ̈ɛ̈i.

Kɛ̈ŋ 15:1

Ŋiëc bëër në piɔ̈n lir ee agɔ̈th tɔ lɔ piny, ku wël tuc thook ayek agɔ̈th tɔ ɣeer.

Kɛ̈ŋ 18:23

Raan kuanynyin ee jam ëmääth, ku kɔc kueth ayek jam ë lɛc.

Wɛ̈ɛ̈t 10:12

Wël ye raan pelnɔm lueel, ayek en tɔ nhiaar guöp, ku raan piɔlpiɔ̈u aye liemde riɔ̈ɔ̈k.

Wɛ̈ɛ̈t 2:19

Ku eeŋa ŋic en nɔn bï aa raan pelnɔm ku nɔn ee raan piɔlpiɔ̈u? Ku abï ya bɛ̈ny de kake luɔɔidït cä looi ë piny nɔm në pɛlënɔmdï, kënë aya ee ɣɔ̈ric.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

1 Tham 20:10

Go Debid Jɔnathan luɔp an, “Eeŋa bï ya lɛ̈k, të le wuur jam puk nɔm në agɔ̈th?”